ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!
გივი ცერაძემსოფლიო
29 აგვისტო 2023, 11:55
2023-08-29
12 რჩევა ჟურნალისტებს სმარტფონების უსაფრთხოებისთვის არჩევნების გაშუქებისას
თუ თქვენ ჟურნალისტი ხართ, რომელიც არჩევნებს აშუქებს, გაითვალისწინეთ, რომ თქვენი ინფორმაციის კონფიდენციალურობა და წყაროების უსაფრთხოება დამოკიდებული იქნება მეთოდებზე, ინსტრუმენტებსა და პრაქტიკაზე, რომელსაც თქვენი მობილური მოწყობილობების დასაცავად იყენებთ. თუ მეთოდები სუსტია, ინსტრუმენტები — არაადეკვატური, ხოლო პრაქტიკა — დაუცველი, მოწყობილობებზე არსებული ინფორმაცია მთავრობის, უცხოური სადაზვერვო სააგენტოების, კერძო კომპანიების, კრიმინალური ჯგუფებისა და სხვათა კიბერშეტევების მიმართ უფრო დაუცველი იქნება.
თუ თქვენ ჟურნალისტი ხართ, რომელიც არჩევნებს აშუქებს, გაითვალისწინეთ, რომ თქვენი ინფორმაციის კონფიდენციალურობა და წყაროების უსაფრთხოება დამოკიდებული იქნება მეთოდებზე, ინსტრუმენტებსა და პრაქტიკაზე, რომელსაც თქვენი მობილური მოწყობილობების დასაცავად იყენებთ. თუ მეთოდები სუსტია, ინსტრუმენტები — არაადეკვატური, ხოლო პრაქტიკა — დაუცველი, მოწყობილობებზე არსებული ინფორმაცია მთავრობის, უცხოური სადაზვერვო სააგენტოების, კერძო კომპანიების, კრიმინალური ჯგუფებისა და სხვათა კიბერშეტევების მიმართ უფრო დაუცველი იქნება.
ჟურნალისტები, რომლებიც არჩევნებს ძალადობითა და ცენზურით გამორჩეულ რთულ გარემოში აშუქებენ, სახელმწიფო თუ არასახელმწიფო აქტორების მხრიდან თავდასხმის მნიშვნელოვანი რისკის წინაშე დგანან. მათ მობილურ ტელეფონზე კომუნიკაციის ჩაჭრა, წყაროების მონაცემების გამოვლენა და საგამოძიებო საქმიანობის შესახებ ინფორმაციის მიღება შეუძლიათ.
აქ მოცემულია ციფრული უსაფრთხოების რამდენიმე რეკომენდაცია ჟურნალისტებისთვის, რათა მობილური ტელეფონის კომუნიკაცია დაიცვან.
ტელეფონში არსებული ფაილებისა და ინფორმაციის სარეზერვო ასლები შექმენით ისე, რომ თქვენი მოწყობილობა საარჩევნო გაშუქებამდე რაც შეიძლება ნაკლებ ინფორმაციას შეიცავდეს. გარკვეულ კონტექსტში, მობილური ტელეფონის მოპარვის რისკი მაღალია, ამიტომ მნიშვნელოვანია, რომ თავი მგრძნობიარე ინფორმაციის დაკარგვისგან მაქსიმალურად დაიცვათ.
ტელეფონის პარამეტრები მაქსიმალურად გამოიყენეთ. თქვენი ტელეფონის განსაბლოკად პაროლები ან ბიომეტრიული ავთენტიფიკაცია დააყენეთ და ნებისმიერი არასაჭირო ფუნქცია ან სერვისი გამორთეთ. თუ ფიქრობთ, რომ ჯაშუშობის რისკი გარდაუვალია, ჩაკეტვის რეჟიმი (Lock mode) ჩართეთ.
თქვენი მობილური ოპერაციული სისტემა და პროგრამული უზრუნველყოფა მიმდინარე უსაფრთხოების უახლესი პატჩებითა და ფუნქციებით განაახლეთ. ეს ამცირებს რისკს, რომ თქვენი მოწყობილობა თავდამსხმელების სამიზნე იქნება, რომლებსაც მოძველებული დაცვის სისტემების მარტივად გატეხვა შეუძლიათ.
თქვენს წყაროებთან ან კოლეგებთან კომუნიკაციისთვის end-to-end დაშიფრული შეტყობინებების აპლიკაციები გამოიყენეთ, როგორიცაა Signal ან WhatsApp. ეს მოსმენის რისკს ამცირებს და უზრუნველყოფს, რომ შეტყობინებების წაკითხვა ან მოსმენა მხოლოდ სავარაუდო მიმღებს შეუძლია.
გამოიყენეთ ვირტუალური პირადი ქსელი (VPN), რათა თქვენი ინტერნეტ ტრაფიკი შესაძლო თავდამსხმელებისგან დაიცვათ. VPN ასევე ზოგიერთ ქვეყანაში ინტერნეტ ცენზურისთვის გვერდის ავლაში დაგეხმარებათ.
გამორთეთ ავტომატური კავშირი დაუცველ Wi-Fi ქსელებთან. ეს თქვენს ტელეფონს ხელს შეუშლის, დაუცველ ქსელს ავტომატურად დაუკავშირდეს და თქვენი კომუნიკაციები გაამჟღავნოს.
გამოიყენეთ უსაფრთხო ბრაუზერი, როგორიცა Firefox Focus ან Tor. ეს ბრაუზერები კონფიდენციალურობისა და უსაფრთხოების გაძლიერებულ ფუნქციებს გვთავაზობენ, რაც თვალთვალისგან დაცვას ხელს უწყობს.
რა უნდა გააკეთოთ ადგილმდებარეობის სერვისებთან? გამორთეთ ისინი თქვენს ტელეფონზე, რათა თქვენი მოძრაობებისთვის თვალყურის დევნება თავიდან აიცილოთ. თუმცა, თუ ფიზიკური აგრესიის ან ძალადობის რისკი მაღალია, ფუნქცია აუცილებლად ჩართული უნდა გქონდეთ, რათა თქვენი ადგილმდებარეობა პოლიციისთვისა და კოლეგებისთვის ხელმისაწვდომი იყოს.
გამოიყენეთ უსაფრთხო, მყარი ქეისი, რათა თქვენი ტელეფონი ფიზიკური დაზიანებისა და ხელყოფისგან დაიცვათ.
შეიმუშავეთ სარეზერვო გეგმა იმ შემთხვევაში, თუ თქვენი მობილური ტელეფონი დაზიანდება ან დაიკარგება. ეს შეიძლება ალტერნატიული კონტაქტების ან კომუნიკაციის მეთოდებს მოიცავდეს.
იყავით ინფორმირებული ციფრული უსაფრთხოების უახლესი საფრთხეებისა და საუკეთესო პრაქტიკის შესახებ თქვენი მობილური ტელეფონის კომუნიკაციების დასაცავად.
თუ მობილურ ტელეფონს ფოტოების, ვიდეოების გადასაღებად ან ლაივ სტრიმინგისთვის იყენებთ, აკონტროლეთ, რა ხდება თქვენს ირგვლივ და ძალადობაში ჩართული ჯგუფისგან დისტანცია დაიცავით — მინიმუმ 15 მეტრი.
არასდროს არ არის ნაადრევი იმის სწავლა, თუ როგორ დაიცვათ თქვენი მობილური მოწყობილობების უსაფრთხოება დაშიფრული შეტყობინებების აპების, უსაფრთხო პარამეტრების, VPN-ის, განახლებული პროგრამული უზრუნველყოფის, ავტომატური კავშირების გამორთვით. ასევე უსაფრთხო ბრაუზერის დანერგვითა და მდებარეობის სერვისების გამორთვით. არ დაივიწყოთ ხარისხიანი ტელეფონის ქეისი, სარეზერვო გეგმის ქონა და ინფორმირებულობის შენარჩუნება.
როგორ დავაყენოთ ორეტაპიანი ავტორიზაცია Google-სა და Facebook-ზე Google Authenticator-ით
რუსული კანონის საწინააღმდეგო საპროტესტო აქციების ფონზე ანგარიშების დაცვა აუცილებელი გახდა. ციფრული უსაფრთხოების სპეციალისტი, ნინო გამისონია გიხსნით, როგორ დავაყენოთ Google-სა და Facebook-ზე ორეტაპიანი ავტორიზაცია Google Authenticator-ის მეთოდით.
