სკარლეტ იოჰანსონის თქმით, მას სემ ალტმანს უარი უთხრა თხოვნაზე, გამოეყენებინა მისი ხმა ChatGPT-ისთვის. თუმცა, ჩატბოტის GPT-4o ვერსიას აქვს ხმა, რომელიც ძალიან ჰგავს სკარლეტისას. მსახიობის განცხადებით, შოკირებული და გაბრაზებულია.
სკარლეტ იოჰანსონის თქმით, მას სემ ალტმანს უარი უთხრა თხოვნაზე, გამოეყენებინა მისი ხმა ChatGPT-ისთვის. თუმცა, ჩატბოტის GPT-4o ვერსიას აქვს ხმა, რომელიც ძალიან ჰგავს სკარლეტისას. მსახიობის განცხადებით, შოკირებული და გაბრაზებულია.
OpenAI-მ გასულ კვირას წარადგინა თავისი GPT-4o, AI ასისტენტის გაუმჯობესებული ფუნქციებით, მათ შორის, ხმოვანი ვერსიით. მომხმარებლების თქმით, ერთ-ერთი ხმა ძალიან ჰგავს ქალის ხმას ფილმიდან «her», რომელშიც კაცს AI ჩატბოტი უყვარდება და რომელსაც სწორედ სკარლეტ იოჰანსონი ახმოვანებს.
OpenAI-მ განაცხადა, რომ შეაჩერებდა გამოყენებას ხმისა, სახელად Sky, თუმცა, მიზეზი არ დაუკონკრეტებია.
«ჩვენ გვჯერა, რომ ხელოვნური ინტელექტის ხმები არ უნდა ჰგავდნენ ცნობილი ადამიანების ხმებს — Sky-ის ხმა არ არის სკარლეტ იოჰანსონის ხმა, ის ეკუთვნის სხვა პროფესიონალ მსახიობს, რომელიც იყენებს საკუთარ ბუნებრივ მეტყველებას», — ნათქვამია OpenAI-ის ბლოგ პოსტში.
სკარლეტ იოჰანსონის თქმით, სემ ალტმანი მას თავდაპირველად სექტემებრში დაუკავშირდა და ChatGPT-სთვის მისი ხმის გამოყენების ნებართვა სთხოვა. «მისი აზრით, ეს შეძლებდა ტექნოლოგიურ კომპანიებსა და შემოქმედებს შორის დაშორების შემცირებას».
მსახიობმა თქვა, რომ ალტმანის ინიციატივას არ დათანხმდა. თუმცა, ალტმანი მას GPT-4o-ის წარდგენამდე 2 დღით ადრეც დაუკავშირდა ანალოგიური თხოვნით, დემო ვერსია კი პასუხის გაცემამდე გაეშვა.
სკარლეტ იოჰანსონის თქმით, სემ ალტმანმა მიანიშნა კიდეც, რომ GPT-4o-ს ხმა ჰგავდა მის ხმას — ეს გააკეთა ტვიტით — Her — ის.
Business Insider-ისთვის მიწოდებულ განცხადებაში სემ ალტმანმა თქვა, რომ Sky-ის ხმა არ არის იოჰანსონის და არც ყოფილა გამიზნული, მისი მსგავსი ყოფილიყო.
«ჩვენ მსახიობი კასტინგის გზიტ შევარჩიეთ. ვწუხვართ, რომ იოჰანსონთან უკეთესი კომუნიკაცია არ დავამყარეთ». — წერია განცხადებაში.
სკარლეტ იოჰანსონი გეგმავს, საქმეში იურისტები ჩართოს.
