Pokemon Go-ს მწარმოებელი Niantic თავისი სამუშაო ძალის მეოთხედს ამცირებს

კომპანია ასევე ლოს ანჯელესში თავის სტუდიას დახურავს და ორ თამაშს გააუქმებს.

«ჩვენი ხარჯები უფრო სწრაფად გაიზარდა, ვიდრე შემოსავალი». — თქვა აშშ-ში დაფუძნებული Niantic-ის აღმასრულებელმა დირექტორმა, ჯონ ჰანკემ განცხადებაში.

Pokemon Go გლობალურ ფენომენად იქცა, როდესაც ის პირველად, 2016 წელს გამოვიდა.

იმ დროს ტექნოლოგიურმა გიგანტმა, Apple-მა განაცხადა, რომ გაძლიერებული რეალობის თამაშმა ერთ კვირაში ყველაზე მეტი ჩამოტვირთვით  App Store-ის რეკორდი მოხსნა.

«უმთავრესი პრიორიტეტი Pokemon Go-ს სამუდამოდ შენარჩუნებაა». — თქვა ჰანკემ.

თუმცა, მან ასევე აღნიშნა, რომ  «App Store-ისა და მობილური რეკლამის ლანდშაფტის ცვლილებამ ახალი მობილური თამაშების მასშტაბური გაშვება კიდევ უფრო გაართულა».

სამუშაო ადგილების შემცირება სულ 230 ადამიანს შეეხო.

კომპანია ასევე NBA-ის თამაშსაც წაშლის, რომელიც იანვარში გამოვიდა და Marvel World of Heroes-ის წარმოებას შეწყვეტს.

მაშინ, როდესაც Pokemon Go-ს პოპულარობა პიკში იყო, მოთამაშეები ვირტუალურ არსებებზე, Pikachu-სა და Snorlax-ზე სანადიროდ საჯარო სივრცეებშიც გადიოდნენ.

ზოგიერთმა მომხმარებელმა უსაფრთხოების ნორმები უგულებელყო, რამაც ავტოავარია, ყაჩაღობა, დაზიანება და სიკვდილიც კი გამოიწვია.

გასული წლის ივნისში Niantic-მა განაცხადა, რომ ოთხი პროექტის გაუქმებასა და სამუშაო ძალის დაახლოებით 8%-ით შემცირებას განიხილავდა.

ბოლო შემცირება მაისში გავრცელებულ ცნობებს მოჰყვა, რომ Pokemon Go-დან კომპანიის შემოსავალი შემცირდა.

«ჩვენ მესამე მხარის შეფასებებზე ჩვენი შემოსავლის შესახებ კომენტარს არ ვაკეთებთ, რადგან ისინი ხშირად არასწორია». — თქვა Niantic-ის წარმომადგენელმა.

«ჩვენი შემოსავალი გასულ წელთან შედარებით 2023 წელს გაიზარდა». — დასძინა სპიკერმა.

როგორც კერძო კომპანიას, Niantic-ს თავისი შემოსავლის ანგარიშების საჯაროდ გამოქვეყნება არ მოეთხოვება.

LinkedIn-მა პრობლემური ეკონომიკური კლიმატის ფონზე 716 სამუშაო ადგილი შეამცირა

თემის მიხედვით

LinkedIn-მა პრობლემური ეკონომიკური კლიმატის ფონზე 716 სამუშაო ადგილი შეამცირა

Yahoo თანამშრომლების 20%-ზე მეტს შეამცირებს

თემის მიხედვით

Yahoo თანამშრომლების 20%-ზე მეტს შეამცირებს