2024 წელს ქართული სტარტაპი Phubber ყაზახეთსა და უზბეკეთში შედის
მოდის პირველი ქართული ონლაინ პლატფორმა, Phubber ბიზნესის გაფართოებას აგრძელებს — სომხეთსა და აზერბაიჯანში სტარტაპის გაშვების შემდეგ დამფუძნებლები 2024 წელს ყაზახეთსა და უზბეკეთში შედის.
მოდის პირველი ქართული ონლაინ პლატფორმა, Phubber ბიზნესის გაფართოებას აგრძელებს — სომხეთსა და აზერბაიჯანში სტარტაპის გაშვების შემდეგ დამფუძნებლები 2024 წელს ყაზახეთსა და უზბეკეთში შედის.
კომპანიის თანადამფუძნებლმა, გიორგი ჩუგოშვილმა bm.ge-სთან თქვა, რომ ამ ქვეყნებში კომპანიები უკვე დარეგისტრირებულია, თუმცა ასამოქმედებლად ხელსაყრელ დროს ელიან.
ცენტრალური აზიის ქვეყნების შემდეგ სტარტაპი ევროპის მასშტაბით ექსპანსიისთვისაც ემზადება, თუმცა გიორგი ჩუგოშვილი ჯერ ვერ აკონკრეტებს როდის და რომელი ქვეყნით დაიწყება პროცესი.
«მსგავსი პლატფორმები არის ევროკავშირის ქვეყნებში, თუმცა ჩვენ იმდენად დარწმუნებულები ვართ ჩვენ მიერ შექმნილ პროცესებსა და პროდუქტში, რომ ვიცით ის არაფრით ჩამოუვარდება იმ ბრენდებს, რომლებიც გლობალურ ბაზარზე დომინირებენ. არ არის გამორიცხული რომ 2024 წელს ჩვენი ძალები ევროპაშიც ვცადოთ. ზუსტად ახლა იმის თქმა, საიდან დაიწყება ბაზარზე შესვლა — რთული». — ამბობს გიორგი bm.ge-სთან ინტერვიუში.
Phubber გიორგი ჩუგოშვილმა ანანო დოლაბერიძესთან ერთად 2019 წლის 22 მარტს გაააქტიურა. თუმცა, იდეაზე მუშაობა 2018 წლის მეორე ნახევრიდან დაიწყო. სტარტაპი დღეისთვის უკვე 215 000-ზე მეტ მომხმარებელს აერთიანებს.
გიორგის ინსპირაცია Insider-ის სტატია გახდა Depop-ზე, რომელიც Phubber-ის ანალოგიური ბრიტანული პლატფორმაა Gen Z ბრიტანელებისთვის. თუმცა, სტატიამდეც მუშაობდნენ იდეაზე, რომ შეექმნათ სტანდარტული ელექტრონული კომერციის პლატფორმა სამოსისთვის.
Phubber-მა ქვეყნის ფარგლებს გარეთ გაფართოება პირველად უკრაინით დაიწყო. თუმცა 2022 წელს უკრაინაში დაწყებულმა ომმა, ბიზნესგეგმა შეცვალა. მიუხედავად ამისა, Phubber-ს ბაზარი არ დაუტოვებია და ოპერირებას აგრძელებს. შემდეგი ნაბიჯი სომხეთი და აზერბაიჯანი აღმოჩნდა, სადაც Phubber 2023 წელს შევიდა.
დღეისთვის სტარტაპის ღირებულება 10 მილიონ აშშ დოლარზე მეტია, თუმცა დამფუძნებლების ამბიციები გაცილებით დიდია — მათი აზრით, 2028 წლისთვის კომპანიის ბრუნვამ 86 მილიონს დოლარს უნდა გადააჭარბოს.
Phubber — მოდის პირველი ქართული ონლაინ პლატფორმა
Phubber — მოდის პირველი ქართული ონლაინ პლატფორმა
