ქართული სტარტაპი Artisio „სტარტაპების მსოფლიო თასის” ფინალში გავიდა

«სტარტაპების მსოფლიო თასი» სან ფრანცისკოში იმართება. მასში სხვადასხვა ქვეყანაში ჩატარებული ეროვნული კონკურსის გამარჯვებულები მონაწილეობენ.

«სტარტაპების მსოფლიო თასის» საპრიზო ფონდი $1 მილიონია. 

Artisio აუქციონების მართვის SaaS სისტემაა, რომელიც  აუქციონების ბიზნესის სამართავად საჭირო ყველა მიმართულებას ერთი ინტეგრირებული სოფტის ქვეშ აქცევს.

ეს მიმართულებებია: 

• აუქციონის მენეჯმენტის ბექ-ოფისის სისტემა (auction management back-office software);
• ონლაინ აუქციონების პლატფორმა (online bidding solution);
• ლაივ აუქციონების სისტემა (online bidding solution with video streaming);
• კოლექციის მართვის სისტემა დილერებისა და კოლექციონერებისთვის (web application for buyers & vendors).

Artisio-მ 2023 წლის მაისში Startup Connect-ის ორგანიზებით, ბათუმში ჩატარებულ «საქართველოს სტარტაპ სამიტზე» გაიმარჯვა. 

ასევე, გახდა თიბისის ბიზნესდაჯილდოების გამარჯვებული 2022 წელს.