ჩვენ ვაკანსიების სერვისი გავუშვით: გამოაქვეყნეთ ვაკანსიები და მიიღეთ უკუკავშირი!

Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა

Impact Hub Tbilisi-ის ინიციატივითა და ორგანიზებით სტარტაპ პრე-აქსელერატორის დემო დღე გაიმართა, სადაც მონაწილე სტარტაპებმა 12 კვირიანი ინტენსიური მუშაობის შედეგები ინვესტორებისა და სტუმრების წინაშე წარადგინეს.

კომენტარის დატოვება
Impact Hub Tbilisi-ის ინიციატივით სტარტაპ პრე-აქსელერატორის დემო დღე გაიმართა
Impact Hub Tbilisi-ის ინიციატივითა და ორგანიზებით სტარტაპ პრე-აქსელერატორის დემო დღე გაიმართა, სადაც მონაწილე სტარტაპებმა 12 კვირიანი ინტენსიური მუშაობის შედეგები ინვესტორებისა და სტუმრების წინაშე წარადგინეს.

სტარტაპ პრე-აქსელერატორი, ერთი მხრივ, ადგილობრივი ტექნოლოგიური სტარტაპების განვითარებას და მათთვის ინვესტიციის მოზიდვის შესაძლებლობის გაზრდას ისახავს მიზნად, ხოლო მეორე მხრივ, ინვესტორებისთვის შესაძლებლობის მიცემას, რომ ადრეულ ეტაპზევე ინვესტიცია მათთვის სასურველ ინდუსტრიაში განახორციელონ.

პრე-აქსელერატორში მონაწილეობა 21-მა გუნდმა მიიღო, რომლებმაც 12 კვირის განმავლობაში თავიანთი სტარტაპის განვითარებაზე აქტიურად იმუშავეს. გუნდებმა ფასეული შეთავაზებები (value proposition), ბიზნესმოდელი, ფინანსური გეგმა, საკომუნიკაციო და ბაზარზე შესვლის სტრატეგიები, ფიჩდექი და საინვესტიციო წინადადება ჩამოაყალიბეს.

აქსელერაციის დასკვნით ეტაპზე 9 სტარტაპი შეირჩა, რომლებიც ტალინში გაემგზავრნენ, სადაც ერთ-ერთი ყველაზე წარმატებული აქსელერატორის, Startup Wise Guys-ის ინტენსიური ტრენინგები გაიარეს. გუნდებმა საერთაშორისო გამოცდილება გაიზიარეს და ესტონეთის ძალიან წარმატებულ და ინოვაციურ სტარტაპ ეკოსისტემას გაეცნენ.

დემო დღეზე დამატებითი დაფინანსების მოპოვებისა და სტარტაპის განვითარება/გაფართოების მიზნით ინვესტორებისა და მოწვეული სტუმრების წინაშე 9 სტარტაპი წარსდგა.

დემო დღის მონაწილე სტარტაპები:

  • Helio.AI — რეკრუტინგის ჭკვიანი სისტემა, რომელიც კომპანიებს საუკეთესო კანდიდატების სწრაფად შერჩევაში, გემიფიკაციით ეხმარება.
  • KidNest — საგანმანათლებლო დაწესებულებებისა და მშობლების დამაკავშირებელი აპლიკაცია.
  • Gakvetilo.ge — არაფორმალური განათლების პლატფორმა 11-17 წლის მოზარდებისთვის.
  • Bitpulse — კრიპტოვალუტების კურსის ცვლილებების წინასწარი იდენტიფიცირების პლატფორმა.
  • TourTour — სამოგზაურო ტურების დაგეგმვის ციფრული პლატფორმა.
  • Wenroll — მასტერკლასების ინტერაქციული მობილური აპლიკაცია.
  • Connect. — მარკეტფლეისი, რომელიც ამარტივებს სამედიცინო ტურიზმისა და მასთან დაკავშირებული სხვა სერვისების მიღებასა და ანგარიშსწორებას.
  • Wisp — წერა-კითხვისა და ჟესტური ენების შემსწავლელი აპლიკაცია ყრუ ადამიანებისთვის.
  • Roommate Georgia — ხელმისაწვდომი ბინები სტუდენტებისთვის, უზრუნველი გაქირავება ბინის მეპატრონეებისთვის.

სტარტაპ პრე-აქსლერატორი 2021 წელს, Impact Hub Tbilisi-ის საინიციატივო გუნდის მიერ დაარსდა, რომელმაც სპეციალური გადამზადების კურსი გაიარა წამყვან საერთაშორისო აქსელერაციის პროგრამაში და მიღებულ გამოცდილებაზე დაყრდნობით ჩამოაყალიბა ლოკალური პრე-აქსელერაციის პროგრამა, რომელიც ადგილობრივი სტარტაპ ეკოსისტემის გამოწვევებს პასუხობს.

ამ ხნის განმავლობაში, პროგრამაში ოთხი ნაკადი, ჯამში 81 სტარტაპი ჩაერთო. მონაწილე გუნდებმა, მთლიანობაში 1.5 მილიონ ევროზე მეტი ინვესტიცია/გრანტი მოიპოვეს. პროგრამის პორტფოლიოშია ისეთი წარმატებული სტარტაპები როგორიცაა: Stori, Wempler, Lawformer, Upway, SOS Auto, Tasteit, Wowchy, Neuropilot.

«ჩვენ ყოველწლიურად ვცდილობთ პრე-აქსელერაციის პროგრამა სხვადასხვა შესაძლებლობით გავამდიდროთ, ამ მხრივ ეს წელი განსაკუთრებული იყო, რადგან დავიწყეთ თანამშრომლობა Startup Wise Guys-თან, ევროპის ერთ-ერთ ყველაზე მსხვილ და წარმატებულ აქსელერატორთან. ეს პარტნიორობა მნიშვნელოვანი ეტაპია ორივე ორგანიზაციისთვის და ძალიან საინტერესო შესაძლებლობა ქართული სტარტაპ ეკოსისტემისთვის. წლევანდელმა მონაწილე სტარტაპებმა ძალიან კარგად გამოიყენეს ტალინში მიღებული გამოცდილება და დემო დღეზე კიდევ უფრო მომზადებულები წასდგნენ სტურების წინაშე» — აღნიშნა იმფაქთ ჰაბ თბილისის თანადამფუძნებელმა, ქეთი ებანოიძემ.

«თიბისის პროგრამა სტარტაპერი დაწყების დღიდანვე მხარს უჭერს სტარტაპ პრე-აქსელერატორს.  ჩვენ მიგვაჩნია, რომ ეს არის შესანიშნავი პროექტი, რომელიც ტექნოლოგიურ სტარტაპებს განვითარებისა და ინვესტიციის მოზიდვის შესაძლებლობას აძლევს. წლევანდელი პრე-აქსელერატორი კიდევ უფრო საინტერესო აღმოჩნდა, რადგან მონაწილეები იმყოფებოდნენ ესტონეთში, სადაც ერთ-ერთი ყველაზე წარმატებული აქსელერატორის ტრენინგები გაიარეს, რაც დარწმუნებული ვარ კიდევ უფრო გააძლიერებს მათ და გაზრდის ინვესტიციების მოზიდვის შანსებს», — განაცხადა თიბისი ბიზნესის მხარდაჭერის სერვის ექსპერტმა, ანკა თოთიბაძემ

სტარტაპ პრე-აქსელერატორის მხარდამჭერები EFSE Entreprenership Academy, სტარტაპერი და Startup Wise Guys არიან.

Impact Hub Tbilisi-ის სტარტაპ პრე-აქსელერატორი იწყება
Impact Hub Tbilisi-ის სტარტაპ პრე-აქსელერატორი იწყება
თემის მიხედვით
Impact Hub Tbilisi-ის სტარტაპ პრე-აქსელერატორი იწყება


ასევე წაიკითხეთ
2024 წელს ქართული სტარტაპი Phubber ყაზახეთსა და უზბეკეთში შედის
2024 წელს ქართული სტარტაპი Phubber ყაზახეთსა და უზბეკეთში შედის
2024 წელს ქართული სტარტაპი Phubber ყაზახეთსა და უზბეკეთში შედის
როგორ შევავსოთ 500 Global-ის განაცხადი? — გაიგებთ 8 თებერვლის ვირტუალურ ღონისძიებაზე
როგორ შევავსოთ 500 Global-ის განაცხადი? — გაიგებთ 8 თებერვლის ვირტუალურ ღონისძიებაზე
როგორ შევავსოთ 500 Global-ის განაცხადი? — გაიგებთ 8 თებერვლის ვირტუალურ ღონისძიებაზე
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
სტარტაპების მართვა და მენტალური ჯანმრთელობა — დამფუძნებლები გამოცდილებას გვიზიარებენ
ანა აბაშიძემ თავისი დაფუძნებული სტარტაპი — მანქანების ყიდვა-გაყიდვის პლატფორმა, Carusell შეაჩერა. ერთ-ერთი მიზეზი მენტალური ჯანმრთელობის პრობლემები და გადაღლაა — სტარტაპის შექმნა და მართვა ფსიქოლოგიური ომია, რომელთან გამკლავებაც არც ისე მარტივია. ანა ამბობს, რომ არც არის აუცილებელი, ადამიანმა ამ სტრესს ყველაფრის ფასად გაუძლოს — გაჩერება და დამსახურებული პაუზის აღება ნებისმიერ დროს არის შესაძლებელი.
როგორ უნდა მიიღოთ სტარტაპის დაფინანსება Axel-ში? 
როგორ უნდა მიიღოთ სტარტაპის დაფინანსება Axel-ში? 
როგორ უნდა მიიღოთ სტარტაპის დაფინანსება Axel-ში? 
Axel ანგელოზ ინვესტორთა ქსელია — ის აერთიანებს ადამიანებს, რომლებსაც სურთ, დამწყებ სტარტაპერებს წინსვლაში დაეხმარონ.  თუმცა, ინვესტორების მოხიბვლა ადვილი არ არის.  ნახეთ, როგორია პირველი ნაბიჯები, რომელიც თქვენი სტარტაპისთვის დაფინანსების მოსაპოვებლად უნდა გადადგათ. 
განხილვა
კომენტარები ჯერ არაა.