Rakuten Viber-ს Business Inbox-ისა და საძიებო კომერციული ანგარიშის ფუნქცია ემატება. კომპანიის წარმომადგენლების განცხადებით, ეს არის ახალი ეტაპი ბრენდისა და მომხმარებლის ინტერაქციის გაუმჯობესებაში.
Rakuten Viber-ს Business Inbox-ისა და საძიებო კომერციული ანგარიშის ფუნქცია ემატება. კომპანიის წარმომადგენლების განცხადებით, ეს არის ახალი ეტაპი ბრენდისა და მომხმარებლის ინტერაქციის გაუმჯობესებაში.
Business Inbox ინტერაქციისთვის გამოყოფილი სივრცეა. იგი საშუალებას გაძლევთ, ერთ საქაღალდეში შეინახოთ ბრენდის ოფიციალური გვერდებიდან მიღებული ყველა საქმიანი შეტყობინება. მაგალითად, ბანკის შეტყობინება, მიტანის სერვისიდან შეკვეთის დადასტურება, სპეციალური შეთავაზება მაღაზიიდან და ა.შ. ეს ფუნქცია გაზრდის მომხმარებლის უსაფრთხოების დაცვასაც.
ფუნქცია მიუწვდომელი იქნება იმ კერძო ანგარიშებისთვის, რომლებიც თავს რაიმე სახის ბიზნესად ასაღებენ.
მნიშვნელოვანი სიახლეა «ლურჯი ტიკი», რომელიც მომხმარებლებს ეხმარება ვერიფიცირებული ბრენდების იდენტიფიცირებაში.
McKinsey & Company-ის 2021 წლის კვლევის მიხედვით, მომხმარებელთა 71% მოელის, რომ კომპანიები უზრუნველყოფენ პერსონალიზებულ ინტერაქციას, ხოლო ორგანიზაციების 82% გეგმავს გადავიდეს ღირებულების ზრდის სტრატეგიაზე, რათა სერვისების საშუალებით, გააუმჯობესოს მომხმარებელთა ღირებულებები. Viber აცხადებს, რომ მათი განახლებები შედის, როგორც მომხმარებელთა, ისე ბიზნესების ინტერესებში.
Business Inbox გააქტიურდება პირველი ბიზნეს შეტყობინების მიღებისთანავე. ხოლო მათთვის, ვისაც უკვე ჰქონდა კომპანიებთან კომუნიკაცია საქაღალდე გამოჩნდება ფუნქციის გამოშვებისთანავე. Business Inbox-ის გამოყენებით მომხმარებლებს შესაძლებლობა ექნებათ:
საქაღალდე თავისთავად ჩამაგრდება ჩატების გვერდის ზედა ნაწილში, შესაბამისად, საქმიანი და პირადი შეტყობინებები ერთმანეთში არ აირევა.
Viber ასევე ამატებს კომერციულ საძიებო სისტემას, სადაც მომხმარებლებს შეეძლებათ ბრენდთან ურთიერთობის ყველა გზა ერთ სივრცეში აღმოაჩინონ.
მომხმარებლები, რომლებიც ეწვევიან კომერციულ გვერდს, დაინახავენ ბრენდის ლოგოს, ვერიფიკაციის ემბლემას, აღწერას, საკონტაქტო ინფორმაციას და იმ საკომუნიკაციო არხებს, რომლებიც Viber-ზეა ხელმისაწვდომი. ასევე შესაძლებელი იქნება გვერდის სხვებისთვის გაზიარებაც.
ბრენდებს შეეძლებათ დაამატონ სამამდე მისამართი, ვებგვერდი, ტელეფონის ნომერი და 1000-მდე სიმბოლოს გამოყენებით აღწერა.
ახალი საძიებო კომერციული გვერდების გამოყენებით მომხმარებლები შეძლებენ ბრენდებთან აქტიური კომუნიკაცია წამოიწყონ. გარდა ამისა, მომხმარებლებს, რომელთაც სურთ Viber-ზე ბიზნესთან დაკავშირება, შეძლებენ აირჩიონ მათთვის სასურველი არხი და მიიღონ მინი-ვებგვერდის გამოცდილება აპლიკაციის ფარგლებში.
«ჩვენი მიზანია, მომხმარებლებისთვის გავზარდოთ აპლიკაციის ღირებულება და გავაფართოოთ ის გზები, რომლითაც ბრენდებს შეუძლიათ დაუკავშირდნენ თავიანთ აუდიტორიას». — ამბობს ოფირ ეიალი, Rakuten Viber-ის აღმასრულებელი დირექტორი.
სამომავლოდ Viber გეგმავს კომერციული გვერდების შესაძლებლობების გაფართოებას. დაამატებს საკომუნიკაციო არხებსა და ფუნქციებს, როგორებიცაა: მდებარეობის ნახვა, ბიზნესთან დარეკვა და ა.შ. მომდევნო წლებში Viber მცირე და საშუალო ბიზნესებს მართვის მეტ შესაძლებლობას მისცემს. მათ შეეძლებათ საკუთარი კომერციული გვერდების შექმნა.
Viber-ზე არხი dev.ge-საც გვაქვს. შემოგვიერთდით 👇
