მას შემდეგ, რაც გავრცელდა ინფორმაცია, რომ Google-მა Project Iris AR სათვალეებზე მუშაობა შეწყვიტა, Insider ვარაუდობს, რომ კომპანიის გეგმა Samsung-თან ერთად შერეული რეალობის ყურსასმენის გაშვების შესახებ წარუმატებლობის წინაშე დგას.
მას შემდეგ, რაც გავრცელდა ინფორმაცია, რომ Google-მა Project Iris AR სათვალეებზე მუშაობა შეწყვიტა, Insider ვარაუდობს, რომ კომპანიის გეგმა Samsung-თან ერთად შერეული რეალობის ყურსასმენის გაშვების შესახებ წარუმატებლობის წინაშე დგას.
მოწყობილობა, რომელსაც Project Moohan-ს ეძახიან, მომხმარებლებს, სავარაუდოდ, შერეული რეალობის გამოცდილებას შესთავაზებს, რომელიც Android პლატფორმით იქნება აღჭურვილი. გავრცელებული ინფორმაციით, ამ პროექტზე მუშაობა, სულ მცირე, გასული წლიდან დაიწყო.
თუმცა, Project Moohan Google-სთვის «პოლიტიკური თავის ტკივილი» გახდა. სანდო წყაროები Insider-ს უყვებიან, რომ ამ ორ გიგანტ კომპანიას შორის პარტნიორობა ერთმანეთისთვის ისეთი ინფრომაციისა და ფუნქციებზე წვდომის მიცემას გულისხმობს, რომელიც არც ერთისთვის არ არის მომგებიანი — ისინი, შესაძლოა, კონკურენტი პროდუქტის შექმნას შეეცადონ.
სამხრეთ კორეული გამოცემის, SBS Biz-ის თანახმად, Samsung პროექტის კონტროლს უკვე იწყებს. გავრცელებული ინფორმაციით, კომპანიამ Apple-ის Vision Pro-ს გაშვების შემდეგ ყურსასმენის წარმოების დაწყების გეგმები გააუქმა, რაც ნიშნავს, რომ შესაძლოა ახალი ყურსასმენი მომავალი წლის შუა რიცხვებამდე ვერ ვიხილოთ.
მიუხედავად იმისა, რომ AR პროგრამული უზრუნველყოფის ლიდერმა, მარკ ლუკოვსკიმ ზაფხულის დასაწყისში განაცხადა, რომ ის კომპანიას ტოვებს, როგორც ჩანს, Google AR სათვალეებზე მუშაობას სრულად არ წყვეტს.
Insider იტყობინება, რომ იკვლევს Google გზებს, თუ როგორ გამოიყენოს ხელოვნური ინტელექტი AR სათვალეებზე მუშაობისას. კომპანია ასევე Iris-ის პროგრამულ უზრუნველყოფასაც იყენებს ახალ პროექტში, სახელწოდებით Betty.
Insider-ის თანახმად, Betty შეიძლება მონოკულარული იყოს — რაც ნიშნავს, რომ ის სურათს ერთი ლინზის წინ ასახავს — მაგრამ მეორე პროექტი, კოდური სახელწოდებით Barry, ორივე ლინზას გამოიყენებს.
Google-ის AR სათვალეებისა და XR ყურსასმენების გამოშვება შეიძლება შორეული გეგმა აღმოჩნდეს, მაგრამ ეს ცუდი არ არის — ლოდინი, თუ რას აპირებს Apple, Google-ს მნიშვნელოვანი ცვლილებების შესასრულებლად გარკვეულ დროს მისცემს.
