HP იმ ტექნოლოგიური კომპანიების სიას ემატება, რომლებიც პერსონალს ამცირებენ. კომპანია მომდევნო სამი წლის განმავლობაში 6000-მდე ადამიანის გათავისუფლებას გეგმავს. კომპანიის მენეჯმენტის განცხადებით, ეს ფართო რესტრუქტურიზაციის ნაწილია.
HP იმ ტექნოლოგიური კომპანიების სიას ემატება, რომლებიც პერსონალს ამცირებენ. კომპანია მომდევნო სამი წლის განმავლობაში 6000-მდე ადამიანის გათავისუფლებას გეგმავს. კომპანიის მენეჯმენტის განცხადებით, ეს ფართო რესტრუქტურიზაციის ნაწილია.
HP-ის შეფასებით, მისი «მომავლის ტრანსფორმაციის გეგმა», რომელიც 4000-დან 6000-მდე თანამშრომლის გათავისუფლებას გულისხმობს, კომპანიას 1.4 მილიარდ დოლარს დააზოგინებს.
«კომპანია ელის, რომ შემცირება მოიცავს 4000-6000 თანამშრომელს» — ნათქვამია კომპანიის განცხადებაში. «ეს ნაბიჯები სავარაუდოდ 2025 წლის ბოლოსთვის დასრულდება».
მთლიანობაში, ამ ეტაპზე, HP-ში 51 000 თანამშრომელია დასაქმებული.
კომპანიის შემოსავალი ბოლო 3 თვეში 11%-ზე მეტით შემცირდა. HP-ის აღმასრულებელი დირექტორი ენრიკე ლორესი კრიზისის მიზეზად კომპანიის კომპიუტერებსა და პრინტერებზე «მოთხოვნის შერბილებას» ასახელებს.
მისივე თქმით, რესტრუქტურიზაციის გეგმა კომპანიას საშუალებას მისცემს, უკეთ მოემსახუროს მომხმარებელს. ლორესი ამბობს, რომ ხარაჯების შემცირება აუცილებელია, რათა მომავალში ბიზნესი სწორად პოზიციონირდეს.
დიდი ტექნოლოგიური კომპანიებიდან, მსოფლიოს მასშტაბით, სამსახური უკვე 120 ათასზე მეტმა ადამიანმა დაკარგა. 11 ათასი ადამიანი გაათავისუფლა Meta-მ, ასევე, სამსახურიდან უშვებენ Twitter-ში, Amazon-ში, Coinbase-სა და Snap-ში დასაქმებულ ადამიანებს.
