The New York Times წერს, რომ ისრაელის სამხედრო დაზვერვა ღაზაში სახის ამოცნობის ექსპერიმენტულ პროგრამას იყენებდა, რომელიც პალესტინელი სამოქალაქო პირები არასწორად დაასახელა ჰამასის წევრებად. Google Photos, სავარაუდოდ, ამ ამბავთან კავშირშია, თუმცა, ჯერჯერობით, კომპანიასთან რაიმე პირდაპირი თანამშრომლობა არ ფიქსირდება.
The New York Times წერს, რომ ისრაელის სამხედრო დაზვერვა ღაზაში სახის ამოცნობის ექსპერიმენტულ პროგრამას იყენებდა, რომელიც პალესტინელი სამოქალაქო პირები არასწორად დაასახელა ჰამასის წევრებად. Google Photos, სავარაუდოდ, ამ ამბავთან კავშირშია, თუმცა, ჯერჯერობით, კომპანიასთან რაიმე პირდაპირი თანამშრომლობა არ ფიქსირდება.
გავრცელებული ინფორმაციით, თვალთვალი ღაზაში ისრაელელი მძევლების მოძებნის მიზნით დაიწყო. თუმცა, როგორც ხშირად ხდება ომის დროს ახალ ტექნოლოგიასთან დაკავშირებით, ის მალევე გააფართოვეს„ჰამასთან ან სხვა დაჯგუფებებთან დაკავშირებული პირების აღმოჩენისთვის».
Amnesty International-ის გასული წლის ანგარიშის თანახმად, ისრაელი მანამდეც იყენებდა სახის ამომცნობ ტექნოლოგიას დასავლეთ სანაპიროსა და აღმოსავლეთ იერუსალიმში. თუმცა, ღაზაში ისინი კიდევ უფრო შორს წავიდნენ.
3 ებრაელი დაზვერვის ოფიცერი NYT-ს ესაუბრა, ვინაიდან, მათი თქმით, საქმე ეხება ისრაელის მიერ რესურსების ბოროტად გამოყენებას.
ისრაელის სათვალთვალო ტექნოლოგიას ხარვეზები აქვს, მაგრამ მისი ჯარისკაცები ამას უგულებელყოფდნენ, როცა მას პალესტინელი მოქალაქეების «ამოსაცნობად» იყენებდნენ და სისტემის მიერ მონიშნულ ადამიანებს აკავებდნენ.
დაზვერვის ოფიცრებმა NYT-ს უთხრეს, რომ სადაზვერვო პროგრამა ისრაელის კერძო კომპანიის, Corsight-ის ტექნოლოგიას იყენებს. კომპანიის სათავო ოფისი თელ-ავივში მდებარეობს. Corsight-ის მტკიცებით, მათ სათვალთვალო სისტემებს ზუსტად შეუძლიან ადამიანების ამოცნობა, რომლებსაც ნახევარ სახეზე ნაკლები უჩანთ.
3 ოფიცრის თქმით, Corsight-ის ტექნოლოგიის გასაძლიერებლად ისრაელმა გამოიყენა Google Photos, Google-ის ფოტოების გაზიარებისა და შენახვის უფასო სერვისი. კონკრეტული პირების მონაცემთა ბაზის Google Photos-ში ატვირთვით, ისრაელის ოფიცრებს შეუძლიათ გამოიყენონ სერვისის ფოტოების ძიების ფუნქცია ადამიანების იდენტიფიცირებისთვის.
ოფიცრები ამბობენ, რომ ისრაელის მტკიცებით, ტექნოლოგიების შერწყმა ისრაელს საშუალებას აძლევს, გაარჩიოს სახეები ხალხმრავლობასა და დრონის კადრებში.
მაგრამ ისრაელის ერთ-ერთმა ოფიცერმა ისრაელის კიბერ დაზვერვის დივიზია 8200-ში გამოარკვია, რომ სინამდვილეში, სათვალთვალო პროგრამა ვერ ცნობს ან არასწორად აღიქვამს დაბურულ ან დაშავებულ სახეებს.
შესაბამისად, მისი თქმით, ისრაელის დაზვერვის ტექნოლოგიამ რამდენჯერმე მშიდობიან პალესტინელ მოქალაქეებზე არასწორად მიუთითა, რომ ჰამასის წევრია.
Google-ის სპიკერმა გამოცემა გამოცემას უთხრა, რომ Google Photos მხოლოდ იმათ სახეებს აჯგუფებს, რომლებიც ამა თუ იმ ადამიანის მიერ უკვე არის ატვირთული ბიბლიოთეკაში.
«Google Photos უფასო პროდუქტია, რომელიც ფართოდ არის ხელმისაწვდომი საზოგადოებისთვის. ის ფოტოების ორგანიზებაში მსგავსი სახეების დაჯგუფებით გეხმარებათ — ის აჯგუფებს სახეებს, რათა შემდეგ ძველ ფოტოებში მათ ადგილად მიაგნოთ. თუმცა, ჩვენი ტექნოლოგია ფოტოებზე გამოსახული უცნობი ადამიანების ვინაობას არ ასახელებს». — განაცხადა Google-ის წარმომადგენელმა.
ისრაელის არმიის სპიკერმა NYT-ს უთხრა, რომ სამხედროები «ახორციელებენ უსაფრთხოებისა და დაზვერვის აუცილებელ ოპერაციებს, ამასთან, სწევენ მნიშვნელოვან ძალისხმევას, რათა მინიმუმამდე დაიყვანონ ზიანი.
«ბუნებრივია, ჩვენ არ შეგვიძლია, მივმართოთ ოპერატიულ და სადაზვერვო შესაძლებლობებს ამ კონტექსტში» — თქვა მან.
ერთ-ერთი ადამიანი იმ რამდენიმე ასეულ ადამიანს შორის, რომელიც სათვალთვალო პროგრამაზე დაყრდნობით შეცდომით დააკავეს, პოეტი მოსაბ აბუ ტოჰაა. მან NYT-ს განუცხადა, რომ ის სამხედრო საგუშაგოზე ჩრდილოეთ ღაზაში დაიჭირეს, როდესაც მისი ოჯახი ბლოკადაში მყოფი ღაზის სექტორიდან ეგვიპტეში გადასვლას ცდილობდა.
მოსაბ აბუ ტოჰას ხელბორკილები დაადეს და თვალები აუხვიეს, შემდეგ კი სცემეს და ორი დღის განმავლობაში ჰკითხავდნენ, სანამ საბოლოოდ უკან არ დააბრუნეს.
მისი თქმით, ისრაელელმა ჯარისკაცებმა გათავისუფლებამდე უთხრეს, რომ მისი დაკავება «შეცდომა» იყო.
პოეტმა ასევე თქვა, რომ ის არ არის დაკავშირებული ჰამასთან და ამასთან, არაფერი იცოდა ისრაელის მიერ სახის ამომცნობ ტექნოლოგიაზე. თუმცა, გაიგო, რომ ისრაელის არმიაში ვიღაცამ გამოიყენა ფრაზა «ახალი ტექნოლოგია» იმაზე საუბრისას, ვინც ახლა დაპატიმრებულია.
