რატომ ცხელდება Apple-ის ახალი iPhone 15

მას შემდეგ, რაც სექტემბერში სმარტფონის უახლესი მოდელი გამოვიდა, ზოგიერთი მომხმარებელი ჩიოდა, რომ მოწყობილობა იმდენად ხურდებოდა, რომ მისი ხელში დაჭერაც კი რთული იყო.

Apple-მა თქვა, რომ ეს ახალი iOS 17-ის ბაგი იყო.

კომპანია ასევე ამტკიცბს, რომ მესამე მხარის აპებში ცვლილებები " მათი სისტემის გადატვირთვას იწვევს».

iPhone-ის მომხმარებლეი ელოდნენ, რომ მათი მოწყობილობები თავდაპირველი განახლებებისა და სარეზერვო ასლის შექმნისას გადახურდებოდა, თუმცა iPhone 15-თან დაკავშირებული პრობლემები უფრო სერიოზული აღმოჩნდა.

მომხმარებლები სოციალურ მედიაში ჩიოდნენ, რომ ახალი ტელეფონები «დუღდა».

Apple-მა თქვა, რომ ტელეფონი შეიძლება უფრო ცხელი იყოს პირველ დღეებში «მოწყობილობის დაყენების ან აღდგენის შემდეგ, ფონური აქტივობის გაზრდის გამო».

«ჩვენ რამდენიმე მიზეზი აღმოვაჩნეთ, რამაც შეიძლება iPhone-ის მოსალოდნელზე მეტად გადახურება გამოიწვიოს».  — განაცხადა კომპანიამ.

ეს iOS 17-ში — Apple-ის პროგრამული უზრუნველყოფის უახლესი ვერსიაში — გაპარული ხარვეზის ბრალია.

კომპანიის განცხადებაში ნათქვამია, რომ «პრობლემა მესამე მხარის აპების ბოლოდროინდელ განახლებებსაც უკავშირდება, რაც მათი სისტემის გადატვირთვას იწვევს». Apple აპლიკაციების დეველოპერებთან ერთად ხარვეზის გამოსწორებაზე მუშაობს.

Apple-ის ცნობით, «დამნაშავე» აპებს შორის არის Instagram, Uber და ვიდეო თამაში Asphalt 9.

Instagram-მა პრობლემა გასულ კვირას მოაგვარა, თუმცა iOS 17-ის არასრულფასოვანი მუშაობა კვლავ აქტუალურია.

Apple-მა ხაზგასმით აღნიშნა, რომ ტელეფონების გადახურება ახალ ტიტანთან კავშირში არ არის.

კომპანიამ ასევე უარყო ვარაუდი, რომ გადახურების პრობლემა USB-C პორტთან არის კავშირში.

Apple-მა განაცხადა, რომ პრობლემა უსაფრთხოების ან გამძლეობის რისკებთან კავშირში არ არის და ტელეფონის გრძელვადიან მუშაობაზე არ იმოქმედებს.

iPhone 15-ის გამძლეობის ტესტების შედეგებმა შესაძლოა მისი ყიდვა გადაგაფიქრებინოთ

თემის მიხედვით

iPhone 15-ის გამძლეობის ტესტების შედეგებმა შესაძლოა მისი ყიდვა გადაგაფიქრებინოთ