Google-ის სერვისებში, მაგალითად, Maps-სა და Search-ში ყალბ მიმოხილვებს/შეფასებებს მრავლად შეხვდებით. ამიტომ, გასულ წელს, ტექნოლოგიურმა გიგანმტა ალგორითმი შეიმუშავა, რომელიც სიყალბეს უმოკლეს დროში აღმოაჩენს და პლატფორმიდან აქრობს. 2023 წელს კომპანიის სხვადასხვა აპლიკაციებიდან თუ სერვისებიდან 170 მილიონი ყალბი მიმოხილვა წაიშალა.
Google-ის სერვისებში, მაგალითად, Maps-სა და Search-ში ყალბ მიმოხილვებს/შეფასებებს მრავლად შეხვდებით. ამიტომ, გასულ წელს, ტექნოლოგიურმა გიგანმტა ალგორითმი შეიმუშავა, რომელიც სიყალბეს უმოკლეს დროში აღმოაჩენს და პლატფორმიდან აქრობს. 2023 წელს კომპანიის სხვადასხვა აპლიკაციებიდან თუ სერვისებიდან 170 მილიონი ყალბი მიმოხილვა წაიშალა.
Google Maps-ის მთავარი პროგრამული უზრუნველყოფის ინჟინერი, დენ პრიჩეტი წერს, რომ მიმოხილვები გამოქვეყნებამდე Google-ის მოდერაციის სისტემების მიერ მკაცრ შემოწმებას გადის. სისტემები, დროთა განმავლობაში, საეჭვო აქტივობებსაც აკონტროლებენ — სწორედ ამისთვის იყენებს Google გასულ წელს შემუშავებულ ალგორითმს.
პრიჩეტი განმარტავს, რომ ალგორითმი სიგნალების ყოველდღიური შემოწმებით საეჭვო მიმოხილვის შაბლონებს სწრაფად აღმოაჩენს. მაგალითად, მიმომხილველს, რომელიც ერთსა და იმავე მიმოხილვას მრავალ ბიზნესზე ტოვებს.
ალგორითმი იმ თაღლითების წინააღმდეგაც აქტიურად გამოიყენება, რომლებიც კომპანიებს უკავშირდებიან და არწმუნებენ, რომ გარკვეული საფასურის სანაცვლოდ მათ მიმოხილვებს გააუმჯობესებენ. შაბლონების იდენტიფიცირების შემდეგ ალგორითმი ბიზნესის თაღლითებისგან დაცვას იწყებს. Google ამბობს, რომ ხუთ მილიონზე მეტი ყალბი განხილვის მცდელობა აღმოაჩინა, რომელიც ერთ კონკრეტულ თაღლითობასთანაა დაკავშირებული.
გასულ წელს, კომპანიის პოლიტიკის დარღვევის გამო 170 მილიონზე მეტი მიმოხილვა წაიშალა, რაც 2022 წლის შედეგზე 45%-ით მეტია. Googl-მა აღმოაჩინა და წავალა 12 მილიონი ყალბი ბიზნეს პროფილი. გარდა ამისა, 2023 წელს 14 მილიონი ვიდეო წაიშალა, რაც ორჯერ მეტია ვიდრე 2022 წელს წაშლილი ვიდეობის რაოდენობა.
Google ადამიანებს, რომლებიც კომპანიის სისტემების მანიპულირებას ცდილობენ, პატივისცემით არ ეპყრობა. ტექნოლოგიურმა გიგანტმა გასულ წელს თაღლითის წინააღმდეგ სარჩელი შეიტანა, რომელმაც 350-ზე მეტი თაღლითური ბიზნეს პროფილი გამოაქვეყნა და მათ გამყარებას 14 000-ზე მეტი ყალბი მიმოხილვით ცდილობდა.
