ფედერალური სასამართლოს ნიფიცმსაჯულებმა Epic Games-ის საჩივარი დააკმაყოფილეს გადაწყვიტეს, რომ Google-ის Android აპლიკაციების მაღაზია ანტიკონკურენტული ბარიერებით იყო დაცული, რამაც სმარტფონების მომხმარებლები და პროგრამული უზრუნველყოფის შემქმნელები დააზიანა.
ფედერალური სასამართლოს ნიფიცმსაჯულებმა Epic Games-ის საჩივარი დააკმაყოფილეს გადაწყვიტეს, რომ Google-ის Android აპლიკაციების მაღაზია ანტიკონკურენტული ბარიერებით იყო დაცული, რამაც სმარტფონების მომხმარებლები და პროგრამული უზრუნველყოფის შემქმნელები დააზიანა.
წლების განმავლობაში, Google და Apple ამტკიცებდნენ, რომ მათი აპლიკაციების მაღაზიებში დაწესებული წესები და შეზღუდვები მომხმარებლების სასარგებლოდ არსებობდა. სასამართლოს გადაწყვეტილებამ, თუ ის აპელაციის შემდეგაც შენარჩუნდება, შეიძლება მიდგომა შეცვალოს, თუ როგორ აკონტროლებს ორი ძირითადი მობილური ოპერაციული სისტემა მესამე მხარის აპლიკაციების განაწილებას მოწყობილობებზე.
სასამართლომ გადაწყვიტა, რომ კომპანიას Google Play Store-სა და Google Play Billing გადახდის სერვისებს შორის უკანონო კავშირი აქვს. ასევე გადაწყდა, რომ განაწილების ხელშეკრულება, Project Hug, რომელიც თამაშის დეველოპერებს ეხებათ, ანტიკონკურენტული იყო.
«გამარჯვება Google-ზე! 4 კვირიანი სასამართლო ჩვენების შემდეგ, კალიფორნიის ნაფიცმა მსაჯულებმა Google Play-ის მონოპოლია აღიარეს. მადლობა ყველას მხარდაჭერისა და რწმენისთვის! თავისუფლება Fortnite-ს!». — დაწერა Epic Games-ის აღმასრულებელმა დირექტორმა, ტიმ სვინიმ X-ზე.
Google-ის ვიცე-პრეზიდენტმა მთავრობის საკითხებსა და საჯარო პოლიტიკაში, უილსონ უაითმა განაცხადა, რომ Google განაჩენის გასაჩივრებას გეგმავს.
«სასამართლო პროცესმა ცხადყო, რომ ჩვენ Apple-სა და მის App Store-ს ძალიან დიდ კონკურენციას ვუწევთ. ჩვენ Android ბიზნეს მოდელის დაცვას გავაგრძელებთ…». — თქვა მან.
2020 წელს Epic-მა iOS-სა და Android-ზე თავისი პოპულარული თამაში, Fortnite განაახლა და მოთამაშეებისთვის ვირტუალური ნივთების ყიდვის ვარიანტები პირდაპირ Epic-დან დაამატა.
Apple-მა და Google-მა Epic აპლიკაციების მაღაზიებიდან გააძევეს და განაცხადეს, რომ Epic-მა მათი პოლიტიკა დაარღვია. საპასუხოდ, Epic-მა ორივე კომპანიას უჩივლა და განაცხადა, რომ მათი კონტროლი ანტიკონკურენტულ მონოპოლიას წარმოადგენდა.
Epic-მა Apple-ის წინააღმდეგ საქმის უმეტესი ნაწილი სასამართლო და სააპელაციო წესით წააგო და სექტემბერში საქმის განხილვა უზენაეს სასამართლოს სთხოვა.
