17 დეკემბერს მედიალაბი გეიმდეველოპერულ კონფერენცის უმასპინძლებს, სადაც გეიმდეველოპერები, მათ შორის, მოწვეული უცხოელი სტუმრები, ჩაატარებენ მასტერკლასებს და დამსწრეებს საკუთარ გამოცდილებას გაუზიარებენ.
17 დეკემბერს მედიალაბი გეიმდეველოპერულ კონფერენცის უმასპინძლებს, სადაც გეიმდეველოპერები, მათ შორის, მოწვეული უცხოელი სტუმრები, ჩაატარებენ მასტერკლასებს და დამსწრეებს საკუთარ გამოცდილებას გაუზიარებენ.
გეიმდეველოპერების კონფერენცია საქართველოში პირველად ტარდება.
მედიალაბის ხელმძღვანელი, რუსუდან ჩაჩანიძე dev.ge-ს ეუბნება, რომ ღონისძიების მიზანი ქართველი დეველოპერების ნამუშევრების პოპულარიზაციაა.
«ამ შინაარსის ღონისძიებას ვაკეთებთ პირველად. კონფერენციის მიზანია, პოპულარიზაცია გავუწიოს ქართველი დეველოპერების ნამუშევრებს და ხელი შევუწყოს მათ დაახლოებას უცხოელ დეველოპერებთან. გარდა ტრენინგებისა, შეხვედრა მოიცავს ქართული game სტუდიების თამაშების გამოფენას და networking აქტივობებს».
კონფერენციაზე მასტერკლასები ჩატარდება 3D-ის, VFX-ის, გეიმ-დიზაინის, Unity-ისა და UE5 -ის მიმართულებებით. სტუმრებს ასევე საშუალება ექნებათ, დაათვალიერონ და ითამაშონ ქართველი გეიმდეველოპერების ნამუშევრები და გაუზიარონ მათ უკუკავშირი.
«გეიმ ჯემებისგან განსხვავებით, ჩვენს ღონისძიებაზე ჩატარდება სხვადასხვა მასტერკლასი. სპეციალურად ამ კონფერენციაზე მოწვეული სტუმრები გაუზიარებენ დამსწრეებს თავიანთ გამოცდილებას, თუ როგორ შეიძლება გავიდნენ გლობალურ ბაზარზე, როგორ დააინტერესონ ინვესტორები და ფაბლიშერები, რა სტანდარტებია ზოგადად მსოფლიოში, როგორ დაუმეგობრდნენ სხვადასხვა დეველოპერულ სტუდიებს და ა.შ». — ამბობს ის.
ღონიძიება ორი ნაწილისგან შედგება: მასტერკლასები და თამაშების გამოფენა. ორივე დღეს იქნება სხვადასხვა მასტერკლასი, მაგალითად 3D მოდელირება, Unreal Engine, ვიზუალური ეფექტები Ue, Game Design-ი და სხვა.
აღსანიშნავია, რომ კონფერენციაზე, სადაც სულ ექვსი თამაში იქნება გამოფენილი, სტუმრებს ქართული თამაშების დატესტვის საშუალებაც ექნებათ.
