Meta Telegram-ის მსგავს სამაუწყებლო არხებს თავის პლატფორმებზე, Facebook-სა და Messenger-ზე ამატებს. ამ წლის დასაწყისში კომპანიამ არხები Instagram-სა და WhatsApp-ზე დაამატა. Meta-ს თქმით, ფუნქცია ორივე პლატფორმას უახლოეს კვირებში დაემატება.
Meta Telegram-ის მსგავს სამაუწყებლო არხებს თავის პლატფორმებზე, Facebook-სა და Messenger-ზე ამატებს. ამ წლის დასაწყისში კომპანიამ არხები Instagram-სა და WhatsApp-ზე დაამატა. Meta-ს თქმით, ფუნქცია ორივე პლატფორმას უახლოეს კვირებში დაემატება.
ეს ფუნქცია კონტენტის შემქმნელებსა და საჯარო პირებს საშუალებას აძლევს, რომ მიმდევრებთან ინტერაქციაში პირადად შევიდნენ. არხებზე ტექსტის, სურათებისა და რეაქციების გაგზავნა იქნება შესაძლებელი. ამასთან ერთად, წევრებს გამოკითვებში მონაწილეობის მიღებაც შეეძლებათ. სამაუწყებლო არხებში შეტყობინებების გაგზავნა მხოლოდ მის შემქმნელს შეუძლია, მაგრამ მაყურებელს შეტყობინებებზე რეაგირებისა და ხმის მიცემის უფლება აქვს.
კონტენტის შემქმნელებსა და საზოგადო მოღვაწეებს შეუძლიათ, სამაუწყებლო არხები თავისი მიმდევრებისთვის საინტერესო ინფორმაციის მარტივად გასავრცელებლად გამოიყენონ. Meta-ს აღმასრულებელი დირექტორი, მარკ ზაკერბერგი და კომპანიის სხვა აღმასრულებლები სამაუწყებლო არხებს ფუნქციებისა და პროდუქტების გამოშვებების შესახებ განახლებების გასაზიარებლად იყენებდნენ.
Meta ამჟამად Facebook გვერდების უნარსა და სურვილს ამოწმებს — რამდენად შეუძლიათ და სურთ მსგავსი სამაუწყებლო არხების შექმნა. მომხმარებლებს, რომლებიც Facebook-ზე გვერდს მართავენ, არხის შექმნა პირდაპირ მათი გვერდიდან შეუძლიათ. თუმცა ამისთვის თავად პლატფორმის დასტურია საჭირო. თუ ეს ფუნქცია თქვენს გვერდს არ გააჩნია, მაშინ მომლოდინეთა სიაში ყოფნა მოგიწევთ.
მას შემდეგ, რაც გვერდის მფლობელები სამაუწყებლო არხს შექმნიან და პირველ შეტყობინებას გაგზავნინ, მათი მიმდევრები ერჯერად მოთხოვნას მიიღებენ, რომელიც ეკითხება, სურთ თუ არა, არხს შეუერთდნენ. მომხმარებლებს შეუძლიათ, რომ სამაუწყებლო არხებს პირდაპირ Facebook-ის პროფილიდან შეუერთდნენ, რის შემდეგაც ყოველ ახალ გაგზავნილ სიახლეზე შეტყობინებას მიიღებენ. რა თქმა უნდა, ამ შეტყობინებების დადუმება შეგიძლიათ ისე, რომ არხი არ დატოვოთ.
Facebook-სა და Messenger-ზე სატესტო რეჟიმში რამდენიმე არხი უკვე შექმნილია. ესენია Netflix-ის, WWE-ის, League of Legends-ისა და კრიკეტის საერთაშორისო კომიტეტის არხები.
სამაუწყებლო არხები შემქმნელებსა და საზოგადო მოღვაწეებს თავიანთ მიმდევრებთან ინტერაქციის ახალ შესაძლებლობას აძლევს. წარსულში ისინი ძირითადად პოსტსა და სთორის იყენებდნენ, რათა მიმდევრებისთვის სიახლეები და განახლებები გაეზიარებჯანთ. მაგრამ ახლა მათ შესაძლებლობა აქვთ, რომ ამისთვის პირდაპირი და მარტივი გზა გამოიყენონ.
როდესაც Meta-მ სამაუწყებლო არხები Instagram-ზე პირველად გამოუშვა, კომპანიამ განაცხადა, რომ ამ ფუნქციის ყველა პოპულარულ აპლიკაციაში დამატებას აპირებდა. ზოგიერთი ადამიანი შეიძლება მიესალმება ახალ ფუნქციას Facebook-სა და Messenger-ზე, მაგრამ მათი რიცხვი დიდი არ არის. ზაკერბერგის პოსტზე, რომელშიც აღმასრუკებელი დირექტორი ახალ ფუნქციებზე საუბრობს, ხალხი წერს, რომ მათ პლატფორმის ძველი სახე ენატრებათ.
«ის დრო მენატრება, როცა ყველა აპლიკაცია უნიკალური იყო». — წერს ერთ-ერთი მომხმარებელი.
