სიახლეების განყოფილება მსოფლიო 21 ივლისი 2023, 00:30

Bloomberg: ChatGPT-ის კონკურენტზე Apple-იც მუშაობს

გამოცემა Bloomberg-ის ცნობით, ChatGPT-ის კონკურენტზე Apple-იც მუშაობს. მას Ajax ერქმევა.

ინჟინრებმა მას უხეშად უკვე უწოდეს AppleGPT, თუმცა, კომპანია მისთვის Ajax — Apple Jax-ის დარქმევას გეგმავს. JAX იმიტომ, რომ ის Google-ის მანქანური სწავლების ჩარჩოს, JAX-ის გამოყენებით არის შექმნილი.

ჯერჯერობით უცნობია, როგორი იქნება Apple-ის მიერ შექმნინლი ბოტი. უცნობია მისი გაშვების თარიღიც. კონფიდენციალურმა წყარომ Bloomberg-ს უთხრა, რომ ის საჯაროდ ხელმისაწვდომი 2024 წელს გახდება.

ხელოვნურ ინტელექტზე დაფუძნებული ჭკვიანი ჩატბოტი, ChatGPT კომპანია OpenAI-მ 2022 წლის ნოემბერში გამოუშვა. ChatGPT-ს შეუძლია როგორც სტატიების, ისე პროგრამული კოდების წერა, სხვადასხვა ინდუსტრიის და სფეროს შესახებ დასმულ კითხვებზე პასუხის გაცემა და ხუმრობაც კი.

ChatGPT-მ შეაშფოთა გუგლი, ვინაიდან მიიჩნია, რომ ის მისი მომხმარებლების რიცხვს შეამცირებდა. ამიტომ, სასწრაფოდ დაიწყო მუშაობა თავის ჩატბოტზე და შექმნა კიდეც Google Bard.

გარდა ამისა, ცნობილი გახდა, რომ თავის ჩატბოტზე მუშაობს ჩინური ტექნოლოგიური გიგანტი Alibaba.