9 საუკეთესო უფასო (და ფასიანი) ტასკ-მენეჯერი გუნდთან მუშაობისთვის 2023 წელს

რა არის ტასკ-მენეჯერი

ტასკ-მენეჯერი (ამოცანების მენეჯერი) — პროგრამაა, რომელიც პროექტების მართვაში გეხმარებათ. ტასკ-მენეჯერის დახმარებით შესაძლებელია თანამშრომლებისთვის ამოცანების დასმა და დაგეგმვა, ვადების მიცემა, მათი შესრულების მეთვალყურეობა და შედეგების კონტროლი. ინსტრუმენტი საჭიროა, რათა მუშაობის დროს არ იყოს ქაოსი. ის საშუალებას გაძლევთ თვალყური ადევნოთ რამდენად ეფექტურად და შეუფერხებლად მიმდინარეობს გუნდის მუშაობა, სრულდება თუ არა დავალებები დროულად. ყოველთვის შესაძლებელია აპლიკაციაში შესვლა და ნახვა: რა ხდება პროექტში, ვინ რაზე მუშაობს. და თუ რამე ისე არ წავიდა — გრაფიკის დაკორექტირება ან პროექტის ოპტიმიზაცია შეგიძლიათ. 

ტასკ-მენეჯერზე მუშაობა ონლაინ ხდება — ეს მნიშვნელოვანია დისტანციური გუნდისთვის. თქვენ შეგიძლიათ ააწყოთ დიალოგი და იყოთ კონტაქტში ყველა კოლეგასთან, თითოეულმა თანამშრომელმა იცის რაზეა პასუხისმგებელი. ეს ეხმარება მათ ტაიმ-მენეჯმენტის დაცვაში: დავალებები არ დარჩება უყურადღებოდ და არ დაიკარგება, დედლაინები კი არ დაირღვევა. 

ტასკ-მენეჯერის გამოყენება შესაძლებელია არა მხოლოდ გუნდში, არამედ პირადი მიზნებისთვისაც: ყოველდღიური საქმეებისთვის, ოჯახისთვის. მაგალითად, ყოველი დღისთვის საქმეების სიის შედგენა და მათი ქვეამოცანებად დაყოფა — რათა უფრო ეფექტურად დაგეგმოთ დღე. ეს დაგეხმარებათ არ ჩაიკარგოთ საქმეებში და არ დაგავიწყდეთ ყველაზე მნიშვნელოვანი. 

რისთვის არის საჭირო ტასკ-მენეჯერები

რისთვის არის საჭირო ტასკ-მენეჯერი:

• სამუშაო პროცესის სტრუქტურირება — გახადეთ ის უფრო მოწესრიგებული და მარტივი. 
• გუნდის მუშაობის გამჭვირვალობა: ყოველივეს შეუძლია ნახოს, რაზე მუშაობს მისი კოლეგა.
• დავალებებისა და ქვედაველებების მოსახერხებლად ჩამოყალიბება და თანამშრომლებს შორის გადანაწილება. 
• ვადების კონტროლი: შეტყობინებები დედლაინების შესახებ მათ დაცვაში დაგეხმარებათ.
• თანამშრომლების დატვირთვის მართვა: რათა მათ არ იმუშაონ ზეგანაკვეთურად დავალებების დიდი რაოდენობის გამო ან, პირიქით, უსაქმურად არ ისხდნენ. 
• გუნდში კომუნიკაციისა და ერთობლივი მუშაობის ორგანიზება — გახადეთ უფრო თანმიმდევრული. ნებისმიერი შეკითხვა ან კომენტარი ამოცანების შესახებ შეიძლება დაისვას და განიხილოს პირდაპირ პროგრამაში, რათა ჩათებში დაუსრულებელი საუბრები არ გაიმართოს. სამუშაო დიალოგები იქნება ერთსა და იმავე პლატფორმაზე და არ «გაიფანტება» მესენჯერებში — საჭიროების შემთხვევაში, თქვენ სწრაფად იპოვით თქვენთვის საჭირო ინფორმაციას.
• დროის ეკონომია — ერთი დაწკაპუნებით შესაძლებელია მრავალი რუტინული საკითხის გადაწყვეტის ავტომატიზაცია: ინფორმაციის მოძიებიდან დაწყებული თანამშრომლებისთვის ხელფასების გაანგარიშებით ან მოხსენებების შედგენების დამთავრებით. 
• ახალი თანამშრომლების ჩართვის დაჩქარება: ადაპტაციაზე დროის შემცირება და პროექტში ჩაღრმავება. მაგალითად, მენეჯერში შეიძლება ფაილის შექმნა, რომელშიც მოქცეული იქნება დამწყებისთვის ყველა საჭირო ინფორმაცია და დედლაინის დაწესება — როდის უნდა გაეცნოს.
• ფაილებთან მუშაობის ოპტიმიზაცია — რათა პროექტის მასალები ერთ სივრცეში ინახებოდეს. 

როგორი ტასკ-მენეჯერები არსებობს და როგორ აირჩიოთ შესაფერისი

ბაზარზე ბევრი გუნდური და პირადი ტასკ-მენეჯერია, რომლებიც განსხვავდება ინტერფეისით, პარამეტრების შესაძლებლობებით, ფასითა და ოფციებით. განსხვავებულ გუნდებს განსხვავებული ფუნქციონალები სჭირდებათ. ამიტომაც მენეჯერი უნდა შეარჩიოთ არა მხოლოდ გამოხმაურებებით, რამდენადაც პირადი კრიტერიუმების მიხედვით — პროექტზე და საჭიროებებზე დაყრდნობით, რომლებიც უნდა დახუროთ.

ჩვენ გამოვყავით რამდენიმე უნივერსალური კრიტერიუმი: რასაც შესაფერისი ტასკ-მენეჯერის არჩევისას ყურადღება უნდა მიაქციოთ.

• სიმარტივე და სიცხადე, ინტუიციური ინტერფეისი.  უკვე პირველივე გამოყენებაზე უნდა მიხვდეთ, როგორ შექმნათ დავალება და დააწესოთ ვადები ან პრიორიტეტები. 
• ამოცანების ჩვენების საშუალებები. ინფორმაციის მიწოდება მრავალი სახით შეიძლება: სია, განტის დიაგრამა, კალენდარი, დაფები. ყველასთვის სხვადასხვა რეჟიმია შესაფერისი, ამიტომაც უმჯობესია  აირჩიოთ პროგრამა რამდენიმესთან ერთად, რათა ყველასთვის კომფორტული იყოს მუშაობა. 
• ავტომატური შეტყობინებები: გეხმარებათ არ გამოტოვოთ რამე მნიშვნელოვანი და მუდმივი შემოწმების გამო სამუშაოსგან ყურადღება არ გადაიტანოთ. 
• მობილური ვერსია. მნიშვნელოვანია, რომ ტასკ-მენეჯერი ყოველთვის ხელთ იყოს — გაგაცნოთ ახალი ამოცანების ან ვადების შესახებ, სადაც არ უნდა იყოთ. 
• ვერსიები სხვადასხვა ოპერაციული სისტემებისთვის: Windows, Android, MacOS, IOS, Linux. ეს მნიშვნელოვანია, რათა სერვისის დაყენება ყველა გაჯეტზე იყოს შესაძლებელი. 
• ინტეგრაცია სხვა აპლიკაციებთან და ინსტრუმენტებთან. მაგალითად, მესენჯერთან ან კალენდართან. ასე ერთიანი სამუშაო სივრცის ჩამოყალიბება შეიძლება, სადაც ყველა ბმული და ფაილია მოქცეული. 
• რესურსების მართვა და ანგარიშების შედგენა. ეს საჭიროა სამუშაოს ეფექტურობის, შედეგებისა და დატვირთვის შესაფასებლად, ფინანსების გასაანალიზებლად.
• ოპერატიული ტექდახმარება — პროგრამაზე გუნდის სწრაფი ადაპტაციისთვის. ხარისხის დატესტვა ყველა ტასკ-მენეჯერზე შეიძლება: მოთხოვნის გაგზავნა და ნახვა, რამდენად სწრაფად გიპასუხებენ, სურთ თუ არა დახმარება, როგორია შედეგები. 
• უნივერსალურობა — როდესაც ბევრი ამოცანაა, უმჯობესია ტასკ-მენეჯერის შერჩევა, რომელიც ბევრ მოთხოვნას დაფარავს. 
• ტექნიკური მახასიათებლები — მოთხოვნები და ვადები, რომლის გამოც შესაძლებელია პროგრამის დანერგვა და კონფიგურაცია. 

უფასო ტასკ-მენეჯერების შერჩევა

სრულიად უფასო, ამავე დროს მრავალფუნქციური პროგრამები, არ არსებობს. არსებობს უფასო ვერსიები — მაგრამ ისინი, როგორც წესი, შეზღუდული ფუნქციებითაა და მოერგება მხოლოდ ფრილანსერებს ან მცირე, 2-3 წევრისგან შემდგარ გუნდებს. 

თითქმის ყველა აპლიკაციას აქვს საცდელი პერიოდი 7-30 დღის ვადით, როდესაც უფასოდ არის შესაძლებელი სერვისის დატესტვა და გადაწყვეტა, შეგეფერებათ თუ არა ის და უნდა დაახარჯოთ თუ არა ფული. და რა თქმა უნდა, არასდროსაა ზედმეტი რამდენიმე სხვადასხვა პროგრამის ჩამოტვირთვა და ყველას დატესტვა. 

აქ მოცემულია ტოპ-პოპულარული ტასკ-მენეჯერები, რომლებმაც გამოხმაურებების მიხედვით, სხვადასხვა გუნდში კარგი შეფასებები მიიღო. 

Basecamp

აპლიკაცია საერთო მუშაობისთვის ჩეკ-ლისტზე დაყრდნობით. Basecamp — პროექტის მართვის სისტემების შექმნის ერთ-ერთი პიონერია. პროდუქტი ჩაშვებულია 2000-იანებში ჯეისონ ფრაიდისა და დევიდ ჰენსონის სტუდია 37signals-ის მიერ. ისინი ბიზნესის შემუშავებისა და ოპტიმიზაციის შესახებ წიგნების ავტორები არიან. შემქმნელებმა საკუთარ თავს დაუსვეს ამოცანა შეიმუშაონ მარტივი სერვისი ამოცანების დაგეგმვისთვის, ზედმეტი ოფციებისა და პარამეტრების გარეშე. 

Basecamp საკუთარ თავში კარგი ტასკ-მენეჯერის ძირითად ფუნქციებს აერთიანებს. იქ შესაძლებელია ამოცანების შექმნა და დაჯგუფება, მათზე პასუხისმგებელი პირის დანიშვნა, დედლაინების დაწესება, თანამშრომლების აქტივობის ნახვა, ანგარიშების შექმნა, ფაილებისა და ინფორმაციის მიმოცვლა, ჯგუფურ ჩატებში მიმართვა. 

მომხმარებლებისთვის ხელმისაწვდომია მოვლენათა კალენდარი, რომელიც დასინქრონებულია Google-თან ან Outlook-თან, რომლის საფუძველზეც განხილვების მოწყობა შეიძლება. 

პლუსები:

• სწრაფი და ლაკონიური ინტერფეისი. ყველა პროექტი ერთ ეკრანზეა და ჩანს, როდის ახლდებოდა თითოეული მათგანი. 
• ურთიერთობის ინსტრუმენტი: ჩაშენებული ჩატი, სადაც შესაძლებელია პროექტზე კითხვის დასმა ან კოლეგებთან ამოცანების განხილვა. არის ცენტრალიზებული ადგილი მნიშვნელოვან თემებზე დისკუსიებისთვის — შესაძლებელია პროექტის ელექტრონული ფოსტა ჩაანაცვლოს. 
• სიახლეები — მოსახერხებელია, როდესაც  გჭირდებათ კომპანიისგან მნიშვნელოვანი ინფორმაციის მიწოდება. 
• ჩეკ-ლისტის საშუალებით და ქრონოლოგიურად პროექტის პროგრესის მეთვალყურეობა. 

მინუსები:

• არ არის Kanban-დაფა, ვინც მიჩვეულია, Basecamp-ში შესაძლოა მონაცემების არც თუ ისე კარგი ვიზუალიზაცია ჰქონდეს.  
• საერთოდ არ არის უფასო ვერსია, მხოლოდ საცდელი პერიოდი შემდგომი გამოწერით. 
• საკმაოდ მაღალი ფასი მცირე ბიზნესისთვის. 

ტარიფი:

უფასო საცდელი პერიოდი. 31 დეკემბრამდე რეგისტრაციის შემთხვევაში პირველ სამ მომხმარებელზე საფასურს მთელი წელი არ გადაიხდით. 

ფასიანი გამოწერა იწყება თვეშ $11-დან ერთ ადამიანზე: გადაიხდით მხოლოდ იმ მომხმარებლებზე, რომლებიც თქვენს კომპანიაში მუშაობენ. საერთო პროექტზე მუშაობისთვის კლიენტების, კონტრაქტორების ან სტუმრების მოწვევა უფასოდ შეგიძლიათ. 

გამოწერის შემთხვევაში ფუნქციების მთელი ნაკრები ირთვება. არის უფასო ანგარიშები სტუდენტებისა და მასწავლებლებისთვის, ფასდაკლებები არასამთავრობო ორგანიზაციებისთვის.

პლატფორმა:

შესაძლებელია ბრაუზერში მუშაობა და აპლიკაციის დაყენება: Windows, Mac, Android და iOS.

Asana

კიდევ ერთი უნივერსალური პროგრამული უზრუნველყოფა — შეეფერება როგორც კომპანიებს, ისე ინდივიდუალურ მუშაობას. სერვისში მოსახერხებელია ამოცანების შექმნა, შემსრულებლებისა და ვადების დანიშვნა, ინფორმაციისა და დოკუმენტების მიმოცვლა, საქმეების სიის შედგენა და ეფექტურობის გაანალიზება. ერთი გუნდის ფარგლებში შესაძლებელია რამდენიმე პროექტის მართვა და დიდი პროექტის ნაწილებად დაყოფა. 

Asana-ში ამოცანების კარგი დეტალიზაციაა: იქ შესაძლებელია ქვეამოცანების, აღწერების, ფაილებისა და კომენტარების, ტეგების დამატება და ლაიქების დაწერა. თვითონ ამოცანების სორტირება სხვადასხვა კრიტერიუმით შეიძლება, მაგალითად, მნიშვნელობის მიხედვით. 

სერვისი საშუალებას იძლევა ამოარჩიოთ, როგორ დაათვალიეროთ პროექტი, მუშაობის მიმდინარეობა და ანგარიშები: სიის სახით, კანბან-დაფის ფორმატში, კალენდრის სახით, ქრონოლოგიურად. თქვენ შეგიძლიათ მოაწყოთ სამუშაო ისე, რომ თანამშრომლებმა ნათლად დაინახონ ამოცანები თავიანთი პრიორიტეტებით და სხვადასხვა გუნდების ერთმანეთთან ურთიერთობებით. 

პლუსები:

• ინტეგრაცია ბევრ გვერდით სერვისთან და პროგრამასთან. 
• შეგიძლიათ ერთ ეკრანზე ყველა პროექტის პროგრესს ადევნოთ თვალი და თითოეულის სტატისტიკას უყუროთ: ჩანს, ვინ რაზე მუშაობს და როგორ მიმდინარეობს პროცესი. 
• არის უფასო ვერსია, რომელსაც შეგიძლიათ 15 ადამიანი მიუერთოთ. 
• შეტანილია სწავლა. შეგიძლიათ ჩაეწეროთ ონლაინ-კურსებზე ტესტებითა და დავალებებით  Asana Academy-სგან. იქ მოგიყვებიან Asana-ს მუშაობასა და ცალკეული ფუნქციების შესახებ.  გუნდს სწრაფად ადაპტირებაში დაეხმარებიან. 

მინუსები:

• ფუნქციების დიდი რაოდენობის გამო შეიძლება ზედმეტად რთული და მოუხერხებელი მოგეჩვენოთ
• არ არის ჩაშენებული ტაიმ-ტრეკერი, ამიტომაც მუშაობაზე დახარჯული დროის გამოთვლა ცალკეული სერვისით მოგიწევთ. 

ტარიფი:

• Basic — საბაზისო ვერსია ძირითადი ფუნქციებით, უფასოა 15-მდე ადამიანისგან შექმნილი გუნდებისთვისა და კერძო პირებისთვის. 
• Premium — თვეში $10,99-დან ერთ მომხმარებელზე წლიური გადახდის შემთხვევაში.
• Business — თვეში $24,99-დან ერთ მომხმარებელზე წლიური გადახდის შემთხვევაში. 
• Enterprise მსხვილი კომპანიებისთვის, ფასი განისაზღვრება ინდივიდუალურად. 
• არასამთავრობო ორგანიზაციებისთვის არის ფასდაკლებები 50%-მდე. 

პლატფორმა: 

ვერსიები Web-ისთვის, iOS-ისთვის, Android-ისთვისა და Windows-ისთვის.

Monday.com

ამოცანების მართვის სისტემა, რომელიც მოერგება საშუალო და დიდი ზომის კომპანიებს, რომლებიც მასშტაბურ პროექტებზე მუშაობენ. პლატფორმას აქვს მონაცემების მოსახერხებელი ვიზუალიზაცია, ინტერფეისის გასაგები სტრუქტურა. საშუალებას იძლევა დანიშნოთ არა მხოლოდ შემსრულებლები, არამედ დამკვირვებლებიც, თვალი ადევნოთ ამოცანებს რამდენიმე დაფაზე, მიანიჭოთ პრიორიტეტი. 

Monday-ში ხელმისაწვდომია ჩაშენებული ინსტრუმენტი ანგარიშების შექმნისთვის, რომელიც საშუალებას გაძლევთ დაარეგულიროთ პროგრამა კონკრეტული პროექტისთვის და ავტომატური გახადოთ პროცესები. მოსახერხებელია რუტინული ოპერაციებისთვის: საკმარისია სცენარის შედგენა და, მაგალითად, ყოველთვიური გადასახადების გადახდა ან მაკეტების შეთანხმება ფაქტობრივად ერთი დაკლიკვით. 

პლუსები: 

• ჩაშენებული ტაიმ-ტრეკერი, რათა აკონტროლოთ თითოეული ამოცანის დრო. 
• დაფები სტუმრებისთვის, რომლებზე წვდომაც შეგიძლიათ მისცეთ დამკვეთს, რათა სწრაფად შეათანხმოთ პროექტი ან კომენტარები მიიღოთ. 
• არსებობს ორგანიზაციის მაჩვენებლებისა და სამუშაო პროცესის ვიზუალიზაციის  სხვადასხვა ვარიანტი: განტის დიაგრამა, ვადები, კანბანის დაფა, დეშბორდი, ვიჯეტები ეტიკეტებით და ა.შ.
• სერვისთან სწრაფი ადაპტაციის ცოდნის ბაზა.

მინუსები:

• ფუნქციების დიდი რაოდენობის გამო შეიძლება რთული და გაუგებარი იყოს დამწყებებისთვის. ყველაფრის სასწავლებლად დრო იქნება საჭირო. 
• მცირე ბიზნესისთვის ბიუჯეტური ვარიანტი არ არის. 

ტარიფები:

• უფასოა 2 ადამიანისთვის შეზღუდული ფუნქციებით.
• საბაზისო — თვეში $8-დან ერთ მომხმარებელზე წლიური გადახის შემთხვევაში. 
• სტანდარტი — თვეში $10-დან მომხმარებელზე წლიური გადახდის შემთხვევაში. 
• Pro — თვეში $16-დან მომხმარებელზე წლიური გადახდის შემთხვევაში. 
• ტარიფები კომპანიებისთვის — ღირებულება ინდივიდუალურად განისაზღვრება.
• ნებისმიერი პაკეტის გამოცხდა 14 დღის განმავლობაში უფასოდ შეიძლება. არის ფასდაკლებები არასამთავრობო ორგანიზაციებისთვის. 

პლატფორმა:

iOS, Android, Windows, Linux და არის ვებვერსია ბრაუზერებისთვის. 

Trello

ერთ-ერთი ყველაზე ცნობილი და პოპულარული ტასკ-მენეჯერი მომხმარებლებს შორის. ხშირად პირველ ვარიანტად ირჩევენ, რათა პროექტის მართვის თანამედროვე ტექნიკა აითვისონ. კარგია მცირე გუნდებისთვისა და სტარტაპებისთვის, მარტივი პროექტების სამართავად. მოსახერხებელია ფრილანსერებისთვისაც — როგორც პირადი ტასკ-მენეჯმენტის ინსტრუმენტი. 

Trello — გასაგები და მარტივი სერვისი, რომელიც ზემდეტი დეტალებით არ არის გადატვირთული. მუშაობს კანბას პრინციპით.  დაფები ბარათებით იყოფა, სვეტებად ეტაპების სახელებით, რომლებზეც დავალება გადის. ბარათები ბევრი მოქმედების საშუალებას იძლევა: შეიძლება დავალებაზე ფერადი მონიშვნების დატოვება, ქვედავალებების დამატება, დედლაინების დაყენება, პასუხისმგებელი პირების დადგენა, შეტყობინებების დაყენება, ჩეკ-ლისტების შედგენა და შესრულებული დავალების საჭირო სვეტში გადატანა. 

შესაძლებელია სამუშაოს ერთ დაფაზე განთავსება ან შექმნათ ცალკეულები ყოველი პროექტისთვის. ხელმისაწვდომია მზა შაბლონები სხვადასხვა პროფესიისთვის, რომლის საკუთარი მიზნებისთვის ადაპტირება ან მართვის ოპტიმალური სისტემის დაყენება შეიძლება. 

პლუსები

• კანბან-დაფაზე სამუშაო პროცესების მარტივი და ნათელი ვიზუალიზაცია. შესაძლებელია პროექტის მზაობის სწრაფი შეფასება. 
• ინტუიციური ინტერფეისი, ძირითადი პარამეტრების ათვისება დამწყებს უპრობლემოდ შეუძლია. 
• ინტეგრაცია ბევრ პოპულარულ სერვისთან: Google Drive, Evernote, Dropbox, OneDrive, MailChimp და ა.შ. 
• ბარათებისა და დაფების დაარქივება. 

მინუსები

• პრივატულობის რამდენიმე საფეხურის დაყენება მხოლოდ ფასიან ვერსიაში არის შესაძლებელი. 
• მსხვილი კომპანიებისთვისა და ბიზნესებისთვის სერვისის შესაძლებლობები შეიძლება არ იყოს საკმარისი. 
• არ არის ჩაშენებული ანალიტიკა. 
• ეკრანზე (ბრაუზერის ჩანართი) ერთდროულად გამოჩნდება მხოლოდ ერთი პროექტის ამოცანები.

ტარიფები: 

• უფასო — ვერსია საბაზისო ინსტრუმენტების ნაკრებით, შეზღუდულია 10 დაფით ერთ სამუშაო სივრცეში. 
• სტანდარტი —  თვეში $5-დან ერთ ადამიანზე წლიური გადახდის შემთხვევაში. 
• პრემიუმი — თვეში $10-დან ადამიანზე წლიური გადახდის შემთხვევაში. 
• ბიზნესისთვის — თვეში $17,50-დან ადამიანზე წლიური გადახდის შემთხვევაში. 

პლატფორმა: 

ვერსია ვებისთვის, აპლიკაციები — Windows, macOS, iOS, Android. 

Wrike

მრავალფუნქციური სერვისი პროექტების დაგეგმვასა და მართვისთვის. მოსახერხებელია როგორც მასშტაბური ხანგრძლივი პროექტისთვის, ისე პირადი მოხმარებისთვის. Wrike საშუალებას იძლევა შექმნათ ნებისმიერი ამოცანა და რეალურ დროში აკონტროლოთ ცვლილებები — ვიზუალური სკალის დახმარებით. თქვენ ხედავთ, რა ეტაპზეა პროექტი და შეგიძლიათ დავალებების შესრულება აკონტროლოთ. 

მოსახერხებელი ოფცია — ინდივიდუალური ინტერფეისის მოქნილი მოწყობა. ასევე პროგრამაში შეიძლება განმეორებადი პროცესების ავტომატიზაცია და საერთო პროექტებთან პირადი კალენდრის გაერთიანება, შეხსენებების შექმნა, დავალებებზე კომენტარების დატოვება. 

ხელმისაწვდომია დეტალური ანგარიშის შექმნის ფუნქცია: ცალკეული პროექტებისთვის, განყოფილებებისთვისა და თანამშრომლებისთვის. ანგარიშების ფორმირება და ვიზუალიზაცია და დავალებების დაგეგმვა შეიძლება სხვადასხვა სახით: განტის დიაგრამები, კანბანის დაფები, გრაფიკები.  

Wrike მიმდინარე პროექტთან აკავშირებს ყველა განხილვას, დოკუმენტსა და ელექტრონულ ფოსტას. ამოცანაზე დართული ფაილების დარედაქტირება იქვე შეიძლება, ერთ ადგილზე დოკუმენტის ყველა ვერსიის შენახვით. გარდა ამისა, Wrike-ში არის ხმოვანი ბრძანებების მხარდაჭერა და ხელოვნური ინტელექტი, რომელიც მოთხოვნებს პასუხობს. 

პლუსები

• შეიძლება სერვისის მორგება ნებისმიერი კომპანიის ინდივიდუალურ საჭიროებებზე. 
• მოსახერხებელი ჩაშენებული ფუნქცია — ტაიმერი, რომელიც ხელით ირთვება და ითვალისწინებს და აფასებს დავალებებზე დახარჯულ დროს. 
• თუ დავალებას ახალი მონაწილეები ემატებიან, ისინი სრულ ინფორმაციას იღებენ: წვდომა ფაილებზე, წინა განხილვებსა და გადაწყვეტილებებზე. 
• იმავე ტიპის ამოცანებისთვის შეგიძლიათ შექმნათ შაბლონები — მაგალითად, წერილების ყოველთვიური დაგზავნისთვის. 

მინუსები

• ყველა მომხმარებელი მარტივად ვერ ერკვევა პარამეტრებში — შეიძლება საჭირო გახდეს დრო, რათა ყველა ფუნქციის ამუშავება შეძლოთ. 
• უფასო ვერსიაში ფუნქციონალი შეზღუდულია, ფუნქციების მთელი ნაკრები კი — ფასით მთლად ხელმისაწვდომი არაა. 

ტარიფები

• უფასო ვერსია შეზღუდვით 5 ადამიანამდე. 
• Team — $9,8-დან თვეში ერთ მომხმარებელზე. 
• Business —  $9,80-დან თვეში მომხმარებელზე.  
• Enterprise — დიდი გუნდებისთვის ფასი განისაზღვრება ინდივიდუალურად. 

Team and Enterprise ტარიფების დატესტვა შესაძლებელია უფასოდ 14 დღის განმავლობაში. 

პლატფორმები: 

ბრაუზერის ვერსია Web-ისთვი, აპლიკაციები — Windows, macOS, iOS, Android.

Clickup

სერვისი განვითარებული სამომხმარებლო პარამეტრებით. მოსახერხებელია როგორც დიდი ბიზნესებისთვის, ისე ფრილანსერებისთვის. პროგრამის საბაზისო ფუნქციები საკმარისია მცირე და საშუალო ზომის გუნდებისთვის.

Clickup-ის მომხმარებლებს შეუძლიათ დავალებები ქვედავალებებად დაყონ, გაცვალონ ფაილები, დატოვონ კომენტარები. პროგრამაში არის ტაიმ-ტრეკერი, შიდა ჩათები განხილვებისთვის, შეტყობინებები, ციფრული ბლოკნოტები. შესაძლებელია ამოცანების ვიზუალიზაციის არჩევა: კანბან-დაფა, mind-რუკები. 

ამოცანების დახარისხების ფუნქცია საშუალებას გაძლევთ გაფილტროთ ისინი ვადის, ტეგების, საქმის სხვადასხვა სტატუსის ან განყოფილებების მიხედვით. პრიორიტეტების დასალაგებლად შეიძლება ფერების გამოყენებაც. მაგალითად: «წითელი» ამოცანა — სასწრაფო, «ყვითელი» — უახლოეს დროში გასაკეთებელი, «მწვანე» — შეიძლება დროებით გადაიდოს. 

სერვისს აქვს ბევრი მზა შაბლონი და განმეორებადი ამოცანების სია. შეგიძლიათ შექმნათ და შეინახოთ თქვენი საკუთარი შაბლონი.

პლუსები:

• ჩაშენებული ჩათი რეალურ დროში
• უფასო ტარიფი საშუალებას იძლევა პროექტში ნებისმიერი რაოდენობის ადამიანები მოიწვიოთ და შეუზღუდავი რაოდენობის ამოცანები შექმნათ. 

მინუსები:

• ახალბედასთვის, განსაკუთრებით თუ ინგლისური არ იცის, შეიძლება პროგრამაში გარკვევა რთული და მოუხერხებელი იყოს. 
• უფასო ტარიფზე არ არის წვდომის ნებართვის პარამეტრები და საცავის მოცულობა სულ 100 მეგაბაიტია. 

ტარიფები: 

• უფასო ვერსია, რომელიც ერგება პირად მოხმარებას. 
• Unlimited — $5 ერთ მონაწილეზე თვეში. 
• Business — $12 მონაწილეზე თვეში. 
• Business plus — $19 მონაწილეზე თვეში.
• Enterprise დიდი გუნდებისთვის — საფასური განისაზღვრება ინდივიდუალურად. 
• სტუდენტებისთვის, პედაგოგებისთვისა და არასამთავრობო ორგანიზაციებისთვის გათვალისწინებულია ფასდაკლება. 

პლატფორმა

Windows, Mac, Linux, iOS, Android ვერსიები და ბრაუზერის აპლიკაცია. 

Todoist

კლასიკური და მარტივი to-do მენეჯერი, რომელიც მოსახერხებელია არა მხოლოდ გუნდური მუშაობისთვის, არამედ პირადი მოხმარებისთვისაც. 

სერვისში შესაძლებელია საქმეების სიის წარმოება, ამოცანების დასახვა, შემსრულებლებზე, პროექტებზე, დროზე გადანაწილება. არის ფილტრაცია მნიშვნელობის მიხედვით, push-შეტყობინებები. შეგიძლიათ ამოცანებს ფერადი აღმნიშვნელები დაურთოთ, თვალი ადევნოთ სამუშაო დროს, დაამატოთ ხმოვანი კომენტარები, გაცვალოთ ფაილები, სერვისი ფოსტასა და კალენდარს მიამაგროთ. სქემებისა და გრაფიკების გამოყენებით შესაძლებელია თქვენი პროდუქტიულობის ვიზუალიზაცია და პროგრესის ანალიზი.

Todoist-ში არის საინტერესოდ ორგანიზებული ინტერაქტიური მოტივაციის სისტემა თამაშის გზით: შესრულებული დავალებებისთვის მომხმარებელი წამახალისებელ ქულებს იღებს. თუ დედლაინი დაარღვიე — ქულებს კარგავ, ხოლო როდესაც საკმარის რაოდენობას მიაღწევ, დავალებების შესრულების შესაბამისად — დასაქმებული ახალ დონეზე გადადის. 

გარდა ამისა, Todoist გთავაზობთ აქტიურობის ჟურნალს, მზა შაბლონებს სხვადასხვა კატეგორიის მიხედვით, რეგულარული ამოცანების ავტომატურ განმეორებას. 

პლუსები

• მყისიერი სინქრონიზაცია ყველა მოწყობილობასთან: მობილურ აპლიკაციასა და კომპიუტერში.
• შეგიძლიათ ინტერფეისის მორგება ფერადი სქემებით, რაც საშუალებას გაძლევთ იხილოთ ყველაზე მნიშვნელოვანი ამოცანები წინა პლანზე.
• მარტივი, ზედმეტი დეტალებისა და ვიწრო ფუნქციებისგან დაცლილი ინტერფეისი. მოსახერხებელია დამწყებებისთვის. 
• დავალების ტექსტში ვადების ამოცნობა: შეგიძლიათ დაწეროთ «პირველი მაკეტის ჩაბარება ორშაბათს» და პროგრამა ამოცანას ამ დღეს გაამწესებს. 

მინუსები

• არ არის საკუთარი კალენდარი, მხოლოდ Google-კალენდართან ინტეგრაცია. 
• ამოცანებზე არ არის სრულყოფილი სტატისტიკა და მონაცემები. 
• შეტყობინებები და ეტიკეტები ხელმისაწვდომია მხოლოდ ფასიან ვერსიაში.

ტარიფები

• უფასო ვერსია დამწყებებისთვის — შეზღუდულია 5 მონაწილითა და 5 პროექტით, მხოლოდ 5მგ-მდე ფაილების ატვირთვა შეიძლება, ხოლო აქტიურობის ისტორია მხოლოდ 1 კვირით ინახება. 
• Pro აქტიური მომხმარებლებისთვის — $4-დან თვეში ერთ ადამიანზე წლიური გადახდის შემთხვევაში. 
• ბიზნესი გუნდებისთვის — $6-დან თვეში ერთ ადამიანზე წლიური გადახდის შემთხვევაში. უფასო ვერსიის გამოცდა 30 დღის განმავლობაში.  

პლატფორმა:

Windows, MacOS, iOS, Android და ბრაუზერ ვერსიები. შეტყობინებების მიღება Apple Watch-ზე. 

Jira

Jira  Atlassian-სგან — ერთ-ერთი ყველაზე პოპულარული ინსტრუმენტი, რომელიც ადვილად შეიძლება მოერგოს ნებისმიერი სირთულის პროექტს. რადგანაც სერვისი თავდაპირველად პროგრამული უზრუნველყოფის დეველოპერებისთვის შეიქმნა, ის იდეალურად ერგება IT-კომპანიებს, რომელთაც პროგრამული უზრუნველყოფის შეცდომებს უნდა ადევნონ თვალი. 

Jira ერთდროულად ორ მიდგომას აერთიანებს: კანბანი და Scrum. სერვისი კარგად ჯდება პროექტების მართვის Agile-მეთოდოლოგიაში. მას აქვს ფუნქციები, რომლებიც ადაპტირებულია სპრინტებში მუშაობისთვის, არის ჩარტებსა და გრაფიკებში ანალიზი და მოხსენებები, ამოცანები პრიორიტეტული დონეებით. შეგიძლიათ პროექტების დაგეგმვა, ეტაპების დაყენება, შესრულების გაკონტროლება, მომხმარებლის წვდომის მართვა, დოკუმენტაციის წარმოება. ჩანს მთელი გზა, რომლითაც პროექტი ვითარდებოდა. 

Jira საშუალებას გაძლევთ ჩართოთ პროექტში მონაწილეების მაქსიმალური რაოდენობა, რომლებიც სხვადასხვა დავალებაზე მუშაობენ. გარდა ამისა, შეიძლება პროექტის რთული სისტემის შექმნა მრავალი დონით. ინსტრუმენტი გთავაზობთ პროექტის დაარქივების ფუნქციასა და პლაგინების საშუალებით საბაზისო ფუნქციონალების გაფართოებას.  მაგალითად: Tempo, Big Picture, Script Runner და ა.შ.

პლუსები:

• არის ინფორმაციული უსაფრთხოების სერტიფიკატი
• Jira-ს აქტიური საზოგადოება, სადაც სერვისის მომხმარებლებთან საუბარი და გამოცდილების გაზიარება შეიძლება. 
• შემსრულებლების შეფასების სისტემა: შეიძლება არსებული შაბლონებიდან არჩევა ან საკუთარის შემუშავება. 
• ერგება სხვადასხვა ტიპის მომხმარებელს: არა მხოლოდ სხვადასხვა პროექტის ხელმძღვანელებს, არამედ ინჟინრებსა და დეველოპერებს. 

მინუსები: 

• სისტემაში ბევრი სპეციალური ფუნქციაა, ამიტომაც ის ყველა პროექტს ვერ მოერგება —  ძირითადად იმ გუნდებს, რომლებიც Scrum და Kanban მეთოდოლოგიებს იყენებენ. 
• ზოგიერთი მომხმარებლისთვის ინტერფეისი შეიძლება რთული და ჩახლართული იყოს — საჭიროა დრო, ცოდნა და უნარები ადაპტაციისთვისა და ინსტრუმენტის ეფექტური დანერგვისთვის. 
• მაქსიმალური შედეგების მიღებისთვის აუცილებელია ფასიანი ტარიფი. 

ტარიფები:

• უფასო — გუნდებისთვის, სადაც 10-მდე წევრია. დაფების რაოდენობა უსაზღვროა, ხოლო საცავში მხოლოდ 2გბ-ია. 
• Standard — თვეში $7,75-დან ერთ მომხმარებელზე. 
• Premium — თვეში $15,5-დან მომხმარებელზე.  
• Enterprise — საფასური ინდივიდუალურად განისაზღვრება. 
• Standard-სა და Premium-ის გამოცდა შვიდი დღის განმავლობაში უფასოდ შეიძლება.  

პლატფორმები

ონლაინ-სერვისი, აპლიკაციების Android-ისთვისა და iOS-ისთვის.

Any.do

მოსახერხებელი და მარტივი სერვისი ყოველდღიური დაგეგმვისთვის კალენდრის ფორმით, რომელიც ამოცანებზე მუშაობას აჩქარებს. ეს ხელს უწყობს ამოცანებისა და დროის ორგანიზებას, პროდუქტიულობის მონიტორინგს, ამოცანების დელეგირებას და მათ შესრულებას. პლატფორმის გამოყენება შესაძლებელია ინდივიდუალურად ან გუნდურად.

Any.do-ში არის დროსთან და ადგილთან მიბმული შეტყობინებები: სერვისი შეგახსენებთ ერთჯერადი ან რეგულარული დავალებების შესახებ დედლაინის მოახლოებისას და კონკრეტულ გეოლოკაციაში. 

დავალებების გაზიარება შეიძლება WhatsApp-ის საშუალებით, მათი გადანაწილება პრიორიტეტების მიხედვით, რთული დავალებების ქვეკატეგორიებად დაყოფა, შემსრულებლების დანიშვნა, ტეგების დაყენება და ფაილების მიმაგრება, მნიშვნელოვანი საქმეების ფერებით გამოყოფა. არის საყიდლების სიის შედგენის ოფცია კატეგორიებისა და მაღაზიების სახელების მიხედვით. სერვისს აქვს ხმით ამოცნობის ფუნქციის მხარდაჭერა: შეგიძლიათ ამოცანის წაკითხვა, სისტემა კი მათ დავალებების სიებად გადააქცევს. 

პლუსები:

• ინტერფეისის დალაგება საკუთარ გემოზე მარტივი და მოსახერხებელი მართვით
• ინტეგრაცია Google Calendar-თან: შეიძლება მენეჯერის გახსნა კალენდრის რეჟიმში და დღის განმავლობაში to-do ლისტის ნახვა. 
• მონაცემების სინქრონიზაცია ყველა დივაისთან: კომპიუტერითა და პლანშეტით დაწყებული, Apple Watch-ით დამთავრებული. 
• არ არის ზედმეტი ფუნქციები მათთვის, ვინც პირადი მოხმარებისთვის იყენებს პროგრამას. 

მინუსები:

• უფასო ვერსია თითქმის არაფრით განსხვავდება ტელეფონის სტანდარტული კალენდრისგან. გაფართოებული ფუნქციებისთვის, მაგალითად სინქრონიზაციისთვისა და სხვა მონაწილეების მოწვევისთვის, ფული უნდა გადაიხადოთ.

ტარიფები:

• უფასო — შეზღუდული ვერსია. 
• პრემიუმი — თვეში $3-დან მომხმარებელზე წლიური გადახდის შემთხვევაში. 
• გუნდი — თვეში $5 -დან მომხმარებელზე წლიური გადახდის შემთხვევაში.
• ფასიანი ტარიფების უფასოდ გამოცდა 14 დღის განმავლობაში შეგიძლიათ. 

პლატფორმა:

ხელმისაწვდომია ონლაინ სერვისი. ასევე აპლიკაციები: Windows, macOS, Android, iOS, Apple Watch.

შევაჯამოთ: კითხვები, რომლებსაც ტასკ-მენეჯრზე მუშაობის დროს პასუხი უნდა გასცეთ

მოგიყევით პოპულარული ტასკ-მენეჯერების შესახებ, მაგრამ იდეალური პროდუქტი, რომელიც ყველას და ყველა პროექტს მოერგება — არ არსებობს. რათა ოპტიმალურად შეარჩიოთ პროდუქტი, დაუსვით საკუთარ თავს რამდენიმე კითხვა:

• რისთვის სჭირდება კომპანიას, პირადად თქვენ?
• რა გსურთ მისგან მიიღოთ?
• რომელი ფუნქციონალია თქვენთვის, თქვენი გუნდისთვის განსაკუთრებით მნიშვნელოვანი?
• რამდენის დახარჯვას გეგმავთ, იმის გათვალისწინებით, რამდენად გაიზრდება საფასური ერთ-ორი წლის შემდეგ — თუ თქვენი გუნდი გაიზრდება?

არ დაგავიწყდეთ, რომ თითქმის ყველა სერვისს აქვს საცდელი პერიოდი — დატესტეთ უფასოდ და შეადარეთ. 

15 აპლიკაცია, რომელიც 2023 წელს ცხოვრებას გაგიმარტივებთ

თემის მიხედვით

15 აპლიკაცია, რომელიც 2023 წელს ცხოვრებას გაგიმარტივებთ

საუკეთესო უფასო AI ინსტრუმენტები, რომლებიც აუცილებლად უნდა იცოდეთ

თემის მიხედვით

საუკეთესო უფასო AI ინსტრუმენტები, რომლებიც აუცილებლად უნდა იცოდეთ