Bitcamp 101-ზე რეგისტრაცია დაიწყო
2023 წლიდან Bitcamp-ის ყველა კურსი საჯარო და ხელმისაწვდომი გახდება და Bitcamp 101-იც, რომელზე რეგისტრაციაც 29 დეკემბერს დაიწყო, ამ წამოწყების ნაწილია.
2023 წლიდან Bitcamp-ის ყველა კურსი საჯარო და ხელმისაწვდომი გახდება და Bitcamp 101-იც, რომელზე რეგისტრაციაც 29 დეკემბერს დაიწყო, ამ წამოწყების ნაწილია.
Bitcamp 101-ს, ფაქტობრივად, ორი ეტაპი აქვს. Პირველი — ეს არის სრულიად უფასო, მთლიანად თვითსწავლაზე დაფუძნებული კურსები და მეორე — უკვე მენტორთან ერთად ნასწავლის კიდევ უფრო გააზრება და განვითარება. სამენტორო პაკეტი თვეში 100 ლარი ღირს.
Bitcamp-ის დამფუძნებლის, ოთო ზაკალაშვილის, განცხადებით, Bitcamp-ის სხვა კურსებთან შედარებით Bitcamp 101 იმით განსხვავდება, რომ ის დამწყებებს ეხმარება გაერკვნენ, საერთოდ უღირთ ან სჭირდებათ თუ არა პროგრამირების შესწავლაში სოლიდური თანხის გადახდა.
«Bitcamp 101-ით პროგრამირების საფუძვლებს გემოს გაუგებ და ეს ძვირიც არ დაგიჯდება. გაერკვევი სიტუაციაში და შენით გადაწყვეტ, საერთოდ გჭირდება თუ არა უფრო ძვირიანი მომსახურება. მაგალითად, Bitcamp PRO უკვე ისეთი ადამიანებისთვისაა, ვისაც სურს, მთელი დრო და ენერგია ამ საქმეში ჩადოს და სამსახურიც უმოკლეს დროში დაიწყოს». — განაცხადა ოთო ზაკალაშვილმა.
დაინტერესებულ ადამიანებს რეგისტრაციის გარეშეც შეუძლია კურსების თავად გავლა, რომელსაც დღეში, დაახლოებით 4-5 საათი უნდა დაუთმონ. გამოცდილი მენტორის დახმარების სურვილის შემთხვევაში კი კურსზე აუცილებლად უნდა დარეგისტრირდენ.
ზაკალაშვილის თქმით, რეგისტრაცია მთელი შემდეგი წლის განმავლობაში გახსნილი იქნება, რაც იმას ნიშნავს, რომ კურსის აღება ნებისმიერ დროს შეგიძლიათ. დარეგისტრირებისთანავე უკვე არსებულ ჯგუფში ჩაგსვამენ ან ახალს გააკეთებენ.
დაინტერესების შემთხვევაში ეწვიეთ სარეგისტრაციო ბმულს.
Bitcamp ყველაზე დიდი ტექ თემია საქართველოში.
