ყველაზე დიდი IT საზოგადოება საქართველოში, BitCamp ახალი წლისთვის სასწავლო კურსს, 4 სხვადასხვა მიმართულებით, უფასოდ შემოგთავაზებთ. კურსები მოიცავს შემდეგ ენებს და ჩარჩოებს: HTML/CSS, Python, Javascript, React.
ყველაზე დიდი IT საზოგადოება საქართველოში, BitCamp ახალი წლისთვის სასწავლო კურსს, 4 სხვადასხვა მიმართულებით, უფასოდ შემოგთავაზებთ. კურსები მოიცავს შემდეგ ენებს და ჩარჩოებს: HTML/CSS, Python, Javascript, React.
ახალი წლის შემდეგ, როგორც BitCamp-ის ხელმძღვანელი, ოთო ზაკალაშვილი ამბობს, ყველა სასწავლო რესურსი და მასალა ეტაპობრივად, ასევე უფასოდ გამოქვეყნდება.
«2024 წელს ამ 4 მიმართულების გარდა კიდევ ვგეგმავთ შემდეგი 8 კურსის დამატებას: Java, C#, Node.js, Angular, Game Development, AI, Data structures & Algorithms — ეს ყველაფერი პროფესიული (ხელოსნობის) სასწავლო პროგრამების სახით. არ მოგესმათ — პროგრამირების უდიდესი ნაწილი ხელოსნობაა და ალბათ პროგრამისტების 90%-ზე მეტი ხელოსნები ვართ და არა — მეცნიერები».
მისიე თქმით, სიახლეები საბავშვო პროგრამასაც შეეხება — 15 იანვრიდან ეტაპობრივად დაიწყება ნაკადების მიღება ვებ-დეველოპმენტის, თამაშების დეველოპმენტისა და ROBLOX-ის მიმართულებებით.
«ყველა ამ კურსს თან ახლავს ფასიანი სამენტორო მომსახურებები, სადაც მენტორები დამატებით გეხმარებით სასწავლო პროგრამის ეფექტურად დაძლევაში. თუმცა, ყველაფერი, რაც ამ კურსების მსვლელობისას შეიქმნება — ლექციების ჩანაწერები, სალექციო გეგმები, პრეზენტაციები, დავალებები და პროექტები ჩვენს საიტზე განთავსდება, დალაგებულად და ყველასთვის ხელმისაწვდომად».
