«კრიპტო ბაზარი» არგენტინის ბაზარზე შევლას გეგმავს. როგორც კომპანიის თანადამფუძნებელმა, ავთანდილ კუჭავამ dev.ge-ს უთხრა, მათთვის საინტერესოა ქვეყანა, სადაც კრიპტო ინდუსტრია, ჯერჯერობით, არ რეგულირდება.
«კრიპტო ბაზარი» არგენტინის ბაზარზე შევლას გეგმავს. როგორც კომპანიის თანადამფუძნებელმა, ავთანდილ კუჭავამ dev.ge-ს უთხრა, მათთვის საინტერესოა ქვეყანა, სადაც კრიპტო ინდუსტრია, ჯერჯერობით, არ რეგულირდება.
ავთანდილ კუჭავა გვეუბნება, რომ «კრიპტო ბაზარმა» «საქართველოში რამდენიმე პროდუქტის დანერგვა სცადა, მათ შორის, კრიპტო სესხის. თუმცა, ეროვნული ბანკის რეგულაციების გამო ეს ვერ შეძლო.
არ გვინდა დროის დაკარგვა ეროვნულ ბანკთან, ბანკებთან, მთავრობასთან, პარლამენტთან ჭიდაობაში.
არგენტინაში ეროვნული ბანკი გაუქმებულია. მთავარი მიზეზი ეს არის — მიუხედავად იმისა, რომ სხვა კრიპტო მეგობრული ქვეყნებიც არის, მაინც არის რეგულაციები, გადასახადები და ბიუროკრატია, არგენტინისგან განსხვავებით. ამასთან, რეპუტაციულადაც უკეთესი ქვეყანაა — მაგალითად, ელ სალვადორისგან განხორციელებულ გადარიცხვებს მეტი პრობლემა აქვს».
არგენტინის ბაზრის არჩევის ერთ-ერთი მიზეზი «კრიპტო ბაზრისთვის» ქვეყნის ახლადარჩეული ლიბერტარიანელი პრეზიდენტია.
«საქართველოში ჯერაც გვჭირდება, ხალხს იმაზე ველაპარაკოთ, რომ სოციალიზმი ცუდია. ამაზე ბავშვობიდან ვკამათობ და უკვე ძალიან დავიღალე. არგენტინაში ასე არაა.
ვნახე ადამიანი, რომელიც ამბობს იმას, რასაც მე და ქვეყნის პრეზიდენტი გახდა. ეს იყო სიგნალი, რომ ჩვენც წავსულიყავით».
ავთანდილი ამბობს, რომ «კრიპტო ბაზარი» არგენტინაში კრიპტოსთან დაკავშირებულ 7 პროდუქტს შეიტანს — როგორც კრიპტო განათლებას და მედიას, ისე ფინტექ პროდუქტებს, რომელთა შესახებაც ჯერჯერობით ხმამაღლა ვერ ლაპარაკობს.
მისივე თქმით, «კრიპტო ბაზარი» არგენტინის ბაზარზე დამკვიდრების პარალელურად საქართველოს ბაზრიდან სრულად გავა.
რა არის «კრიპტობაზარი» — წაიკითხეთ dev.ge-ის ინტერვიუში ავთანდილ კუჭავასთან 👇
