სასექსის ჰერცოგმა და ჰერცოგინიამ, პრინცმა ჰარიმ და მეგან მარკლმა, თავიანთი ვებსაიტისთვის დომენი Sussex.com შეიძინეს. მას უკვე ფლობდა ბრიტანელი ბიზნესმენი, ნილ აგატი. პრინცმა ჰარიმ და მეგან მარკლმა დომენის საფასური სწორედ მას გადაუხადეს, ბროკერის დახმარებით.
სასექსის ჰერცოგმა და ჰერცოგინიამ, პრინცმა ჰარიმ და მეგან მარკლმა, თავიანთი ვებსაიტისთვის დომენი Sussex.com შეიძინეს. მას უკვე ფლობდა ბრიტანელი ბიზნესმენი, ნილ აგატი. პრინცმა ჰარიმ და მეგან მარკლმა დომენის საფასური სწორედ მას გადაუხადეს, ბროკერის დახმარებით.
წყვილი მანამდე იყენებდა საიტს SussexRoyal.com. თუმცა, 2020 წელს მათ ამ ვებგვერდის მოხმარება შეწყვიტეს. სწორედ ამ წელს თქვეს მათ უარი სამეფო ოჯახის «მაღალი რანგის» წევრების სტატუსზე.
როგორც ირკვევა, დომენის ყოფილი მფლობელი, ნილ აგატი მიღებული საფასურით კმაყოფილი დარჩა.
«ვფიქრობ, ფასი სამართლიანია. მე არ ვიცოდი, ვინ ყიდულობდა დომენს. შექმნილი სიტუაციით ძალიან კმაყოფილი ვარ». — თქვა მან.
დომენი 4 თებერვალს არის დარეგისტრირებული — ჰერცოგის და ჰერცოგინიას მიერ საიტის განახლებამდე 9 დღით ადრე.
Sussex.com-ის პირველ გვერდზე ჰარის და მეგანის ფოტოა. შემდეგ გვერდზე გადასვლისას კი რამდენიმე წინადადება წერია, რომელიც გვეუბნება:
სასექსის ჰერცოგისა და ჰერცოგინიას, პრინც ჰარის და მეგანის გუნდი აყალიბებს მომავალს ბიზნესისა და ქველმოქმედების გზით.
ეს მოიცავს: THE ARCHEWELL FOUNDATION-ს, ARCHEWELL PRODUCTIONS-ს, პატრონაჟებს, საწარმოებსა და ორგანიზაციებს, რომლებიც იღებენ წყვილის მხარდაჭერას ინდივიდუალურად და/ან ჯგუფურად.
