23-24 მაისს თბილისის სახელმწიფო უნივერსიტეტში ჩატარდება კონფერენცია «კიბერუსაფრთხოების გენდერული განზომილება». ორგანიზატორი თსუ-ის ზუსტ და საბუნებისმეტყველო მეცნიერებათა ფაკულტეტია, მხარდამჭერი — გაეროს ქალთა ორგანიზაცია.
23-24 მაისს თბილისის სახელმწიფო უნივერსიტეტში ჩატარდება კონფერენცია «კიბერუსაფრთხოების გენდერული განზომილება». ორგანიზატორი თსუ-ის ზუსტ და საბუნებისმეტყველო მეცნიერებათა ფაკულტეტია, მხარდამჭერი — გაეროს ქალთა ორგანიზაცია.
კონფერენციის მიზანია, ხელი შეუწყოს ცოდნისა და გამოცდილების გაზიარებას კიბერუსაფრთხოების გენდერული ასპექტების შესახებ: როგორია გენდერული უთანასწორობა კიბერუსაფრთხოების სფეროში, რა ტიპის კიბერსაფრთხეები არსებობს გენდერულ ჭრილში და რა სპეციფიური საჭიროებებია კიბერდანაშაულის შემთხვევაში, როგორია გენდერულად სენსიტიური კიბერუსაფრთხოების პოლიტიკა, რა არის კიბერუსაფრთხოება და ინტერსექციურობა, რა ბარიერები აქვთ ქალებს ციფრულ რესურსებზე წვდომისას და ა.შ.
კონფერენციის კვლევის თემები შეიძლება მოიცავდეს მოცემულ და სხვა დაკავშირებულ საკითხებს:
გენდერული უთანასწორობა კიბერუსაფრთხოებაში - კიბერუსაფრთხოების სფეროში არსებული გენდერული უთანასწორობის შესწავლა, მათ შორის დასაქმების შესაძლებლობები, კარიერული წინსვლა და ქალები გადაწყვეტილებების მიმღებ პოზიციებზე.
კიბერსაფრთხეებისა და შევიწროების გენდერული ასპექტები: კიბერსაფრთხეების შესწავლა სქესის მიხედვით, ონლაინ შევიწროების და კიბერდანაშაულების, მათ შორის კიბერბულინგის, შანტაჟის, ადევნებისა და სხვა დანაშაულებათ აგამოძიების კუთხით საქართველოში არსებული სიტუაცია.
ინტერსექციურობა და კიბერუსაფრთხოება: სქესის ინტერსექციურობა სხვა სოციალურ იდენტობებთან, როგორიცაა რასა, ეთნიკური/ეროვნული კუთვნილება, რელიგიური მრწამსი, შშმპ სტატუსი და ა.შ., და მისი გავლენა კიბერუსაფრთხოების რისკებსა და შესაბამის რეაგირებაზე.
გენდერულად სენსიტიური კიბერუსაფრთხოების პოლიტიკა და პრაქტიკა: გენდერული საკითხების ინტეგრირება კიბერუსაფრთხოების პოლიტიკაში, პრაქტიკასა და ორგანიზაციულ კულტურაში.
ინფორმაციასა და ციფრულ რესურსებზე ხელმისაწვდომობის გენდერული ასპექტები: ინფორმაციასა და ციფრულრესურსებზე ხელმისაწვდომობის ბარიერების შესწავლა გენდერულ ჭრილში, მათ შორის ინტერნეტზე წვდომის, ციფრული წიგნიერების და ტექნოლოგიების ათვისების კუთხით არსებული უთანასწორობა.
კიბერდანაშაულისა და კიბერუსაფრთხოების ინციდენტების ზეგავლენა გენდერულ ჭრილში: კიბერდანაშაულისა და კიბერუსაფრთხოების ინციდენტების დიფერენცირებული ზეგავლენის, მათ შორის ფსიქოლოგიური, სოციალური და ეკონომიკური შედეგების ანალიზი ინდივიდებზე მათი სქესიდან გამომდინარე.
სხვა თემები.
სამუშაო/საკომუნიკაციო ენა: ქართული და ინგლისური
კონფერენციაზე მეტი ინფორმაციის მისაღებად გადადით ბმულზე 👈
რა არის პროდუქტის კიბერუსაფრთხოება და როგორ შევქმნათ ის
კიბერუსაფრთხოების მნიშვნელობის ახსნა მარტივია «კიევსტარზე» კიბერთავდასხმის მაგალითზე, რომლის ზარალმაც თითქმის 3,6 მილიარდი უკრაინული გრივნა შეადგინა. «კიევსტარის» გენერალურმა დირექტორმა, ალექსანდრ კომაროვმა თქვა, რომ ტელეკომის ინფრასტრუქტურაზე ეს მსოფლიოში ყველაზე დიდი ჰაკერული თავდასხმაა. ამან კომპანიის ІТ-სისტემის ნაწილობრივი ჩამოშლა გამოიწვია და 24 მილიონ მომხმარებელს რამდენიმე დღით მობილურ კავშირზე წვდომა შეეზღუდა.
თიბისის კიბერუსაფრთხოების გუნდის გამოცდილება საერთაშორისო ტურნირზე
SANS CEE კიბერუსაფრთხოების შესახებ ტურნირზე, რომელშიც აღმოსავლეთ ევროპის 23 ქვეყნის გუნდები მონაწილეობენ, საქართველოს სახელით თიბისის კიბერუსაფრთხოების ტექ გუნდი გამოვიდა.
2-ეტაპიანი ტურნირის პირველ ეტაპზე დაახლოებით 800 ადამიანი მონაწილეობდა, მეორე, ფინალურ ეტაპზე მათგან 250 გადავიდა. თიბისის გუნდმა საქართველოდან მონაწილე გუნდებს შორის პირველი ადგილი დაიკავა, უშუალოდ შეჯიბრზე კი — მე-15.
