თუ 2023 წელს საკუთარ თავს ინგლისურის სწავლას დაჰპირდით, ამ ლინკზე სწორად მოხვდით. ჩვენ შევაგროვეთ 5 კურსი Coursera-ზე, რომლებიც საბაზისო ინგლისურის სწავლაში დაგეხმარებათ, რათა იმუშაოთ, აწარმოოთ small talk, გააუმჯობესოთ გრამატიკა და ლექსიკა. შევარჩიეთ კურსები მინიმალური რეიტინგით 4,7, რომლებიც, სულ მცირე, 100 ათასმა ადამიანმა გაიარა. ლექციები ამერიკული უნივერსიტეტების პედაგოგებს მიჰყავთ.
თუ 2023 წელს საკუთარ თავს ინგლისურის სწავლას დაჰპირდით, ამ ლინკზე სწორად მოხვდით. ჩვენ შევაგროვეთ 5 კურსი Coursera-ზე, რომლებიც საბაზისო ინგლისურის სწავლაში დაგეხმარებათ, რათა იმუშაოთ, აწარმოოთ small talk, გააუმჯობესოთ გრამატიკა და ლექსიკა. შევარჩიეთ კურსები მინიმალური რეიტინგით 4,7, რომლებიც, სულ მცირე, 100 ათასმა ადამიანმა გაიარა. ლექციები ამერიკული უნივერსიტეტების პედაგოგებს მიჰყავთ.
ეს კურსიპენსილვანიის უნივერსიტეტმა შეიმუშავა მათთვის, ვისაც საერთაშორისო კარიერის გაკეთება სურს. აქ განივითარებთ საკომუნიკაციო სქილებს და ინგლისურად წერას თავდაჯერებულად დაიწყებთ. გაარჩევთ დროებს, ისწავლით იმის აღწერას, რისი შეთავაზება შეგიძლიათ დამსაქმებლისთვის და გაიგებთ, როგორ არის მოწყობილი აშშ-ის შრომითი ბაზარი.
არის ცალკე ბლოკი რეზიუმეების შესახებ: როგორ დაწეროთ და რა ნაწილებისგან შედგება ის, როგორ განსაზღვროთ ქივორდები. იმავე ბლოკში არის ცალკე ლექსიკონი სამოქმედო ზმნებით, რათა ზუსტად აღწეროთ ის, რასაც აკეთებდით ადრე. ამ კურსზე დეტალურად გაარჩევთ სამოტივაციო წერილებსაც, გაიგებთ, როგორ ააგოთ ისინი და რომელი ფრაზებით სჯობს სტრუქტურული ნაწილების გაერთიანება. გარდა ამისა, სწავლობთ თემის შერჩევას small talk-ისთვის და გასაუბრებებზე ტიპურ კითხვებზე პასუხების გაცემას.
ვაშინგტონის უნივერსიტეტის მიერ შექმნილ სპეციალიზაციაზე ისწავლით საკუთარ თავზე რელევანტური ინფორმაციის შერჩევასა და მოყოლას, დააგროვებთ სიტყვათა მარაგს, რომელიც საშუალებას მოგცემთ, თავისუფლად ისაუბროთ სამუშაოს შესახებ. ისწავლით ფორმალური და არაფორმალური ელექტრონული წერილების წერას, ასევე, სატელეფონო საუბრებისა და მიმოწერის დროს შეხვედრების შეთანხმებასა და პრეზენტაციების თავდაჯერებულად წაყვანას.
ამ კურსს დამწყებებისთვის პენსილვანიის უნივერსიტეტის პედაგოგები ატარებენ. ისინი მოგიყვებიან, როგორ განმარტოთ ინგლისურად საკუთარი ბიზნეს-იდეები და პროდუქტები, აირჩიოთ სტარტაპის ტიპი და ისაუბროთ რისკებზე. გაიგებთ, როგორ აღწეროთ სტრატეგიები და რომელი გამოთქმები დაგეხმარებათ ბაზრის კვლევის შედეგების პრეზენტაციისთვის.
კურსზე გაარჩევთ ლექსიკას, რომელიც საჭიროა ბიზნეს-გეგმის აღსაწერად და საკუთარსაც დაწერთ.
ეს რვასაათიანი კურსი ჩილეს კათოლიკური უნივერსიტეტის პედაგოგებს მიჰყავთ. აქ გაარჩევთ საბაზისო ლექსიკას სამსახურში კომუნიკაციისთვის, ისწავლით კოლეგების გაცნობას და საკუთარ თავზე საუბარს, ტიპური სამუშაო დღის აღწერას და შეხვედრებზე საუბარს, ასევე, ტელეფონზე ინგლისურად საუბარს.
კურსი გამოადგებათ მათ, ვისაც ინგლისურის სწავლა ახალი დაწყებული აქვს. აქ სამუშაო კომუნიკაციას ისწავლით: წერილების წერა, შეხვედრებსა და ინტერვიუებზე საუბარი, პრეზენტაციების წაყვანა და ონლაინ კონტაქტების შეძენა.
ამ სპეციალიზაციაზე ლექციებს ჯორჯიის ტექნოლოგიური უნივერსიტეტის პედაგოგები ატარებენ. ისინი გასწავლიან ლოგიკური და თანმიმდევრული წერილების წერას და სხვადასხვა ტიპის წერილებისთვის სხვადასხვა ფორმულირების შერჩევას, ცოცხალი კომუნიკაციის დროს გამონათქვამების შერჩევასა და კორექტურად საუბარს, იმის შემჩნევას, თქვენს მეტყველებაზე როგორ მოქმედებს კულტურული მახასიათებლები, საკუთარი სამუშაოს აღწერას როგორც ერთ წინადადებაში, ისე ზოგადად.
სპეციალიზაციის ერთ ბლოკში აქცენტს აკეთებენ იმაზე, როგორ წარადგინოთ საკუთარი თავი სოცქსელში და როგორ დატვიტოთ ისე, რომ სამუშაო მიიღოთ.
