კრიპტოვალუტის ბირჟა Genesis-მა სასამართლოში გაკოტრების შესახებ განცხადება შეიტანა. კომპანია ახლახან აშშ-ის მარეგულირებელმა — ფასიანი ქაღალდებისა და ბირჟის კომისიამ (SEC) კრიპტოვალუტის უკანონო გაყიდვაში დაადანაშაულა.
კრიპტოვალუტის ბირჟა Genesis-მა სასამართლოში გაკოტრების შესახებ განცხადება შეიტანა. კომპანია ახლახან აშშ-ის მარეგულირებელმა — ფასიანი ქაღალდებისა და ბირჟის კომისიამ (SEC) კრიპტოვალუტის უკანონო გაყიდვაში დაადანაშაულა.
Genesis-ის გადახდისუუნარობა FTX-ის გაკოტრებასთან არის დაკავშირებული. ერთ-ერთმა ყველაზე დიდი კრიპტო ბირჟა 2022 წლის ნოემბერში ჩამოიშალა.
Genesis თავდაპირველად მხოლოდ Bitcoin-ის სავაჭრო პლატფორმა იყო, რომელიც მომხმარებლებს დიდი რაოდენობით კრიპტოვალუტით ვაჭრობის საშუალებას აძლევდა.
ამ თვის დასაწყისში კომპანიამ პერსონალის 30% — 145 თანამშრომელი გაათავისუფლა.
«ჩვენ ჩვენი კრედიტორების მრჩევლებთან დიალოგს მოუთმენლად ველით, რადგან ვცდილობთ, სწორი გზა ვიპოვოთ, რათა ჩვენი ღირებულება მაქსიმალურად გავზარდოთ და მომხმარებლებს ვაჭრობის საუკეთესო შესაძლებლობა მივცეთ». — თქვა Genesis-ის აღმასრულებელი დირექტორის მოვალეობის შემსრულებელმა, დერარ ისლიმმა.
Genesis-ის გაკოტრებაზე დიდი გავლენა სხვა კრიპტო ბირჟის, Three Arrows Capital-ის დაშლამ იქონია.
როგორც ცნობილია, Three Arrows Capital-ს Genesis-ისთან 1.2 მილიარდი აშშ დოლარის დავალიანება ჰქონდა გადასახდელი. თუმცა, მაისში კრიპტოვალუტების, Luna-სა და TerraUSD-ის კოლაფსის შემდეგ თავადაც დაზარალდა და გადახდა ვეღარ შეძლო.
Genesis-ის კრიზისი კრიპტო სექტორში დაწყებული გაკოტრებების ნაწილია, რომელსაც ანალიტიკოსები «კრიპტოზამთარს» უწოდებენ.
Genesis-ს კიდევ ერთ კრიპტოვალუტის ბირჟასთან, Gemini-სთან აქვს გახმაურებული დავა 900 მილიონი დოლარის აქტივების ბედის შესახებ. Gemini-ს ყოფილი ოლიმპიური ნიჩბოსნები, ტყუპები, კამერონ და ტაილერ ვინკლევოსები ფლობენ.
გასულ კვირას SEC-მა Genesis და Gemini ინვესტორებისთვის კრიპტო აქტივების უკანონო მიყიდვაში დაადანაშაულა. ტყუპებმა განაცხადეს, რომ ბრალდება აბსურდულია.
FTX-ის კოლაფსით გამოწვეული შედეგები კრიპტო ინდუსტრიის წარმომადგენლებზე ჯერ კიდევ მოქმედებს.
FTX-მა, რომელიც ერთი წლის წინ 32 მილიარდ დოლარად იყო შეფასებული, სასამართლოში გაკოტრების შესახებ განცხადება 11 ნოემბერს შიტანა.
კომპანიის ყოფილ აღმასრულებელ დირექტორთან, სემ ბაკმან-ფრიდთან ერთად, ბრალი FTX-ის თანადამფუძნებელს გარი ვანგსა და Alameda-ს ყოფილ ხელმძღვანელს, კეროლაინ ელისონს წაუყენეს, კომპანიის კოლაფსში შესაძლო სავარაუდო როლის გამო. გამოძიებასთან ორივე ბრალდებული თანამშრომლობს.
დეკემბრის ბოლოს ბენკმენ-ფრიდი პატიმრობიდან 250 მილიონი დოლარის გირაოს სანაცვლოდ გაათავისუფლეს, იმ პირობით, რომ იგი შინაპატიმრობას კალიფორნიაში, მშობლების სახლში გაატარებს.
FTX-ის ახალ აღმასრულებელ დირექტორს, ჯონ რეის კი პლატფორმის აღორძინება და მისი ბაზარზე დაბრუნება სურს.
