ამერიკული ბანკის, Silvergate-ის მომხმარებლებმა 8 მილიარდი აშშ დოლარის ოდენობის დეპოზიტები გაიტანეს. Silvergate-მა $5.2-ის ღირებულების აქტივები გაყიდა, რათა ლიკვიდურობა შეენარჩუნებინა.
ამერიკული ბანკის, Silvergate-ის მომხმარებლებმა 8 მილიარდი აშშ დოლარის ოდენობის დეპოზიტები გაიტანეს. Silvergate-მა $5.2-ის ღირებულების აქტივები გაყიდა, რათა ლიკვიდურობა შეენარჩუნებინა.
2022 წლის ბოლო 3 თვეში დეპოზიტი ბანკის კლიენტების 2/3-მა გაიტანა.
ეს ყოველივე მას შემდეგ მოხდა, რაც აშშ-ის რეგულატორებმა ბანკები კრიპტოვალუტის გამოშვებასა და შენახვასთან დაკავშირებული რისკების შესახებ გააფრთხილეს და განაცხადეს, რომ «კრიპტო, დიდი ალბათობით, შეუსაბამოა უსაფრთხო და ჯანსაღი საბანკო პრაქტიკასთან».
Silvergate არის ბანკი, რომელიც ნიუ-იორკის საფონდო ბირჟაზეა წარმოდგენილი და შესაბამისად რეგულირდება. ეს ბანკი არის ერთ-ერთი იმ მცირერიცხოვან კომპანიებს შორის, რომელიც კრიპტო მომსახურებას უზრუნველყოფს.
დეპოზიტების გატანა კრიპტო ბირჟის, FTX-ის ჩამოშლას უკავშირდება — ბირჟა კოლაფსამდე — 2022 წლის ნოემბრამდე — $32 მილიარდად იყო შეფასებული.
FTX-ის დამფუძნებელი დაკავებულია, ახლა მას შინაპატიმრობა აქვს შეფარდებული. ბრალმდებლები აცხადებენ, რომ თანხა 1 მილიონამდე კრედიტორმა დაკარგა. ზარალი რამდენიმე მილიარდი აშშ დოლარია.
FTX-ის ჩამოშლას ჯაჭვური რეაქციები მოჰყვა — გაკოტრდა ბევრი კრიპტო კომპანია, ამასთან, დაეცა კრიპტოვალუტის ფასი.
Silvergate-ის აღმასრულებელმა დირექტორმა, ალან ლეინმა განაცხადა, რომ ბანკმა გაყიდა აქტივები, რათა დაფაროს კლიენტების მიერ გატანილი თანხები «ციფრული აქტივების ინდუსტრიაში სწრაფი ცვლილებების საპასუხოდ».
Silvergate აშშ-ის ბაზარზე პატარა ბანკი იყო, მანამ, სანამ 2019 წელს კრიპტოვალუტის სფეროში არ შევიდა. 2021 წლისთვის ის 1500%-ზე მეტით გაიზარდა.
ამ დროის განმავლობაში ბანკი ცდილობდა გამოეშვა საკუთარი სტაბილკოინი — კრიპტოვალუტა, რომელიც პირდაპირ არის დაკავშირებული ისეთ აქტივებთან, როგორიცაა ოქრო, აშშ დოლარი ან სხვა კრიპტოვალუტა.
2022 წლის იანვარში კი სილვერგეიტმა დახარჯა 182 მილიონი აშშ დოლარი, რათა მიეღო ტექნოლოგია, რომელიც იქნებოდა Meta-ს მიერ შემოთავაზებული Diem (ყოფილი Libra) სტაბკოინის მიღმა, რომელსაც უნახავს დღის სინათლე.
აშშ-ის ფასიანი ქაღალდებისა და ბირჟების კომისიისადმი მიმართვაში ბანკმა განაცხადა, რომ მან გაყიდა სესხები გატანილი დეპოზიტების დასაფარად და ჩამოწერა Diem-ის შესყიდვა, რაც ნიშნავს, რომ ის აღარ ითვლება აქტივად.
ასევე, ბანკმა 40%-ით, დაახლოებით 200 ადამიანით შეამცირა პერსონალი.
ჯამში, დეპოზიტების გატანის შედეგად ბანკმა $718 მილიონი დაკარგა, რაც 2013 წლიდან მის მოგებას აღემატება.
