როგორ შევინარჩუნოთ მოტივაცია, არ დავკარგოთ იმედი ხანგრძლივ კარიერულ მარათონში და მივაღწიოთ მიზანს — გიზიარებთ მასალას Coursera-ს ბლოგიდან და გიყვებით მუშაობის სტრატეგიების შესახებ.
როგორ შევინარჩუნოთ მოტივაცია, არ დავკარგოთ იმედი ხანგრძლივ კარიერულ მარათონში და მივაღწიოთ მიზანს — გიზიარებთ მასალას Coursera-ს ბლოგიდან და გიყვებით მუშაობის სტრატეგიების შესახებ.
მოტივაცია დაკავშირებულია იმასთან, თუ როგორ გვესმის ჩვენი პოტენციალი და მისი სრული რეალიზაციის სურვილი. დამსაქმებლები, როგორც წესი, ამ უნარებს პროფესიული განვითარების პერსპექტივიდან უყურებენ. მაგრამ მოტივაცია ასევე არის ჩვენი ემოციები, თანამშრომლების ფსიქიკური მდგომარეობა (განსაკუთრებით აქტუალურია მათთვის, ვინც ხელმძღვანელ პოზიციებს იკავებს).
«მსოფლიო ეკონომიკური ფორუმი» მოტივაციის უნარს განსაზღვრავს, როგორც «მიდგომას» ან «მსოფლმხედველობას»: ანუ, ის უფრო მეტად დაკავშირებულია იმასთან, როგორ ვავლენთ საკუთარ თავს, და არა კოგნიტიურ ან ტექნიკურ შესაძლებლობებთან.
«ის, რომ მოტივაცია და თვითანალიზი (ასევე ცნობისმოყვარეობა და მოქნილობა) ასე ღირებულია დამსაქმებლებისთვის — ეს მიუთითებს გამძლე და რეფლექსირებული დასაქმებულების ღირებულებაზე. ასეთ თანამშრომლებს ესმით თავიანთი უნარების სრული ბუნება და მზად არიან, მუდმივად ისწავლონ». — ნათქვამია «მსოფლიო ეკონომიკური ფორუმის» ანგარიშში — «სამუშაო ადგილების მომავალი».
უფრო მარტივად რომ ვთქვათ, კომპანიები სულ უფრო მეტად აფასებენ თანამშრომლებს, რომლებიც აქტიურად ეძებენ ზრდის შესაძლებლობებს, რათა მომავალ ტექნოლოგიურ ინოვაციებს წინ უსწრებდნენ.
გასაგებია, რომ ეს უნარი მოთხოვნადია, მაგრამ მისი რეალიზაცია შესაძლოა ძალიან რთული იყოს — განსაკუთრებით იმ შემთხვევაში, თუ მოსალოდნელია, რომ ეს ჩვეული სამუშაო ვალდებულებების მიღმა მოხდეს.
ერთ-ერთი ყველზე ეფექტიანი ხერხი მოტივაციის შესანარჩუნებლად — გახსოვდეთ, რატომ აკეთებთ ამას. დავუშვათ, ოპერატიული ინჟინერიის სწავლა გსურთ. დაუსვით საკუთარ თავს რამდენიმე კითხვა და ააგეთ მოტივაციის ჯაჭვი:
გამოდის, რომ ოპერატიული ინჟინერიის სწავლა დაგეხმარებათ, ოჯახი უფრო კარგად უზრუნველყოთ ფინანსურად. და ეს მოტივაცია უფრო ძლიერია, ვიდრე ფიქრები დამატებითი დატვირთვის შესახებ.
ძირეული მიზეზების გაგება არ არის მოტივაციისა და ცნობიერების ამაღლების ერთადერთი გზა. აქ არის კიდევ ხუთი სამეცნიერო სტრატეგია, რომლებიც მოტივაციისთვის დაგეხმარებათ:
- ჩაწერეთ თქვენი მიზანი კალენდარში.
- მიზანზე მუშაობა ჩვევად აქციეთ.
- დაგეგმეთ არაიდეალურად მომზადებული საქმეებიც.
- დასახეთ პატარა მიზნები, რათა ტემპს მოუმატოთ.
- თვალი ადევნეთ თქვენს პროგრესს.
მოტივაციისთვის ამ სტრატეგიების გამოყენება თქვენი ცხოვრების ნებისმიერ სფეროში შეგიძლიათ, რა მიზნისკენაც არ უნდა ისწრაფოდეთ და როგორი შორეულიც არ უნდა ჩანდეს ის. გახსოვდეთ, რომ არ არსებობს უნივერსალური სტრატეგია ყველა სიტუაციისთვის: სჯობს რამდენიმე მიდგომის გამოცდა სხვადასხვა გარემოებებში თქვენი საუკეთესო მოტივატორების გამოსარკვევად.
მოკლე კურსი — Mindshift: Break Through Obstacles to Learning and Discover Your Hidden Potential
თუ თქვენ ეძებთ მოკლე კურსს მოტივაციური ბლოკირების დასაძლევად, სცადეთ კურსი მაკმასტერის უნივერსიტეტისგან.
კურსი შექმნილია იმისათვის, რათა დაგეხმაროთ კარიერის ზრდაში სწრაფად ცვალებად საგანმანათლებლო გარემოში. თქვენი ასაკისა და კარიერული ეტაპის მიუხედავად Mindshift გასწავლით ისეთ საფუძვლებს, როგორებიცაა:
კურსზე წარმოგიდგენენ პრაქტიკულ სამეცნიერო ცოდნას იმის შესახებ, როგორ ისწავლოთ ეფექტურად და როგორ ისწავლოთ ზრდასრულ ასაკშიც და, ამასთან, როგორ წაიყვანოთ თქვენ სწავლა ახალი მიმართულებით. კურსი შექმნილია იმისათვის, რომ გაჩვენოთ, როგორ შეხედოთ თქვენს განვითარებასა და საზოგადოებაში თქვენს ადგილს, რათა შეძლოთ მიზნების მიღწევა, ცხოვრების რეალური შეზღუდვების გათვალისწინებით.
ამ კურსის გავლა შესაძლებელია მის «მონათესავე» კურსთან ერთად Learning How to Learn (Mindshift უფრო კარიერაზეა ორიენტირებული, ხოლო Learning How to Learn — სწავლაზე).
ჩაღრმავებული კურსი — Adapting: Career Development Specialization
თვითშემეცნებისა და მოტივაციის უფრო ღრმად შესასწავლად შეგიძლიათ გაეცნოთ მაკქუორის უნივერსიტეტის კურსს «Adapting: Career Development Specialization».
კომპანიები ცვლიან თავიანთ სტრუქტურებსა და პროცესებს, რათა ტექნოლოგიებისგან სარგებელი იპოვონ და გლობალიზებულ ბაზრებზე კონკურენტუნარიანები დარჩნენ. სპეციალიზაციაში ოთხი კურსია, რომლებიც ამ ცვლილებებისთვის ადაპტაციაში დაგეხმარებათ:
კურსი ფსიქოლოგიური მიდგომით — Introduction to Self-Determination Theory: An approach to motivation, development and wellness
თუ თქვენ დაინტერესებული ხართ მოტივაციისადმი ფსიქოლოგიური მიდგომით, მაშინ როჩესტერის კურსი ნახეთ.
თვითგამორკვევის თეორია (SDT) არის მოტივაციისა და ფსიქოლოგიური განვითარების ემპირიულად დასაბუთებული თეორია. განსაკუთრებული ყურადღება ეთმობა ძირითად ფსიქოლოგიურ მოთხოვნილებებს, რომლებიც განაპირობებენ ხარისხიან მოტივაციას და მათ მხარდაჭერას სოციალურ კონტექსტში. SDT ასევე დეტალურად აღწერს მოტივატორის სტილებსა და სტრატეგიებს.
ამ კურსში SDT-ს მიმოიხილავს პროფესორი რიჩარდ რაიანი, თეორიის ერთ-ერთი დამფუძნებელ. განსაკუთრებული აქცენტი გაკეთდება იმაზე, თუ როგორ უჭერს მხარს და ხელს უწყობს ავტონომია და კომპეტენცია ქცევის სტაბილურობას, ურთიერთობის ხარისხსა და პროფესიულ და პიროვნულ განვითარებას.
