ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Google-მა text-to-music ხელოვნური ინტელექტი გამოუშვა

Google-მა ახალი ექსპერიმენტული AI ინსტრუმენტი, MusicLM გამოუშვა, რომელსაც ტექსტის მუსიკად გადაქცევა შეუძლია. MusicLM, რომელიც AI Test Kitchen აპში, Android-სა და iOS-ზე არის ხელმისაწვდომი, მომხმარებლებს საშუალებას აძლევს, აკრიფონ მოთხოვნა, როგორიცაა, მაგალითად, «ჯაზი სადილისთვის» ან «შექმენი ინდუსტრიული ტექნო ხმა, რომელიც ჰიპნოზურია».

კომენტარის დატოვება
Google-მა text-to-music ხელოვნური ინტელექტი გამოუშვა

Google-მა ახალი ექსპერიმენტული AI ინსტრუმენტი, MusicLM გამოუშვა, რომელსაც ტექსტის მუსიკად გადაქცევა შეუძლია. MusicLM, რომელიც AI Test Kitchen აპში, Android-სა და iOS-ზე არის ხელმისაწვდომი, მომხმარებლებს საშუალებას აძლევს, აკრიფონ მოთხოვნა, როგორიცაა, მაგალითად, «ჯაზი სადილისთვის» ან «შექმენი ინდუსტრიული ტექნო ხმა, რომელიც ჰიპნოზურია».

მომხმარებლებს შეუძლიათ ელექტრონული ან კლასიკური ინსტრუმენტები მიუთითონ, ასევე სასურველი — «ვაიბი, განწყობა ან ემოცია». 

როდესაც Google-მა იანვარში MusicLM-ზე აკადემიურ ნაშრომში ისაუბრა, თქვა, რომ მის გამოშვებას დაუყოვნებლივ არ გეგმავენ. ნაშრომის თანაავტორებმა აღნიშნეს, რომ MusicLM-მა უამრავი ეთიკური გამოწვევა გააჩინა, რომელთა გადალახვაც მარტივი არ იყო. მაგალითად, კომპანია ხელოვნური ინტელექტით გენერირებულ სიმღერებში საავტორო უფლებებით დაცული მასალის შეტანის პრობლემას წააწყდა.

Google-ის თქმით, ბოლო თვეების განმავლობაში, კომპანია მუსიკოსებთან ერთად მუშაობს და სემინარებს მასპინძლობს, რათა მათ ტექნოლოგიის ძალა და მნიშვნელობა დაანახოს. 

ნებისმიერ შემთხვევაში, ნაკლებად სავარაუდოა, რომ გენერაციული მუსიკის გარშემო არსებული უფრო ფართო გამოწვევები ადვილად გამოსწორდება.

2020 წელს, Jay-Z-ის ჩამწერმა ლეიბლმა ერთ-ერთ YouTube არხს, Vocal Synthesis-ს, საავტორო უფლებების დარღვევის გამო უჩივლა. მათი მტკიცებით, ავტორმა Jay-Z-ის სიმღერების ქავერების შესაქმნელად ხელოვნური ინტელექტი გამოიყენა. ვიდეოების თავდაპირველად წაშლის შემდეგ, YouTube-მა ისინი აღადგინა, რადგან აღმოჩნდა, რომ წაშლის მოთხოვნა «არასრული» იყო.

მაგრამ გაყალბებული მუსიკა კვლავ ბუნდოვან ლეგალურ ნიადაგზე დგას.

სულ უფრო და უფრო ვირუსული ხდება ხელნაკეთი ტრეკები, რომლებიც გენერაციულ AI-ის ნაცნობი ბგერების შესაქმნელად იყენებენ. ყველაზე საინტერესო და ამავდროულად სახიფათო ის არის, რომ ხელოვნური ინტელექტის მიერ შექმნილი ბგერები ავთენტურთან ძალიან ახლოსაა. გასულ თვეში, Spotify-მ სტარტაპ Boomy-დან Universal Music Group-ის საჩივრის შემდეგ ათიათასობით სიმღერა წაშალა.

ერიკ სანრეი, რომელიც ამჟამად მუსიკის გამომცემელთა ასოციაციის იურიდიული სტაჟიორია, ამტკიცებს, რომ ხელოვნური ინტელექტის მუსიკის გენერატორები, როგორიცაა MusicLM, მუსიკის საავტორო უფლებებს არღვევენ.

«ჩვენ ვწვალობთ და ვშრომობთ იმისთვის, რომ ხარისხიანი მუსიკა შევქმნათ. ხელოვნური ინტელექტის გენერატორები კი უკვე არსებული სიმღერებიდან სწავლობენ, რაც, ცხადია, საავტორო უფლებების დარღვევაა». — ამბობს სანრეი.

AI მუსიკის მომავალი ბუნდოვანია, ყველაფერს დრო გვიჩვენებს, თუმცა სასამართლოში შეტანილი სარჩელების აურეცხელი რაოდენობა, ადრე თუ გვიან, რეგულაციების აუცილებლობას დაგვანახებს.

თორნიკე ქარჩხაძე სან დიეგოს უნივერსიტეტში AI-ს მუსიკის წერას ასწავლის
თორნიკე ქარჩხაძე სან დიეგოს უნივერსიტეტში AI-ს მუსიკის წერას ასწავლის
თემის მიხედვით
თორნიკე ქარჩხაძე სან დიეგოს უნივერსიტეტში AI-ს მუსიკის წერას ასწავლის


ასევე წაიკითხეთ
AI-ის დამსახურებით, Nvidia-ს მოგება 600%-ით გაიზარდა
AI-ის დამსახურებით, Nvidia-ს მოგება 600%-ით გაიზარდა
AI-ის დამსახურებით, Nvidia-ს მოგება 600%-ით გაიზარდა
რატომ უშვებს Spotify საკუთარ შრიფტს
რატომ უშვებს Spotify საკუთარ შრიფტს
რატომ უშვებს Spotify საკუთარ შრიფტს
Truecaller და Microsoft მომხმარებლებს ზარებზე პასუხის გასაცემად AI ხმის შექმნის ნებას მისცემს
Truecaller და Microsoft მომხმარებლებს ზარებზე პასუხის გასაცემად AI ხმის შექმნის ნებას მისცემს
Truecaller და Microsoft მომხმარებლებს ზარებზე პასუხის გასაცემად AI ხმის შექმნის ნებას მისცემს
რა წერია ევროპული საბჭოს მიერ მიღებულ AI აქტში
რა წერია ევროპული საბჭოს მიერ მიღებულ AI აქტში
რა წერია ევროპული საბჭოს მიერ მიღებულ AI აქტში
დღეს, 21 მაისს ევროპულმა საბჭომ მიიღო ხელოვნური ინტელექტის აქტი — კანონი, რომელიც «მიზნად ისახავს ხელოვნური ინტელექტის წესების ჰარმონიზაციას». ევროპული საბჭო აცხადებს, რომ აქტი მიჰყვება რისკებზე დაფუძნებულ მიდგომას — რაც უფრო მაღალია საზოგადოებისთვის ზიანის მიყენების რისკი, მით უფრო მკაცრია წესები. ეს არის პირველი კანონმდებლობა მსოფლიოში, რომელსაც შეუძლია, დააწესოს ხელოვნური ინტელექტის რეგულირების გლობალური სტანდარტი.
განხილვა
კომენტარები ჯერ არაა.