11-12 დეკემბერს თბილისში, პულმანში კიბერუსაფრთხოების და IT ინოვაციების შესახებ რეგიონში ყველაზე დიდი კონფერენცია, GITI ტარდება. ღონისძიება, რომელიც პირველად 2008 წლის სექტემბერში ჩატარდა, წელს, რიგით მე-13 შეხვედრაზე 1100-ზე მეტ დამსწრეს მასპინძლობს. ღონისძიების ოქროს სპონსორი თიბისია.
11-12 დეკემბერს თბილისში, პულმანში კიბერუსაფრთხოების და IT ინოვაციების შესახებ რეგიონში ყველაზე დიდი კონფერენცია, GITI ტარდება. ღონისძიება, რომელიც პირველად 2008 წლის სექტემბერში ჩატარდა, წელს, რიგით მე-13 შეხვედრაზე 1100-ზე მეტ დამსწრეს მასპინძლობს. ღონისძიების ოქროს სპონსორი თიბისია.
«ეს არის პლატფორმა საჯარო და კერძო დიალოგისთვის». — გვეუბნება გიგა შუბითიძე, ICT ბიზნეს საბჭოს პრეზიდენტი და კონფერენციის ორგანიზატორი.
GITI სახელმწიფო უწყებებისა და კერძო კომპანიების წარმომადგენლების გამოსვლებით იქნება დატვირთული. აუდიტორიის წინაშე წარდგებიან სტარტაპების დამფუძნებლებიც. სიახლე, რაც წლევანდელ ღონისძიებაზე დაგხვდებათ, პანელური დისკუსია იქნება. ტრადიციულად, გაიმართება დაჯილდოება.
11-12 დეკემბრის ღონისძიებაზე სპიკერები რამდენიმე თემაზე ისაუბრებენ. მათ შორის:
თითო თემა, ანუ მოდული რამდენიმე ქვე-თემას და მრავალ სპიკერს აერთიანებს.
«ვსაუბრობთ ინფორმაციული ტექნოლოგიების გარშემო, ოღონდ ბიზნეს ენაზე — რა ელექტრონული სერვისები განვითარდა მიმდინარე წელს, რა ახალი შესაძლებლობები შეიქმნა ბიზნეს პროცესების ოპტიმიზაციის, სხვადასხვა მიმართულების განვითარების კუთხით და სხვა.
სახელმწიფო უყვება კერძო სექტორს, რა სიახლეები შემოიტანეს, რა ინოვაცია დანერგეს საჯარო მმართველობაში ელექტრონული სერვისებისა და ტექნოლოგიების გამოყენებით, კერძო სექტორი, ბიზნესი კი, თავის მხრივ, სახელმწიფოს უყვება, რა ინოვაციური ბიზნეს და IT გადაწყვეტილებები დანერგეს, რა გააკეთეს როგორც სხვა ორგანიზაციების ბიზნეს პროცესების ოპტიმიზაციის, გამჭვირვალობის, გამარტივების, ისე — ელექტრონული ბიზნესის განვითარების კუთხით. ვსაუბრობთ ინოვაციებზე სხვადასხვა მიმართულებით».
რაც შეეხება პანელურ დისკუსიებს: კონფერენციის პირველ დღეს, 11 დეკემბერს დისკუსია ეროვნული ციფრული ეკოსისტემის განვითარებას შეეხება, 12 დეკემბერს — კიბერუსაფრთხოების გამოწვევებს საქართველოსა და რეგიონში.
2023 წლის GITI-ზე გამომსვლელები იქნებიან როგორც სახელმწიფო უწყებების: ეკონომიკის სამინისტროს, კომუნიკაციების კომისიის, მუნიციპალური და სერვისების განვითარების სააგენტოების უმაღლესი თანამდებობის პირები, ისე — გაეროს სტრუქტურების წარმომადგენლები, უნივერსიტეტების წარმომადგენლები და სტარტაპებისა და ბიზნესების დამფუძნებლები.
გიგა შუბითიძე გვიყვება, როგორ დგება GITI-ის დღის წესრიგი და იგეგმება კონფერენცია — მასში მონაწილეობა ყველა რელევანტურ მსურველს შეუძლია. ისინი ისევე რეგისტრირდებიან, როგორც დამსწრეები. თუმცა, ბუნებრივია, არსებობს ფილტრიც, რომლის მიხედვითაც მონაწილეების შერჩევა ხდება.
გიგა შუბითიძის თქმით, კონფერენციის სპიკერი ვერ იქნება მონაწილე, რომელიც IT ტექნოლოგიებისა და ინოვაციების საკითხს სცდება. ასევე, არ კეთდება კონკრეტული ვენდორის/მომწოდებლის რეკლამა, არ საუბრობენ კონკრეტულ ტექნიკაზე და ა.შ.
«თემები არის საინტერესო, ინოვაციური პროექტები — ჩვენი მიზანია, აღვწეროთ პროექტი, გადაწყვეტილება და სხვა. შინაარსი მოვყვეთ — როგორ გავუადვილეთ ცხოვრება ადამიანებს. დღის წესრიგის მოდულები და სესიები იმის მიხედვით ჯგუფდება, თუ რა ტიპის კონტენტს გვთავაზობენ პოტენციური მონაწილეები. კონფერენცია ცენტრალიზებულად არ იგეგმება». — ამბობს.
რაც შეეხება GITI-ის ჯილდოს — წელს ის 13 ნომინაციაში გაიცემა. 6 მათგანი სახელმწიფო უწყებებისთვის, 7 — კერძო კომპანიებისთვის. გიგა შუბითიძის თქმით, კონკურსი და კონკურენცია დიდია. გადაწყვეტილებას კონფიდენციალური შემადგენლობით სპეციალური კომისია იღებს.
GITI-ის ჯილდო ერთ-ერთი ყველაზე საპატიოა IT სფეროში ჩართული კომპანიებისა და უწყებებისთვის.
«ყველაზე გამოსაჩენ ადგილებში უკიდიათ GITI-ის ჯილდოები. იქ, სადაც მნიშვნელოვან სტუმრებს, პარტნიორებს ხვდებიან. ნომინაციებს შორის არის, მაგალითად, წლის საუკეთესო IT ინტეგრატორი, ან წლის საუკეთესო სტარტაპი, ან საუკეთესო კომპლექსური ბიზნესგადაწყვეტილება — ეს ჯილდო წლის შეჯამება და აღიარებაა. ის გამოგარჩევს კონკურენტებს შორის».
GITI 2023 სტუმრებს 11 დეკემბერს, 09:00 საათიდან მიიღებს, გახსნის ცერემონია კი 10:00 საათზე დაიწყება.
