10 სპეციალობა, რომელზე ჩაბარებასაც სწავლის დამთავრების მერე ნანობენ - გამოკითხვა აშშ-ში

«ბაკალავრის ხარისხის მფლობელები 84%-ით მეტს გამოიმუშავებენ, ვიდრე მხოლოდ საშუალო სკოლის დიპლომის მქონე ახალგაზრდები. რაც უფრო მაღალია განათლების დონე, მით უფრო დიდია ანაზღაურებაც». — ნათქვამია ჯორჯთაუნის უნივერსიტეტის მოხსენებაში.

ირკვევა, რომ სტუდენტები, რომლებიც სწავლობენ მეცნიერებას, ტექნოლოგიას, ინჟინერიასა და მათემატიკას, ანუ STEM-ს, ყველაზე მეტს გამოიმუშავებენ. 

STEM-ის შემდეგ ყველაზე მაღალანაზღაურებადია ჯანდაცვისა და ბიზნესის სპეციალობები. ჯორჯთაუნის ცენტრმა აღმოაჩინა, რომ ანაზღაურება მნიშვნელოვნად დიდია თავისუფალ და ჰუმანიტარულ მეცნიერებებთან შედარებით.

ZipRecruiter-მა, დასაქმების ამერიკულმა კომპანიამ კოლეჯის 1500-ზე მეტი ადამიანი გამოიკითხა, რომლებიც სამსახურს ეძებდნენ. 

აღმოჩნდა, რომ ჟურნალისტიკის ფაკულტეტის კურსდამთავრებულთა 84% ამ სპეციალობის არჩევას ნანობს.
სოციოლოგიის ფაკულტეტის კურსამთავრებულთაგან ნანობს — 72%; 

• თავისუფალი მეცნიერებები — ნანობს 72%; 
• კომუნიკაციები — ნანობს 64%; 
• განათლება — ნანობს 61%; 
• მარკეტინგი — ნანობს 60%; 
• მედიცინა — ნანობს 58%, 
• პოლიტიკური მეცნიერება — ნანობს 56%;
• ბიოლოგია — ნანობს 52%, 
• ლიტერატურა — ნანობს 52%.

მათმა უმეტესობამ თქვა, რომ ხელახლა ჩაბარების შემთხვევაში აუცილებლად კომპიუტერულ მეცნიერებებს ან ბიზნესის ადმინისტრირებას აირჩევდა. 

კარგი პერსპექტივა და მაღალი ანაზღაურება ნიშნავს ნაკლებ სინანულს

კურსდამთავრებულები, რომლებიც იწყებენ მუშაობას კარგი კარიერული პერსპექტივითა და მაღალი სასტარტო ხელფასით, ყველაზე კმაყოფილნი არიან თავიანთი თავდაპირველი გადაწყვეტილებით, ესწავლათ ესა თუ ის სპეციალობა.

კმაყოფილები არიან შემდეგი სპეციალობის კურსდამთავრებულები: 

• კომპიუტერული მეცნიერებები — 72%; 
• კრიმინოლოგია — 72%; 
• ინჟინერია — 71%; 
• საექთნო — 69%; 
• ჯანდაცვა — 67%; 
• ბიზნესის ადმინისტრირება — 66%; 
• ფინანსები — 66%; 
• ფსიქოლოგია — 65%; 
• სამშენებლო ვაჭრობა — 65%; 
• ადამიანური რესურსების მართვა — 58%.

მოკლე კურსები თუ საუნივერსიტეტო განათლება — რა გვჭირდება IT-ში წარმატებისთვის

თემის მიხედვით

მოკლე კურსები თუ საუნივერსიტეტო განათლება — რა გვჭირდება IT-ში წარმატებისთვის