Startup Grind 23 აგვისტოს ბათუმში Startup Sizzle-ის ღონისძიებას გამართავს

საქართველოში სტარტაპების ბინა ყოველთვის თბილისი იყო, ახლა კი ბათუმშიც აქტიურად იქმნება ახალი coworking სივრცეები, IT სკოლები და იმართება სტარტაპ ღონისძიებები. 23 აგვისტოს ღონისძიებაზე, რომელიც 6 საათზე დაიწყება, StartupGrind სწორედ ბათუმელ დამფუძნებლებს გაგაცნობთ.

რატი კუნჭულია დამსწრე აუდიტორიას Datamind-ის დაფუძნების ისტორიას მოუყვება. Datamind საქართველოში და მის გარეთ ბანკებს მონაცემთა საცავის დანერგვის ჭკვიან მექანიზმს სთავაზობს. 

ეს იდეა ბათუმში დაბადებული დამფუძნებლის ღრმა ტექნიკურ ცოდნასა და განვითარების სურვილს უსვამს ხაზს. სტარტაპს $1 მლნ-ზე მეტი ARR აქვს და ჯერ ახლა იწყებს მასშტაბირებას. რატის თანადამფუძნებელი აშშ-ში იმყოფება ინვესტიციების მოზიდვის მიზნით, რატი და მისი გუნდი კი გლობალური ბაზრისათვის ამზადებენ ტექნოლოგიას.

ღონისძიებას ახლადგახსნილ coworking სივრცეში, Ripple.space-ში ბათუმელი დამფუძნებელი ანა ავეჩბა უმასპინძლებს და იმ პროექტის შესახებ მოგვიყვება, რომელიც ბათუმის ტექ-საზოგადოებისთვის მნიშვნელოვან რესურსს წარმოადგენს.

ღონისძიების მეორე ნაწილში სტუმრებს განტვირთვისა და გართობის შესაძლებლობა მიეცემათ.

ღონისძიებისა და ბილეთების შესახებ დეტალური ინფორმაციისთვის გადადით ამ ლინკზე.