სიახლეების განყოფილება მსოფლიო 28 დეკემბერი 2022, 13:34

Tesla-სა და Apple-ის აქციების ფასი საგრძნობლად დაეცა

Tesla-სა და Apple-ის აქციების ფასი, ჩინეთში მათი წარმოების ხაზების შეფერხების გამო, საგრძნობლად დაეცა.

2021 წლის ივნისის შემდეგ Apple-ის აქციებმა ყველაზე დაბალ ნიშნულს მიაღწია. Tesla-ს აქციები კი, 2021 წლის ნოემბრის რეკორდულ მაჩვენებელთან შედარებით, 73%-ით დაბალია.

კომპანიები ჩინეთში წარმოების გასაგრძელებლად Covid-ის შეზღუდვებისა და ერთ კვირიანი კარანტინის პერიოდში იბრძოდნენ.

ახლა კი პერსონალის ნაკლებობასაც განიცდიან, რადგან ჩინეთში შეზღუდვების მოხსნის შემდეგ Covid-ის ახალი ტალღა დაიწყო.

ჩინეთის განცხადებით, მოგზაურებისთვის მკაცრ საკარანტინო წესებს 8 იანვარს გააუქმებს, რაც ინვესტორებისთვის პოზიტიური ინფორმაციაა.

ანალიტიკოსები ამბობენ, რომ წარმოებას კვლავ გასაზრდელად დიდი დრო დასჭირდება.

«ქარხნები მუშახელის დეფიციტს უკვე 4-6 კვირაა განიცდიან, რადგან Covid-ის ახალი ტალღა მათ საწარმოო რეგიონებამდეც აღწევს. ამასთან ერთად, მიგრანტი მუშების უმეტესობა იანვრის ბოლოს, მთვარის ახალ წელს, მშობლიურ სოფლებში დაბრუნდება». — განაცხადა The Economist Intelligence Unit-ის მთავარმა ეკონომისტმა, საიმონ ბაპტისტმა.

«ნაკლებას სავარაუდოა, რომ წარმოება ჩინეთში ნორმალურად თებერვლის ბოლომდე დაბრუნდეს». — ამბობს ის.

ამ კვირაში, მედიის ცნობით, Tesla-ს შანხაის მწარმოებელმა ქარხანამ წარმოება შეამცირა. კომპანია კომენტარის გაკეთებაზე უარს ამბობს.

წარმოებსათან დაკავშირებული პრობლემები Apple-ის მიმწოდებელ Foxconn-საც შეექმნა. მიზეზი მის ქარხანაში მომხდარი არეულობაა.

ინვესტორებმა შეშფოთება Tesla-ს აღმასრულებელი დირექტორის, ილონ მასკის, მიმართაც გამოთქვეს, რომლმაც რამდენჯერმე საკამათო განცხადება გააკეთა.

ზოგიერთმა ილონ მასკის სავარაუდო ყურადღების გაფანტვა და მთლიანად Twitter-ზე გადართვა Tesla-ს აქციების ფასის დაცემის კიდევ ერთ მიზეზად დაასახელა.

ანალიტიკოსები ამბობენ, რომ ილონ მასკმა ინტესტორებისა და საბჭოს წევრების ნდობის დაბრუნებაზე უნდა იზნუროს.

«როცა ინვესტორებს აღმასრულებელი დირექტორის ყურადღება ყველაზე მეტად სჭირდებოდათ, ის Twitter-ზე იყო ორინერტირებული. ეს მათთვის კოშმარი იყო. რაც არ უნდა იყოს, ილონ მასკი, ცალსახად, ლიდერია.» — წერს, Webush-ის ტექნიკური ანალიტიკოსი, დენ აივსი.