12 ოქტომბერს, REPUBLIC-ში (რესპუბლიკის მოედანი 6) ბრიტანულ-ქართული ფინტექ ფორუმი გაიმართება. ღონისძიების ერთ-ერთი მთავარი მიზანი სამომავლო ტენდენციებისა და ბიზნეს შესაძლებლობების შესახებ ინფორმაციის გაცვლა და მოპოვებაა.
12 ოქტომბერს, REPUBLIC-ში (რესპუბლიკის მოედანი 6) ბრიტანულ-ქართული ფინტექ ფორუმი გაიმართება. ღონისძიების ერთ-ერთი მთავარი მიზანი სამომავლო ტენდენციებისა და ბიზნეს შესაძლებლობების შესახებ ინფორმაციის გაცვლა და მოპოვებაა.
ფორუმზე, რომელსაც ბიზნესისა და ვაჭრობის დეპარტამენტი და ბრიტანეთის საელჩო მასპინძლობს, დიდი ბრიტანეთიდან და საქართველოდან გამორჩეული ექსპერტები შეიკრიბებიან, რომლებიც თანამშრომლობის შესაძლებლობებსა და განვითარებაზე ისაუბრებენ.
ფორუმს სამეწარმეო და გავლენაზე ორიენტირებული მენეჯერი, კოლინ დონოჰი გახსნის. მასთან ერთად სცენაზე დიდი ბრიტანეთის ელჩი საქართველოში, მარკ კლეიტონი წარსდგება.
ფინტექსა და ინოვაციებზე ლაურენ ჯონსი, ნათია გავარდაშვილი, გიორგი კინწურაშვილი და სხვა პროფესიონალები ისაუბრებენ.
აუდიტორიის წინაშე სიტყვით გამოვლენ GITA-ს ხელმძღვანელი ავთანდილ კასრაძე და ეკონომიკის ყოფილი მინისტრი, ციფრული ბანკის, Paysera-ს დამფუძნებელი, მიხეილ ქუმსიშვილი.
ორგანიზატორების განცხადებით, ფორუმზე საქართველოსა და დიდ ბრიტანეთში მიმდინარე ფინტექ ლანდშაფტზე საინტერესო და საჭირო ინფორმაციას გაიგებთ, ამასთან ერთად, სამომავლო ტენდენციებსა და შესაძლებლობებზე გარკვეული წარმოდგენა შეგექმნებათ. რაც მთავარია, ბრიტანელ და ქართველ ფინტექ ექსპერტებთან კავშირის დამყარების შესაძლებლობა გექნებათ.
ღონისძიების მხარდამჭერები არიან: DataFest Tbilisi, FIA, საქართველოს ეროვნული ბანკი, TBC ბანკი, საქართველოს ბანკი და Grant Thornton.
ფორუმზე დასწრების სურვილის შემთხვევაში რეგისტრაციის გავლა შეგიძლიათ ლინკზე.
