მარკ ზაკერბერგი ჰავაიზე საიდუმლო კომპლექსს აშენებს — Wired-ის გამოძიება

სად ააშენებენ მარკის ბუნკერს

ორზოლიანი გზატკეცილის მიღმა, რომელიც ჰავაის კუნძულ კაუაის ჩრდილო-აღმოსავლეთ ნაწილს ეხვევა, კაპაასა და ჰანალეის ტურისტულ ცენტრებს შორის წყნარ რანჩოზე უზარმაზარი საიდუმლო მშენებლობა მიმდინარეობს. 

6 ფუტის სიმაღლის კედელი ბლოკავს ხედს ახლომდებარე გზიდან, სადაც მანქანები მოძრაობას ანელებენ, რათა დაინახოს, რა ხდება კედლების მიღმა. დაცვის თანამშრომლები შესასვლელ ჭიშკართან მორიგეობენ და კვადროციკლებით მიმდებარე სანაპიროებს პატრულირებენ. შედიან და გამოდიან პიკაპები, რომელთაც სამშენებლო მასალები გადააქვს და ასობით მუშა გადაჰყავს.

ამ პროექტზე მომუშავე არც ერთ ადამიანს არ აქვს უფლება, ისაუბროს იმაზე, რას აშენებენ. თითქმის ყველა, ვინც კომპლექსის დაცვას გადის — დურგლებიდან და ელექტრიკოსებიდან დაწყებული, მღებავებითა და დაცვის თანამშრომლებით დამთავრებული — გაუთქმელობის მკაცრი შეთანხმებითაა დაკავშირებული. ბევრი თანამშრომელი ამტკიცებს, რომ უნახავს ან სმენია, რომ მათი კოლეგები სოცქსელებში პროექტის შესახებ პოსტების გამო გაუშვეს. სხვადასხვა სამშენებლო ჯგუფი ცალკეული პროექტისთვის არის განკუთვნილი და მუშებს სხვა ჯგუფებთან თავიანთ სამუშაოზე საუბარი ეკრძალებათ. 

პროექტი იმდენად მასშტაბურია, რომ კუნძულის დიდი ნაწილი NDA-ს მიერ არის დაფარული. მაგრამ ყველამ იცის, ვინ დგას ამის უკან — მარკ ზაკერბერგი, კომპანია Meta-ს გენერალური დირექტორი, რომელიც მიწას 2014 წლის აგვისტოდან ფლობს.

როგორი იქნება კომპლექსი

პროექტთან დაკავშირებულ რამდენიმე ადამიანთან ინტერვიუები, ასევე საჯარო ჩანაწერები და სასამართლო დოკუმენტები, რომლებსაც WIRED გაეცნო, მიუთითებს იმაზე, რომ დაახლოებით 1400 აკრის ფართობის კომპლექსის დაგეგმვა და მშენებლობა საიდუმლოებით არის მოცული.

გეგმების მიხედვით, ობიექტი, რომელიც ცნობილია როგორც «კულაუს რანჩო», 5000 კვადრატული ფუტის ფართობის მიწისქვეშა საწყობს მოიცავს, ექნება საკუთარი ენერგიისა და საკვების წყარო და მიწის შესყიდვის ფასთან ერთად, $270 მილიონი ეღირება.

WIRED-ის მიერ ნანახი მტკიცებულებების თანახმად, პროექტი იურიდიულ მანევრებსა და პოლიტიკურ კავშირებს მოიცავს, ზოგჯერ კი, როგორც წყაროები ამბობენ, ადგილობრივი მოსახლეობის უგულებელყოფასაც გულისხმობს. ამავე დროს, ზაკერბერგი და მისი ცოლი პრისცილა ჩანი მსოფლიოში ერთ-ერთი ყველაზე ძვირადღირებული მამულის მშენებლობას აგრძელებენ.

WIRED-ის მიერ ნანახი გეგმების მიხედვით, კომპლექსი, რომელიც უკვე ნაწილობრივ არის აშენებული, შედგება ათზე მეტი შენობისგან, სულ მცირე 30 საძინებლითა და 30 აბაზანით. ის ორ ძირითად ნაგებობას შორის არის კონცენტრირებული, რომელთა საერთო ფართობი ფეხბურთის ორ მოედანს უტოლდება. თითოეულ ნაგებობას რამდენიმე ტელეფონი, ოფისი, საკონფერენციო დარბაზი და სამრეწველო ზომის სამზარეულო აქვს.

ახლომდებარე ტყიან ტერიტორიაზე დაგეგმილია დისკის ფორმის 11 სახლის მშენებლობა, რომლებიც ერთმანეთთან რთული საბაგირო ხიდებით იქნება დაკავშირებული, რაც მნახველებს საშუალებას მისცემს, ხეების მწვერვალზე დარჩენით ერთი შენობიდან მეორეში გადავიდნენ. მთავარი ნაგებობების მეორე მხრიდან მდებარე შენობაში იქნება სრული ზომის სპორტული დარბაზი, საცურაო აუზები, საუნა, ცხელი აბაზანა და ჩოგბურთის კორტები. ტერიტორიაზე სხვა სასტუმრო სახლები და დამხმარე შენობებია გათვალისწინებული.

სამშენებლო გეგმების თანახმად, ორი ძირითადი შენობა ერთმანეთთან გვირაბით იქნება დაკავშირებული. ის გაიშლება 5000 ფუტის ფართობის საცავის გარშემო, საცხოვრებელი ფართებით, მექანიკური ოთახებითა და ავარიული ლუკით, რომელთან დაკავშირებაც კიბით იქნება შესაძლებელი.

მხოლოდ ერთი პატარა რანჩოს შენობის დოკუმენტები  20-ზე მეტ კამერას ითვალისწინებს. კომპლექსში ბევრი კარის აღჭურვა კლავიატურით ან ხმის იზოლაციით იგეგმება. სხვები, როგორც ბიბლიოთეკაშია, აღწერილია როგორც «ყრუ კარები», რათა კედლების დიზაინის იმიტაცია გააკეთოს.  მიწისქვეშა საცავში კარები ლითონისგან დამზადდება და ბეტონით იქნება სავსე, ბუნკერებისა და ბომბსაცავებისთვის დამახასიათებელი სტილში.

წყაროებისა და დაგეგმარების დოკუმენტების თანახმად, რომელსაც WIRED გაეცნო, კომპლექსი თვითკმარი იქნება თავისი წყლის რეზერვუარითა და სატუმბი სისტემით. 1400 აკრზე სოფლის მეურნეობის მრავალფეროვან საკვებს უკვე აწარმოებენ.

$270 მილიონი საკუთარ რეკრეაციულ ზონაში

მშენებლობის ფასი კაცობრიობის ისტორიაში ყველაზე დიდი კერძო სამშენებლო პროექტების ღირებულებას უწევს კონკურენციას.

სამშენებლო ნებართვების თანახმად, ზაკერბერგის კომპლექსის ძირითადი მშენებლობის ფასი $100 მილიონს შეადგენს, გარდა მიწის შესყიდვის $170 მილიონისა, თუმცა, ეს შეიძლება დაკლებული ფასია.

კერძო რეზიდენციაზე ასეთი ფასს ადგილობრივ სამშენებლო ინდუსტრიაში ანალოგი არ ჰყავს ისევე, როგორც კონფიდენციალურობისა და უსაფრთხოების დონეს. «ასეთი რამის ნახვა მხოლოდ დაცულ სამხედრო ობიექტებზეა შესაძლებელი», — ამბობს ერთ-ერთი ადგილობრივი სამშენებლო ინდუსტრიის წარმომადგენელი, რომელიც ამ ობიექტთან არის დაკავშირებული. «კერძო პროექტისთვის გაუთქმელობის ხელშეკრულების გაფორმება — დიდი იშვიათობაა».

ვინ ცხოვრობს კუნძულზე, სადაც მარკის მშენებლობა მიმდინარეობს

კაუაი — ჰავაის მთავარ ოთხ კუნძულს შორის ერთ-ერთი ყველაზე ძველი და პატარა კუნძულია. აქ დაახლოებით 73 ათასი ადამიანი ცხოვრობს. მისი მაცხოვრებლები ადგილობრივი ჰავაელების შთამომავლები არიან, ასევე ჩინელი, იაპონელი, ფილიპინელი და პუერტო რიკოელი მიგრანტებისა, რომლებიც მე-19 საუკუნის ბოლოს და მე-20 საუკუნის დასაწყისში შაქრის ლერწმის პლანტაციებზე სამუშაოდ ჩავიდნენ.

ამ უკანასკნელთა ნაწილი აშშ-ს კონტინენტური ნაწილიდან და წყნარი ოკეანის სხვა კუნძულებიდან გადავიდნენ. როდესაც პლანტაციების მფლობელებმა თავიანთი ბიზნესი საზღვარგარეთ გადაიტანეს, იაფი მუშახელის იმედად, კუნძულზე შაქრის ლერწამი ტურიზმმა შეცვალა.

ზაკერბერგის ობიექტის მუშები მზარდი სამშენებლო ინდუსტრიის ნაწილი არიან, რომლებიც კონტინენტის მცხოვრებლებისთვის ძვირადღირებული სახლების მშენებლობაზე არიან ფოკუსირებულნი, რომელთაც სამოთხეში გადასახლება სურთ.

გაუთქმელობის ხელშეკრულების წყალობით, რომელიც მუშებს პროექტის განხილვას უკრძალავს, კომპლექსმა მითური სტატუსი მიიღო. ერთ-ერთი ადგილობრივი არქიტექტორი, რომელიც ზაკერბერგის პროექტთან დაკავშირებული არაა, ხუმრობს, რომ ეს მას შუასაუკუნეების მმართველებს აგონებს, რომლებიც, ლეგენდის თანახმად, თავიანთი ამბიციური პროექტების არქიტექტორებს კლავდნენ, რათა მათი ჩანაფიქრები მათთან ერთად გამქრალიყო.

მარკ ზაკერბერგის და პრისცილა ჩანის ურთიერთობა, თანამშრომლობა და ქველმოქმედება

თემის მიხედვით

მარკ ზაკერბერგის და პრისცილა ჩანის ურთიერთობა, თანამშრომლობა და ქველმოქმედება