Facebook და Instagram დონალდ ტრამპის ანგარიშებს აღადგენს
დონალდ ტრამპს Facebook-სა და Instagram-ზე დაბრუნების უფლება ექნება, მას შემდეგ რაც Meta-მ გამოაცხადა, რომ 2-წლიანი შეჩერების შემდეგ მის ანგარიშებს აღადგენს. ეს უახლოეს კვირებში მოხდება.
დონალდ ტრამპს Facebook-სა და Instagram-ზე დაბრუნების უფლება ექნება, მას შემდეგ რაც Meta-მ გამოაცხადა, რომ 2-წლიანი შეჩერების შემდეგ მის ანგარიშებს აღადგენს. ეს უახლოეს კვირებში მოხდება.
2021 წლის 6 იანვარს ადამიანთან ჯგუფის კაპიტოლიუმში შეჭრის შემდეგ აშშ-ის მაშინდელ პრეზიდენტს ფეისბუქის და ინსტაგრამის ანგარიშები განუსაზღვრელი ვადით შეუჩერეს.
ეს ზომები მას შემდეგ მიიღეს, რაც დონალდ ტრამპმა კაპიტოლიუმის ძალადობაში ჩართული ადამიანები შეაქო.
Meta-ს გლობალურ საქმეთა პრეზიდენტმა, ნიკ კლეგმა, განაცახადა, რომ საზოგადოებას უნდა შეეძლოს, მოისმინოს, რას ამბობენ პოლიტიკოსები.
«ანგარიშების შეჩერება საგანგებო ვითარებაში მიღებული საგანგებო გადაწყვეტილება იყო». — თქვა ნიკ კლეგმა.
მისი თქმით, მიმოხილვამ დაადგინა, რომ ტრამპის ანგარიშები საზოგადოებრივი უსაფრთხოებისთვის სერიოზული რისკი აღარ არის. მაგრამ, წარსულში «დარღვევების» გამო, განმეორებითი დანაშაულისთვის ახლა უფრო მკაცრი სასჯელი ემუქრება.
რესპუბლიკელები ტრამპის Facebook-ზე დაბრუნებას ითხოვდნენ, რადგან ის 2024 წლის საპრეზიდენტო არჩევნებისთვის ემზადება.
დონალდ ტრამპმა საპასუხოდ საკუთარ საიტზე — Truth Social დაწერა, რომ Facebook-მა «მილიარდები დაკარგა» მას შემდეგ, რაც აკრძალა ხალხის «საყვარელი პრეზიდენტი, მე».
«ასეთი რამ აღარასოდეს უნდა დაემართოს მოქმედ პრეზიდენტს ან ნებისმიერ სხვას, ვინც არ იმსახურებს ანგარიშსწორებას!» — წერს დონალდ ტრამპი.
Meta Facebook-იდან ახალი ამბების ამერიკული მედიების წაშლით იმუქრება
Meta Facebook-იდან ახალი ამბების ამერიკული მედიების წაშლით იმუქრება
