კრიპტო ბირჟის, Bitzlato-ს თანადამფუძნებელი აშშ-ში ფინანსური დანაშაულის ბრალდებით დააკავეს

აშშ-ს იუსტიციის დეპარტამენტმა რუსეთის ჩინეთში მცხოვრებ მოქალაქეს, ანატოლი ლეგკოდიმოვს ბრალი ბიზნესის თაღლითურად წარმართვისთვის წარუდგინა. 

ბრალდების მხარის განცხადებით, Bitzlato-მ 700 მილიონ აშშ დოლარზე მეტი უკანონო თანხებით დაამუშავა და დაარღვია წესები, რომლებიც ფულის გათეთრების თავიდან ასაცილებლადაა შექმნილი.

«ინსტიტუციები, რომლებიც კრიპტოვალუტით ვაჭრობენ, კანონზე მაღლა არ დგანან და მათი მფლობელები ჩვენთვის სრულიად ხელმისაწვდომები არიან. სავარაუდოდ, Bitzlato-მ საქმე კრიმინალებთან დაიჭირა და შედეგად ასობით მილიონი დოლარის სარგებელს ნახეს. ბრალდებული ახლა საფასურს იმ როლისთვის იხდის, რომელიც მისმა კომპანიამ კრიპტოვალუტის ეკოსისტემაში ითამაშა». — განაცხადა პროკურორმა ბრეონ პისმა.

საჩივრის მიხედვით, 2018 წლიდან, ჰონგ კონგში რეგისტრირებულმა კომპანიამ დაახლოებით 4.5 მილიარდი აშშ დოლარის ღირებულების ტრანზაქციები დაამუშავა.

პროკურორები აცხადებენ, რომ კრიპტო ბირჟამ მომხმარებლებისგან მინიმალური იდენტიფიკაცია მოითხოვა, რამაც მათი დანაშაულებრივი საქმიანობა, ცალსახად, გაამარტივა.

მათი თქმით, კომპანიამ «ბინძური ფულის» შესახებ ყველაფერი იცოდა და ამის დასამტკიცებლად Bitzlato-ს შიდა დოკუმენტიც საკმარისია, რომელშიც კლიენტების შემოწმების სტანდარტული პორცედურების გარეშე, ფულის გათეთრების სქემაა აღწერილი.

აშშ-მ ასევე განაცხადა, რომ კომპანიას მჭიდრო კავშირი ჰქონდა შავ ბაზართან — Hydra Market-თან, რომელიც გასულ წელს დახურეს. 

Bitzlato ამტკიცებდა, რომ ამერიკელ მომხმარებლებს არ ემსახურებოდა, თუმცა პროკურორებმა თქვეს, რომ კომპანიას ამერიკელებთან «არსებითი» ბიზნესი ჰქონდა.

აშშ-ის მარეგულირებლები ბანკებს კრიპტოვალუტის რისკების შესახებ აფრთხილებენ

თემის მიხედვით

აშშ-ის მარეგულირებლები ბანკებს კრიპტოვალუტის რისკების შესახებ აფრთხილებენ

FTX-ის დამფუძნებელი დააკავეს

თემის მიხედვით

FTX-ის დამფუძნებელი დააკავეს