«სილქნეტმა» თბილისის ცენტრალურ ნაწილში — თავისუფლების მოედნიდან ბაგებამდე 5G მობილური სერვისი ჩართო. დღეს, 14 დეკემბერს გამოქვეყნებულ განცხადებაში კომპანიამ მიუთითა, რომ ის პირველია, რომელიც ამ ტექნოლოგიას ხელმისაწვდომს ხდის.
«სილქნეტმა» თბილისის ცენტრალურ ნაწილში — თავისუფლების მოედნიდან ბაგებამდე 5G მობილური სერვისი ჩართო. დღეს, 14 დეკემბერს გამოქვეყნებულ განცხადებაში კომპანიამ მიუთითა, რომ ის პირველია, რომელიც ამ ტექნოლოგიას ხელმისაწვდომს ხდის.
«ჩვენმა მომხმარებლებმა კარგად იციან, რომ სილქნეტი ყოველთვის იყო ნოვატორი სატელეკომუნიკაციო ბაზარზე და ახლაც პირველები ვართ, ვინც ვთავაზობთ 5G სერვისს». — განაცხადა სილქნეტის გენერალურმა დირექტორმა, დავით მამულაიშვილმა, კომპანიის თანახმად.
თუმცა, კომუნიკაციების კომისიას სილქნეტისთვის შესაბამისი ლიცენზია არ გაუცია. მიმდინარე წლის სექტემბერში მარეგულირებლისგან 5G ინტერნეტის დანერგვისთვის საჭირო სიხშირული რესურსით სარგებლობის ლიცენზიები 15 წლის ვადით კომპანია «სელფი მობაილს» (ყოფილი ბილაინი) მიენიჭა.
ComCom-ის მიერ მეხუთე თაობის მობილური ინტერნეტის დასანერგად გამოცხადებულ აუქციონში, «სელფი მობაილი» ერთი კომბინირებული და სამი ცალკემდგომი ლოტის გამარჯვებულად გამოცხადდა, რაც 700 მჰც, 3400-3600 მჰც, 2600 მჰც და 1800 მჰც სიხშირულ დიაპაზონებს მოიცავდა.
აღნიშნული ლოტების საფასურმა, ჯამში, 4 497 045 ლარი შეადგინა, ხოლო ლიცენზიის მოსაპოვებლად, ოპერატორმა დადგენილი თანხის 30% სახელმწიფო ბიუჯეტში გადაიხადა.
ლიცენზიის თანახმად, «სელფიმ» 5G Nokia-სთან ერთად უნდა დანერგოს.
კომუნიკაციების კომისიაში dev.ge-ს უთხრეს, რომ არკვევენ, რის საფუძველზე ჩართო «სილქნეტმა» 5G და განცხადებასაც ამის შემდეგ გაავრცელებენ.
