აპლიკაციები barbieselfie.ai და bairbie.me, რომლებიც თოჯინა ბარბის ან კენის მსგავსად გამოგსახავთ, თქვენს პერსონალურ ინფორმაციას იპარავს. პოლონეთის დიგიტალიზაციის სამინისტრომ ამასთან დაკავშირებით გაფრთხილებაც გამოსცა.
აპლიკაციები barbieselfie.ai და bairbie.me, რომლებიც თოჯინა ბარბის ან კენის მსგავსად გამოგსახავთ, თქვენს პერსონალურ ინფორმაციას იპარავს. პოლონეთის დიგიტალიზაციის სამინისტრომ ამასთან დაკავშირებით გაფრთხილებაც გამოსცა.
აპლიკაციები პოპულარული მას შემდეგ გახდა, რაც რეჟისორ გრეტა გერვიგის ფილმი «ბარბი» დიდ ეკრანებზე გამოვიდა, აპლიკაციებით შექმნილი ფოტოები კი, რომლებშიც თოჯინებს ვგავართ, საქართველოშიც ფართოდ გავრცელდა,
ფოტო ფილტრებში ახალი არაფერია. თუმცა, პოლონური უწყების განცხადებით, «ეს აშკარად „უცოდველი“ გართობა მონაცემთა შეგროვების მასობრივი ოპერაციაა».
«ინტერნეტში ორი აპლიკაციაა ხელმისაწვდომი: barbieselfie.ai და bairbie.me; ორივე მნიშვნელოვან საფრთხეს უქმნის ჩვენს მონაცემებს.
barbieselfie.ai-ის კონფიდენციალურობის პოლიტიკაზე დათანხმებით მომხმარებლები აპლიკაციას ანიჭებენ წვდომას სხვადასხვა მონაცემზე, მათ შორის სმარტფონის კამერაზე, გადახდის ისტორიაზე, GPS მდებარეობის ისტორიაზე, რეგისტრაციის მონაცემებსა და ტელეფონის შესახებზუსტ ტექნიკურ ინფორმაციაზე». — აცხადებს პოლონეთის დიგიტალიზაციის სამინისტრო.
რაც შეეხება bairbie.me-ს — ეს აპლიკაცია არ შეესაბამება ევროპარლამენტისა და ევროპული საბჭოს მონაცემთა დაცვის ზოგად რეგულაციებს(GDPR), ამიტომ, უცნობია, რა ინფორმაცია გროვდება და როგორ იქნება გამოყენებული.
«მოდით, გამოვიჩინოთ სიფრთხილე იმის შესახებ, თუ რაზე ვაწკაპუნებთ და ვიყოთ უსაფრთხოდ ონლაინ». — მიუთითა პოლონურმა უწყებამ.
