ქართული სატელეკომუნიკაციო კომპანია, Magticom მომხმარებლებს შეახსენებს, რომ 1 მარტიდან, პერსონალურ მონაცემთა ახალი კანონის მიხედვით, სააბონენტო ხელშეკრულების პირობები იცვლება, მათ შორის, იცვლება პირდაპირი მარკეტინგის (სარეკლამო შეთავაზებების მიღება) წესები.
Magti მიუთითებს, რომ იცვლება მომსახურების ხელშეკრულებების პირობები და კონფიდენციალურობის პოლიტიკა, ხოლო მომხმარებელთან გაფორმებული ხელშეკრულების არსებითი პირობები (ტარიფები, მომსახურების მიწოდების/შეზღუდვის ვადები, შეწყვეტის პირობები და ა.შ.), უცვლელი რჩება.
კერძოდ, ახალი კანონის მიხედვით, მომხმარებლებს საშუალება ექნებათ, უარი თქვან სარეკლამო შეტყობინებებზე და შესაბამისად, ისინი მათ აღარ მიიღებენ.
რა ცვლილებებია სააბონენტო ხელშეკრულების პირობებში:
«თქვენ შეგიძლიათ აირჩიოთ, შეტყობინებების/შეთავაზებების მიღება მხოლოდ მაგთიკომისგან გსურთ თუ მაგთიკომისა და მისი პარტნიორი/კონტრაქტორი კომპანიებისაგან, ან საერთოდ უარი თქვათ მათ მიღებაზე. თუ თქვენ უარს იტყვით ან გამოიხმობთ თანხმობას, ჩვენ აღარ დავამუშავებთ თქვენს მონაცემებს პირდაპირი მარკეტინგის მიზნებისთვის და აღარ მიიღებთ შეტყობინებებს/შეთავაზებებს, მათ შორის, ჩვენი პროდუქტების შესახებ». — წერს მაგთიკომი.
პერსონალურ მონაცემთა კანონში ცვლილებები შეეხებათ «სილქნეტს» და სელფისაც».
