ინგლისის ბავშვთა კომისიის კვლევის მიხედვით, ბავშვებს ონლაინ პორნოგრაფიაზე ხელი 9 წლიდან მიუწვდებათ.
კვლევა აჩვენებს, რომ 16-21 წლის ახალგაზრდების მეოთხედმა პორნოგრაფია პირველად ჯერ კიდევ დაწყებით სკოლაში სწავლის დროს ნახა.
ინგლისის ბავშვთა კომისიის კვლევის მიხედვით, ბავშვებს ონლაინ პორნოგრაფიაზე ხელი 9 წლიდან მიუწვდებათ.
კვლევა აჩვენებს, რომ 16-21 წლის ახალგაზრდების მეოთხედმა პორნოგრაფია პირველად ჯერ კიდევ დაწყებით სკოლაში სწავლის დროს ნახა.
ექსპერტები ამას ახლაგაზრდების დაბალ თვითშეფასებასა და სექსსა და ურთიეთობებზე მცდარ წარმოდგენებს უკავშირებენ.
კომისარმა რეიჩელ დე სოუზამ თქვა, რომ კვლევის შედეგები შემაშფოთებელია.
გამოკითხვაში მონაწილეობა 1000-ზე მეტმა 16-21 წლის მოზარდმა მიიღო. მათგან 38%-მა პორნოგრაფიული შინაარსი შემთხვევით აღმოაჩინა.
მაგალითად, ჯონ შნაიდერის ვაჟი პორნოგრაფიულ საიტს 8 წლის ასაკში წააწყდა, მას შემდეგ, რაც სკოლაში მოსმენილი უხამსი სიტყვა საძიებო სისტემაში ჩაწერა.
«ჩვენ ყველა საჭირო უსაფრთხოების ფუნქცია დავაყენეთ და ისეთი აპლიკაციებიც წავშალეთ, როგორიცაა, მაგალითად, YouTube. წამითაც არ გვიფიქრია, რომ ჩვენი შვილი ზრდასრულთა გასართობ საიტებზე რამდენიმე წამში აღმოჩნდებოდა». — განაცხადა ჯონ შნაიდერის მეუღლემ.
«როგორც კი დავინახე რა ხდებოდა, საიტი გამოვრთე — მაგრამ მე და ჩემი შვილი ნანახით შოკში დავრჩით. ამ ყველაფრის გამო თავს საშინლად ვგრძნობდი. ყველაფრის ახსნა უცებ მომიწია. მოვატყუე, რომ ის, რაც მან ნახა, ხელოვნური და რეალობისგან შორს მყოფი იყო.» — აღნიშნა მან.
კვლევის მიხედით, 18-21 წლის ახალგაზრდებიდან 79%-ს სექსუალური ძალადობის შემცველი პორნოგრაფია ბავშობაში უნახავს.
ახალგაზრდების თითქმის ნახევარი ამბობს, რომ გოგოები სექსის დროს ფიზიკურ აგრესიას ელოდებიან, მათ შორის, სასუნთქი გზების შეზღუდვას.
რეიჩელ დე სოუზას აზრით, ონლაინ უსაფრთხოების კანონპროექტი, რომელიც ლორდთა პალატაში გადის, ბავშვების ინტერნეტ პორნოგრაფიისგან დასაცავადაც უნდა გამოიყენონ.
«ზრდასრულები ამ საქმეს სერიოზულად უნდა მოვეკიდოთ. არ შეიძლება 9 წლის ბავში მსგავს ძალადობას ხედავდეს» — თქვა მან.
რეიჩელმა მშობლებს მოუწოდა, სახლში ამ თემაზე საუბარს არ მეორიდნონ და შვილებს აუხსნან, რომ ექსტრემალური პორნოგრაფია «არარეალურია და ყველაფერი მსახიობობაა».
ბავშვთა მიმართ სისასტიკის პრევენციის ეროვნული საზოგადოება მთავრობას მკაცრი ზომების განხორციელებისკენ უკვე დიდი ხანია მოუწოდებს.
ამ საზოგადოების ლიდერის, რიჩარდ კოლარდის აზრით, პორნოგრაფიის გავლენა შეიძლება შემაშფოთებელი აღმოჩნდეს.
«როგორც ჩანს, პორნოგრაფიულ საიტებზე ბავშვების წვდომას ვერაფერი აჩერებს, ეს უნდა შეიცვალოს. დროა პოლიტიკოსები, მარეგულირებლები და კერძო სექტორი საბოლოოდ გაერთიანდნენ და ბავშვები, საზოგადოების ყველაზე დაუცველი ნაწილი დაიცვან.» — განაცხადა მან.
