მონაწილეების I-მა ნაკადმა Founder Institute-ის აქსელერაციის პროგრამა დაასრულა

აქსელერაციის პროგრამა პირველმა 8 სტარტაპმა დაასრულა.

14-კვირიანი ინტენსიური პროგრამის შემდეგ, დემო დღეს, 8 დამფუძნებელმა თავიანთი სტარტაპები წარმოადგინეს და დამსწრეებს მიღწეული პროგრესი გაუზიარეს:

• დიმიტრი როინიშვილი, StudyDrome-ის დამფუძნებელი. დიმიტრიმ წარადგინა ExamJet, სტუდენტთა ტესტირების სისტემა უნივერსიტეტების, კოლეჯებისა და სხვა საგანმანათლებლო დაწესებულებებისთვის.  

• გიორგი ურუშაძე, tasteit-ის დამფუძნებელი. tasteit ინოვაციური პლატფორმაა, რომელსაც გაცნობის აპლიკაციების მუშაობაში სიახლე შემოაქვს: ადამიანების დასაკავშირებელ მედიუმად საკვებს იყენებს.  

• ლაშა კვარაცხელია, Seaty-ის დამფუძნებელი. Seaty აპლიკაციაა, რომელიც მომხმარებლებს თავიანთი შემდეგი გასტრონომიული დანიშნულების ადგილის პოვნაში ეხმარება. 

• გიორგი ვადაჭკორია, Forma Healthy-ის დამფუძნებელი. Forma Healthy მომხმარებელს მათზე ინდივიდუალურად მორგებულ კვების რაციონს სთავაზობს.

• თამარ ბობოხიძე, Alerta Georgia-ის დამფუძნებელი. სტარტაპი მუშაობს ისეთი SOS ღილაკის შექმნაზე, რომლის შენიღბულად ტარება აქსესუარის სახით შეიძლება და რომელზე დაჭერის შემთხვევაშიც, შეტყობინება პოლიციას გაეგზავნება. 

• შორენა ლაბაძე, Do Now-ის დამფუძნებელი. ეს არის პლატფორმა, რომელიც მომხმარებელს კარიერასთან და პროფესიასთან დაკავშირებულ, ასევე პერსონალური განვითარების კონსულტაციებს, ტრენინგ და ნეთვორქინგ სესიებს სთავაზობს. 

• დავით გურჩიანი, Hey Stay!-ის დამფუძნებელი. პლატფორმა ბიუჯეტურ სასტუმროებს ეხმარება, გაზარდონ დატვირთულობის მაჩვენებელი.  

• მირანდა ნამიჭეიშვილი, Virtual Story-ის დამფუძნებელი. ეს არის სტარტაპი, რომელიც წიგნებისა და ვიდეოთამაშების ჰიბრიდებს ქმნის, რათა კითხვა უფრო ინტერაქტიური და მიმზიდველი გახადონ.

ღონისძიებას დაესწრნენ ანგელოზი ინვესტორები [ანგელოზი ინვესტორები არიან ინვესტორები, რომლებიც ადრეული განვითარების სტარტაპებს კომპანიის მცირე წილის (10-25%) სანაცვლოდ აფინანსებენ], ასევე, ვენჩურული კაპიტალის ფონდების წარმომადგენლები და განვითარების საწყის ეტაპზე მყოფი ტექნოლოგიური სტარტაპების დაფინანსებით დაინტერესებული სხვა ინვესტორები.

პროგრამის დასრულება ხანგრძლივი მოგზაურობის მხოლოდ დასაწყისია. Founder Institute-ის კურსდამთავრებულები იღებენ წვდომას კიდევ უფრო რთულ აქსელერაციის პროგრამებზე, ასევე მხარდაჭერას სილიკონ ველის გუნდისგან, ფასდაკლებებსა და სპეციალურ შეთავაზებებს პარტნიორებისგან და სხვა უამრავ შესაძლებლობას შემდეგ წლებში თავიანთი ბიზნესების კიდევ უფრო განსავითარებლად. 

Founder Institute-ის შესახებ

Founder Institute მსოფლიოს ყველაზე გავლენიანი ქსელია, რომელიც იდეებს აქცევს სტარტაპებად და სტარტაპებს — გლობალურ ბიზნესებად. 2009 წლის შემდეგ, ინსტიტუტის სტრუქტურირებული აქსელერაციის პროგრამები 6,000-ზე მეტ მეწარმეს დაეხმარა, ჯამურად 1.75 მილიარდი დოლარი მოეზიდათ. Founder Institute სილიკონ ველიში მდებარეობს და წარმომადგენლობა 95 ქვეყანაში აქვს. Მისი მისიაა, დაეხმაროს ნიჭიერ და მოტივირებულ ადამიანებს მსოფლიოს მასშტაბით გავლენიანი ტექნოლოგიური კომპანიების შექმნაში.

dev.ge-მ ვაკანსიების სერვისი გაუშვა: გამოაქვეყნეთ ვაკანსიები ჩვენთან და მიიღეთ გამოხმაურებები!

როგორ ეხმარება სტარტაპ ბიურო ქართულ ბიზნესს განვითარებაში

თემის მიხედვით

როგორ ეხმარება სტარტაპ ბიურო ქართულ ბიზნესს განვითარებაში