Mozilla-ს აღმასრულებელმა დირექტორმა, მიჩელ ბეიკერმა, Firefox-ის Google-დან Yahoo Search-ზე გადასვლას «წარუმატებელი» უწოდა. Firefox-მა ცვლილება 2014 წელს გააკეთა, რამაც ბევრ ექსპერტს წარუმატებლობის ეჭვი მაშინვე გაუჩინა.
Mozilla-ს აღმასრულებელმა დირექტორმა, მიჩელ ბეიკერმა, Firefox-ის Google-დან Yahoo Search-ზე გადასვლას «წარუმატებელი» უწოდა. Firefox-მა ცვლილება 2014 წელს გააკეთა, რამაც ბევრ ექსპერტს წარუმატებლობის ეჭვი მაშინვე გაუჩინა.
Bloomberg დეტალურად აღწერს, რატომ გადავიდა Mozilla Yahoo-ზე და რა შედეგი გამოიღო ამ ცვლილებამ. ბეიკერის თანახმად, Mozilla-მ ცვლილება 2014 წელს გააკეთა მას შემდეგ, რაც Yahoo-ს აღმასრულებელი დირექტორმა, მარისა მაიერმა პირობა დადო, რომ Firefox-ზე დიდ ფსონს გააკეთებდა.
თუმცა, ბეიკერი ამბობს, რომ თანამშრომლობა წარუმატებელი აღმოჩნდა და «ძიების გამოცდილება, რომელსაც Yahoo Firefox-ის მომხმარებლებს აწვდიდა, გაუარესდა».
ბეიკერმა განმარტა, რომ Yahoo დასთანხმდა, Mozilla-სთვის წელიწადში მინიმუმ 375 მილიონი აშშ დოლარი გადაეხადა, რაც იმ 276 მილიონ აშშ დოლარს აღემატებოდა, რომელიც Google-მა იმ დროს შესთავაზა.
Yahoo ასევე რეკლამების რაოდენობის და მომხმარებლის თვალთვალის შემცირებასაც დასთანხმდა. მაგრამ დროთა განმავლობაში Yahoo-მ პირობა დაარღვია და მეტი რეკლამის ჩვენება დაიწყო. Mozilla 2017 წელს Google-ს დაუბრუნდა და ხელშეკრულება მოგვიანებით, 2020 წელს განაახლა.
უფრო მეტიც, ბეიკერმა აღიარა, რომ მისი ხელფასი ნაწილობრივ Mozilla-ს წლიურ შემოსავალს უკავშირდება და მან 2020 წელს 2.5 მილიონი აშშ დოლარი გამოიმუშავა. ბეიკერმა არ გაამჟღავნა, რამდენს უხდის Google ამჟამად Mozilla-ს, თუმცა ბოლოდროინდელი ანგარიშების მიხედვით, თანხა 400-დან 450 მილიონ აშშ დოლარამდე მერყეობს.
ბეიკერმა ასევე თქვა, რომ Firefox-მა მომხმარებელთა დიდი ნაწილი იმ წლებში დაკარგა, როდესაც ბრაუზერში ნაგულისხმევი საძიებო სისტებმა Yahoo იყო. Firefox-ს ფუნქცია აქვს, რომლის საშუალებითაც მომხმარებლებს საძიებო სისტემების შეცვლა მარტივად შეუძლიათ, თუმცა ამან მომხარებლების რაოდენობის კლებას ხელი ვერ შეუშალა.
«ჩვენმა მომხმარებლებმა ნათლად აჩვენეს, რომ ეძებენ, სურთ და ელიან Google-ს». — თქვა ბეიკერმა.
ბეიკერმა გარკვეულწილად კონკურენციაზეც ისაუბრა და აღნიშნა, რომ Mozilla-ს მობილურის მომხმარებლები, Chrome-ისა და Safari-ის გამო, იშვიათად იყენებენ.
«აპლიკაციების მაღაზიაში აპლიკაციის ქონა საკმარისი არ არის გაჯეტში წინასწარ ჩატვირთულ აპლიკაციებთან კონკურენციის გასაწევად». — თქვა ბეიკერმა.
