2008 წლის 7 აგვისტოს რუსეთი საქართველოში შემოიჭრა. სამხედრო ინტერვენციის პარალელურად საქართველოს წინააღმდეგ დაიწყო რუსული კიბერშეტევა — «რამდენიმე ქართული სერვერი და ინტერნეტტრაფიკი გარე კონტროლის ქვეშ იყო». მანამდე, ცალკეული კიბერშეტევა განხორციელდა 2008 წლის 19-20 ივლისს, როდესაც 24 საათით გაითიშა პრეზიდენტ მიხეილ სააკაშვილის ვებსაიტი.
2008 წლის 7 აგვისტოს რუსეთი საქართველოში შემოიჭრა. სამხედრო ინტერვენციის პარალელურად საქართველოს წინააღმდეგ დაიწყო რუსული კიბერშეტევა — «რამდენიმე ქართული სერვერი და ინტერნეტტრაფიკი გარე კონტროლის ქვეშ იყო». მანამდე, ცალკეული კიბერშეტევა განხორციელდა 2008 წლის 19-20 ივლისს, როდესაც 24 საათით გაითიშა პრეზიდენტ მიხეილ სააკაშვილის ვებსაიტი.
კიბერთავდასხმა 50-ზე მეტ ვებგვერდზე მოხდა. ზოგიერთი მათგანი ჭარბი ტრაფიკის გამო ითიშებოდა, ზოგზე კი პროპაგანდისტული მესიჯები ჩნდებოდა, რომელშიც ექსპრეზიდენტი სააკაშვილი ადოლფ ჰიტლერთან იყო შედარებული.
კიბერსტრატეგიის კონსულტანტი, ანდრო გოცირიძე რადიო თავისუფლებასთან რუსული კიბერთავდასხმის შესახებ ყვება.
მისი თქმით, 19 ივლისს, DdoS შეტევის შედეგად თითქმის 24 საათის მანძილზე მწყობრიდან იქნა გამოყვანილი საქართველოს პრეზიდენტის ოფიციალური საიტი. ამავე პერიოდში რუსული აქტორები ქართული საკომუნიკაციო ქსელების მუდმივ სკანირებას ახორციელებდნენ.
ანდრო გოცირიძის განცხადებით, 2008 წელს რუსეთ-საქართველოს ომში კიბერელემენტის — Defacement და DdoS შეტევების გამოყენება უშუალოდ კონვენციური მოქმედებების კარგად ორგანიზებული თანმხლები პროცესი იყო, რომელთა მიზანიც რუსეთის შეიარაღებული ძალებისათვის სამხედრო მიზნების შესრულების გაიოლება, საინფორმაციო ვაკუუმის შექმნა, ინფორმაციული უპირატესობის მოპოვება და კონფლიქტის შესახებ რუსული ნარატივის დამკვიდრება იყო.
რაც შეეხება ქრონოლოგიას:
***
რუსეთი საქართველოს ქსელებზე შეტევებს ახლაც ყოველდღიურად ახორციელებს, მიუხედავად იმისა, რომ უკრაინაში წელიწადნახევარია, ომს აწარმოებს და თავისი რესურსების უდიდეს ნაწილს სწორედ უკრაინისკენ მიმართავს.
საქართველოს სუს-ის ოპერატრიულ-ტექნიკური სააგენტოს ხელმძღვანელმა, ლადო უთმელიძემ ტექნოლოგიურ კონფერენცია Change Inspire-ზე თქვა, რომ უკრაინაში რუსეთის წარუმატებლობის პარალელურად აგრესორი ქვეყნის ყურადღება 'ნელ-ნელა ჩვენკენ გადმოდის და ბევრ შეტევას შეიძლება ველოდოთ».
პირველი და მეორე კატეგორიის კიბერშეტევების მოგერიებაზე პასუხისმგებელი სწორედ სახელმწიფო უსაფრთხოების სამსახური და მისი ოპერატიულ-ტექნიკური სააგენტოა. I კატეგორია სამთავრობო უწყებებია, II — სატელეკომუნიკაციო უწყებები.
ლადო ურთმელიძის თქმით, I კატეგორიის უწყებებზე დაყენებულია ქსელური სენსორი, რაც «ალერტის», განგაშის სიგნალის გაშვებას ნიშნავს ნებისმიერი უცნობი ქმედების დაფიქსირების დროს.
