ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

ანა ნაკაშიძე — AzerTelecom-ის CEO და ქალი Women to Watch-ის საუკეთესო 20-ეულიდან

ჯერ კიდევ, ქალები ბიზნეს სამყაროში უმცირესობას წარმოადგენენ, ეს კი განსაკუთრებით ტექნოლოგიურ სივრცეს ეხება. ილუსტრაციისთვის, 2023 წლის მონაცემებით, ქალებს ტექნოლოგიური სამუშაოს 26,7% უჭირავთ. აღსანიშნავია, რომ გენდერული ბალანსის მხრივ, ვითარება ყოველწლიურად უმჯობესდება, რასაც დიდწილად წარმატებული ისტორიები და მაგალითები უწყობს ხელს.

კომენტარის დატოვება
ანა ნაკაშიძე — AzerTelecom-ის CEO და ქალი Women to Watch-ის საუკეთესო 20-ეულიდან

ჯერ კიდევ, ქალები ბიზნეს სამყაროში უმცირესობას წარმოადგენენ, ეს კი განსაკუთრებით ტექნოლოგიურ სივრცეს ეხება. ილუსტრაციისთვის, 2023 წლის მონაცემებით, ქალებს ტექნოლოგიური სამუშაოს 26,7% უჭირავთ. აღსანიშნავია, რომ გენდერული ბალანსის მხრივ, ვითარება ყოველწლიურად უმჯობესდება, რასაც დიდწილად წარმატებული ისტორიები და მაგალითები უწყობს ხელს.

სწორედ ასეთი მაგალითი და წარმატების ისტორია აქვს AzerTelecom-ის გენერალურ დირექტორს, ანა ნაკაშიძეს, რომელიც რამდენიმე დღის წინ პრესტიჟულმა გამოცემა Capacity Magazine-მა იმ 20 საუკეთესო ქალს შორის შეიყვანა, ვინც მნიშვნელოვან სიტყვას ამბობს ტელესაკომუნიკაციო და საინფორმაციო ტექნოლოგიების სფეროში.

გამოცემა Capacity-მ რიგით უკვე მეექვსე ყოველწლიური სია «Women to Watch» გამოაქვეყნა, თუმცა, როგორც ანა ნაკაშიძე ამბობს, ოცეულში ჩვენი რეგიონის წარმომადგენელს იშვიათად შეხვდებით. dev.ge-სთან მან ამ მიღწევის მნიშვნელობასა და განცდილ ემოციებზე დეტალურად ისაუბრა.

ანა ნაკაშიძე
«ძალიან გამიხარდა. ყველასთვის, ვინც ტელესაკომუნიკაციო და საინფორმაციო ტექნოლოგიების სფეროში მუშაობს, Capacity Media და მათ მიერ ჩატარებული კვლევები უმნიშვნელოვანესია. მაგალითად, ახლა დუბაიში ვიყავი, სადაც Capacity Middle East ტარდებოდა, დაახლოებით 3000 მონაწილე იყო, ფაქტობრივად, ყველა, ვინც ამ სფეროში რამეს წარმოადგენს. ამიტომ, ეს აღიარება ძალიან მნიშვნელოვანია». 

აღსანიშნავია, რომ Capacity-მ მიმდინარე წელს «Women to Watch“-ის სიისთვის რეკორდული რაოდენობის განაცხადი მიიღო, რაც ანა ნაკაშიძის მიღწევას კიდევ უფრო მომხიბვლელსა და სრულყოფილს ხდის.

ცხადია, სანამ ტელეკომუნიკაციების ან სხვა ნებისმიერი სფეროს ერთ-ერთი მთავარი ფიგურა გახდები და საერთაშორისო აღიარებას მოიპოვებ, უნდა გაიარო გზა, რომელიც უამრავი დაბრკოლებისა და სირთულის გადალახვას მოითხოვს. უნდა დააგროვო საჭირო და მნიშვნელოვანი გამოცდილება და შენი მიზნისკენ ნაბიჯ-ნაბიჯ იარო.

ანა ნაკაშიძეს ეს კარიერის დაწყებისთანავე გააზრებული და გათავისებული ჰქონდა, რაზეც მისი საინტერესოდ განვლილი გზაც მეტყველებს, რომელიც ჯერ დასრულებისგან შორსაა. ანა ნაკაშიძე ტელეკომის ინდუსტრიაში უკვე 20 წელზე მეტია მუშაობს. როგორც თავად ამბობს, განათლებით სატელეკომუნიკაციო ინჟინერია და ეს სფერო მისთვის ყოველთვის მნიშვნელოვანი და პრიორიტეტული იყო.

აზერბაიჯანში წასვლამდე ანა ნაკაშიძე საქართველოში რამდენიმე წამყვან კომპანიაში მუშაობდა. მათ შორის, სილქნეტსა და ჯეოსელში მთავარი ტექნოლოგიური დირექტორი და მთავარი ტექნოლოგიური დირექტორის მოადგილე იყო. ასევე ტელენეტის საოპერაციო დირექტორის თანამდებობასაც იკავებდა, სადაც, როგორც თავად ამბობს, საჭირო გამოცდილება მიიღო. 

ანა ნაკაშიძე

Capacity Magazine AzerTelecom-ში ანა ნაკაშიძის როლსა და მნიშვნელობას საინტერესოდ აფასებს. იგი AzerTelecom-ს 2018 წელს, აღმასრულებელი დირექტორის მოადგილის პოზიციაზე შეუერთდა, 2022 წელს კი ის კომპანიის გენერალურ დირექტორად აირჩიეს. ანა ნაკაშიძე კომპანიას წარმატებით ხელმძღვანელობდა კორონავირუსის პანდემიის გავლენიდან გამოსვლის პერიოდსა და გეოპოლიტიკური კრიზისის ფონზე. ამას ისიც მოწმობს, რომ ორგანიზაციული ტრანსფორმაციის მეშვეობით, AzerTelecom მოგების მარჟის ზრდისა და კომპანიის პროდუქტის პორტფოლიოს გაფართოების კუთხით გამორჩეულ შედეგებს აჩვენებს.

ყოველთვის მნიშვნელოვანია ისეთი ადამიანის რჩევა მოვისმინოთ და გავითვალისწინოთ, რომელიც ჩვენს სასურველ სფეროში იმ საფეხურზე იმყოფება, რომლამდე მიღწევაც ყველას არ შეუძლია. ანა ნაკაშიძე მიიჩნევს, რომ ტელესაკომუნიკაციო და საინფორმაციო ტექნოლოგიების სფეროში რჩევის მიცემა უკვე შაბლონური და სტანდარტულია. თუმცა, არსებობს მნიშვნელოვანი ფაქტორები, რომელთა გათვალისწინებითაც წარმატების ალბათობის გაზრდას შევძლებთ.

ანა ნაკაშიძე
«ეს არის სფერო, რომელშიც ტექნოლოგია ძალიან სწრაფად ვითარდება. შესაბამისად, მუდმივი სწავლა და განვითარება წარმატების უმნიშვნელოვანესი ნაწილია. ფაქტობრივად, ყოველდღიურად გიწევს რაიმე ახლის სწავლა და სრულყოფა. ჩემი გადმოსახედიდან, არატექნიკური უნარები, ე.წ. soft skills უმნიშვნელოვანესია. კარიერის დასაწყისში მსგავსი რამ ჩემთვის არავის უთქვამს, ამიტომ ამ უნარებზე მუშაობა ახლა მიწევს. ჩემი რჩევა იქნება, დამწყებებმა ტექნოლოგიურ განათლებასთან ერთად, არატექნიკური უნარების განვითარებაზეც იზრუნონ. თუ მენეჯერული განვითარება აინტერესებთ, ეს აუცილებელი უნარჩვევაა». 

ამასთან, მისი აზრით, ბრძოლისუნარიანობისა და შრომისმოყვარეობის გარდა, უდიდესი გავლენა მაგალითს აქვს. შესაბამისად, მისი მთავარი პრინციპის ამ შეხედულებას ემყარება და გარკვეულწილად მოტივაციას აძლევს, სხვებისთვის საუკეთესო მაგალითი გახდეს.

ანა ნაკაშიძე
«ყოველთვის ვფიქრობ, რომ იმ საფეხურზე, რომელზეც ახლა ვიმყოფები, ამ სფეროთი დაინტერესებული ქალებისთვისა და გოგოებისთვის ძალიან მნიშვნელოვანია. ვთვლი, რომ წარმატებულობა თანამდებობით არ განისაზღვრება. ამიტომ ქალებმა თავად უნდა გადაწყვიტონ, აირჩევენ საინჟინრო თუ სამენეჯერო განხრით წასვლას. დოგმა არ არის, რომ ქალმა აუცილებლად სამენეჯერო კუთხით განვითარებაზე უნდა იზრუნოს». 

ანა ნაკაშიძე ასევე განმარტავს, რომ IT სფეროს პატრიარქალურ გარემოში ხშირად ცდილობენ, უცხო მოთამაშეებს კონკურენტუნარიანად გახდომის საშუალება არ მისცენ. 

«ეს პატრიარქალური გარემოს თავდაცვითი რეაქციაა — როდესაც არ იციან, მეორე მხარეს ვინ არის, როგორ მუშაობს, რა პრინციპები და აზრები აქვს. მგონია, რომ ამ სფეროში რაც უფრო მეტი ქალი იქნება, მით უფრო დაინახავენ ის ადამიანები, რომ მსგავს მრავალფეროვნებას არა საშიშროება, არამედ სიკეთე მოაქვს». — განაცხადა ანა ნაკაშიძემ.

როგორც თავად გვეუბნება, პრობლემის აღმოსაფხვრელად რამდენიმე მნიშვნელოვანი ნაბიჯი იდგმება. ერთ-ერთი — სქესნეიტრალური CV-ების შერჩევაა, რომელიც შესაძლოა ობიექტური გადაწყვეტილების მიღების საწინდარი აღმოჩნდეს. კერძოდ, მენეჯერს მენეჯერს საშუალება არ აქვს, აპლიკანტის სქესი ნახოს. სახელი დაფარულია, რაც ბევრად უფრო ობიექტური გადაწყვეტილების მიღების საშუალებას იძლევა. 

ახალი ვაკანსიები საქართველოსა და უცხოეთში dev.ge-ის Jobboard-იდან
ახალი ვაკანსიები საქართველოსა და უცხოეთში dev.ge-ის Jobboard-იდან
თემის მიხედვით
ახალი ვაკანსიები საქართველოსა და უცხოეთში dev.ge-ის Jobboard-იდან
გაეროს ქალთა სტატუსის კომისიაზე BTU-ს რექტორი ნინო ენუქიძე სიტყვით გამოვიდა
გაეროს ქალთა სტატუსის კომისიაზე BTU-ს რექტორი, ნინო ენუქიძე სიტყვით გამოვიდა
თემის მიხედვით
გაეროს ქალთა სტატუსის კომისიაზე BTU-ს რექტორი, ნინო ენუქიძე სიტყვით გამოვიდა
EU NEIGHBOURS EAST: ქართველი ქალები IT სფეროდან — გზა სირთულეებიდან წარმატებამდე
EU NEIGHBOURS EAST: ქართველი ქალები IT სფეროდან — გზა სირთულეებიდან წარმატებამდე
თემის მიხედვით
EU NEIGHBOURS EAST: ქართველი ქალები IT სფეროდან — გზა სირთულეებიდან წარმატებამდე


ასევე წაიკითხეთ
Amazon Web Services-ის აღმასრულებელი დირექტორი თანამდებობას დატოვებს
Amazon Web Services-ის აღმასრულებელი დირექტორი თანამდებობას დატოვებს
Amazon Web Services-ის აღმასრულებელი დირექტორი თანამდებობას დატოვებს
მსოფლიოში ყველაზე დიდი 3D პრინტერი წარმატებით მუშაობს
მსოფლიოში ყველაზე დიდი 3D პრინტერი წარმატებით მუშაობს
მსოფლიოში ყველაზე დიდი 3D პრინტერი წარმატებით მუშაობს
ტექში ქალების მხარდამჭერი საქველმოქმედო ორგანიზაცია WWC მოულოდნელად დაიხურა
ტექში ქალების მხარდამჭერი საქველმოქმედო ორგანიზაცია WWC მოულოდნელად დაიხურა
ტექში ქალების მხარდამჭერი საქველმოქმედო ორგანიზაცია WWC მოულოდნელად დაიხურა
გრეის ჰოპერის ჯილდოზე განაცხადების მიღება დაიწყო
გრეის ჰოპერის ჯილდოზე განაცხადების მიღება დაიწყო
გრეის ჰოპერის ჯილდოზე განაცხადების მიღება დაიწყო
გრეის ჰოპერის ჯილდოზე განაცხადების მიღება დაწყებულია და 20 მაისამდე გაგრძელდება. 
განხილვა
კომენტარები ჯერ არაა.