iA Writer ტექსტური რედაქტორია, რომელიც Information Architects-ის მიერ არის შემუშავებული. პლატფორმის უახლეს ვერსიას, iA Writer 7-ს ახალი ფუნქცია აქვს — მას ადამიანისა და გენერაციული ხელოვნური ინტელექტის მიერ შექმნილი ტექსტის ერთმანეთისგან გარჩევა შეუძლია.
iA Writer ტექსტური რედაქტორია, რომელიც Information Architects-ის მიერ არის შემუშავებული. პლატფორმის უახლეს ვერსიას, iA Writer 7-ს ახალი ფუნქცია აქვს — მას ადამიანისა და გენერაციული ხელოვნური ინტელექტის მიერ შექმნილი ტექსტის ერთმანეთისგან გარჩევა შეუძლია.
აპლიკაციაში ადამიანის მიერ დაწერილი ტექსტი შავია, ხოლო AI-ის მიერ გენერირებული ტექსტი ნაცრისფერი. როდესაც ხელოვნური ინტელექტის მიერ დაწერილი ტექსტის რედაქტირებას დაიწყებთ, მარტივად გაარჩევთ, რომელი და რამდენია თქვენი ნამუშევარი და რამდენი — გენერირებული.
ფუნქციის მიმოხილვისას კომპანიამ ხელოვნური ინტელექტის მიერ გენერირებული ტექსტის გამოყენების საკუთარ ფილოსოფიაზე ისაუბრა. იმის ნაცვლად, რომ ხელოვნური ინტელექტი ghostwriter-ად იქცეს, რომელიც «საკუთარი ხმის დაკარგვას გაიძულებთ», iA Writer-ის ახალი ფუნქცია მას უფრო «თქვენს პარტნიორად აქცევს», რომელიც «მოგიწოდებთ, მეტი იფიქროთ და უკეთ წეროთ».
ფუნქცია პლაგიატის აღმოჩენას ან ხელოვნური ინტელექტის მიერ გენერირებული კონტენტის ამოცნობას ნაკლებად ეხება და უფრო მეტად ადამიანების კრეატიულობისა და შრომისუნარიანობის გაზრდას ემსახურება.
საავტორო ფუნქცია ამჟამად მხოლოდ iA Writer-ის Mac, iOS და iPadOS აპლიკაციებზეა ხელმისაწვდომი, თუმცა კომპანია აცხადებს, რომ მის გადატანას მომავალში iA Writer-ის სხვა პლატფორმებზეც გეგმავს, როგორიცაა Windows და Android. მაგრამ უფრო საინტერესო ის არის, რომ iA Github-ზე გამოაქვენდა — კომპანიამ განაცხადა, რომ iA Writer სხვა აპებთან მუშაობისთვის მზადაა, რათა ფუნქცია ახალ სტანდარტად აქციოს.
