Agile Mentor- ის ორგანიზებით საქართველოში პირველი Agile სამიტი გაიმართა. მოწვეულმა სპიკერებმა საზოგადოებას ახალი საერთაშორისო მიდგომები, ასევე ქართული ბიზნეს კომპანიებისა და კომერციული ბანკების პრაქტიკული გამოცდილება გაუზიარეს.
3-საათიან ღონისძიებაზე Agile ტრანსფორმაციით დაინტერესებულ საზოგადოებას საშუალება ჰქონდა, Agile პრაქტიკოსები და Agile გუნდებში მომუშავე ექსპერტები გაეცნო. ასევე მათ პრაქტიკული ქეისების შესახებ საჭირო ინფორმაცია მიიღეს და პანელურ დისკუსიებშიც ჩაერთვნენ.
პანელურ დისკუსიაში მონაწილეობა წამყვანი კომპანიების Agile ლიდერებმა მიიღეს:
- EPAM
- თიბისი ბანკი
- ლიბერთი ბანკი
- საქართველოს ბანკი
- კრედო ბანკი
- Signify
- DevOps Community
- IT Academy Step
- Skillwill
- Edutech
Agile Mentor ინოვაციური კომპანიაა, რომელიც ქართველ სქრამ მასტერებს (Scrum Master), პროდუქტის მფლობელებს (Product Owner), პროექტის მენეჯერებs, HR-ებსა და კომპანიის ლიდერებს საინტერესო Agile მოგზაურობას სთავაზობს, თანაც ქართულ ენაზე.
Agile Mentor მარია ღლონტმა დააარსა, რომელმაც dev.ge-სთან სამიტის არსსა და მნიშვნელობაზე ისაუბრა და აღნიშნა, რომ ღონისძიებისადმი ინტერესი დიდი აღმოჩნდა.
«სამიტს 200-ზე მეტი ადამიანი დაესწრო. გვყავდა 3 სპიკერი, მათ შორის ერთი უცხოელი. გაიმართა ორი პანელური დისკურია — ერთი ეხებოდა ტრანსფორმაციის გამოცდილების გაზიარებას, ხოლო მეორე — Agile პრაქტიკების გამოყენებას. ღონისძების მხარდამჭერმა კომპანიებმა პრიზები დააწესეს — გვქონდა 4 გათამაშება, შესაბამისად 4 ადამიანი დავაჯილდოვეთ».
მარიას თქმით, ღონისძიების მონაწილეებისგან უკუკავშირი დადებითი აღმოჩნდა და მათ მსგავსი სამიტის მომავალში ჩატარება ითხოვეს.
«შემდეგ სამიტს სექტემბერში ვგეგმავთ, რომლის მხარდაჭერის სურვილი უკვე რამდენიმე კომპანიამ გამოთქვა». — განაცხადა მარია ღლონტმა.
