Apple-მა შერეული რეალობის სათვალე და ყურსასმენი — Vision Pro წარადგინა. ყოველწლიურ კონფერენციაზე კომპანიის აღმასრულებელმა დირექტორმა, ტიმ კუკმა განაცხადა, რომ Vision Pro მარტივად აერთიანებს ვირტუალურ და რეალურ სამყაროს.
Apple-მა შერეული რეალობის სათვალე და ყურსასმენი — Vision Pro წარადგინა. ყოველწლიურ კონფერენციაზე კომპანიის აღმასრულებელმა დირექტორმა, ტიმ კუკმა განაცხადა, რომ Vision Pro მარტივად აერთიანებს ვირტუალურ და რეალურ სამყაროს.
«ეს არის Apple-ის პირველი პროდუქტი, რომლის საშუალებითაც ხედავთ და არა — რომელსაც უყურებთ». — თქვა ტიმ კუკმა.
Vision Pro აუგმენტური, შერეული რეალობის მოწყობილობაა, თუმცა, სრულად ვირტუალურ რეალობაზე გადართვაც შეუძლია.
Vision Pro მისთვის შექმნილი ოპერაციული სისტემით — visionOS-ით იმუშავებს. მას თვალებზე მორგებული სათვალით დაინახავთ.
თქვენ შეძლებთ, ამა თუ იმ აპლიკაციის აიკონზე დააკლიკოთ და ასე მოითხოვოთ ამა თუ იმ ბრძანების შესრულება, ასევე, მუშაობს ხმოვანი ასისტენტიც.
კომპანიის განცხადებით, მიუხედავად იმისა, რომ აპლიკაციაში ნანახი ვიზუალები რეალურობის განცდას ტოვებს, მომხმარებელი არ იქნება იზოლირებული თავისი რეალური გარემოდან.
ჰედსეთზე მუშაობს ბლუთუზიც, შესაბამისად, შესაძლებელია ეფლის კლავიატურასა და თრექპედთან დაკავშირება. Vision Pro-ს დაკავშირება შესაძლებელია მაკბუქთანაც — ამ შემთხვევაში თქვენი მაკი თქვენს სათვალეში გადმოინაცვლებს.
Apple Vision Pro-ს საწყისი ფასი $3499-ია.
