ჰაკერების შემოსავალი იკლებს, რადგან დაზარალებულები გამოსასყიდის გადახდაზე უარს ამბობენ

მკვლევრების თქმით, კიბერდანაშაულის ბანდების შემოსავალი 40%-ით შემცირდა, რადგან დაზარალებულები გამოსასყიდის გადახდაზე უარს ამბობენ.

კომენტარის დატოვება
ჰაკერების შემოსავალი იკლებს, რადგან დაზარალებულები გამოსასყიდის გადახდაზე უარს ამბობენ

მკვლევრების თქმით, კიბერდანაშაულის ბანდების შემოსავალი 40%-ით შემცირდა, რადგან დაზარალებულები გამოსასყიდის გადახდაზე უარს ამბობენ.

კრიპტოვალუტის ექსპერტები ამბობენ, რომ 2022 წელს ბანდებმა მსხვერპლებს დაახლოებით 457 მილიონი აშშ დოლარი გამოსძალეს, რაც 2021 წლის მაჩვენებელთან შედარებით, 311 მილიონი აშშ დოლარით ნაკლებია.

რეალური მაჩვენებელი, რა თქმა უნდა, უფრო მაღალი იქნება, თუმცა ექსპერტები თანხმდებიან, რომ ბანდების შემოსავლები, ცასლახად, შემცირებულია.

კრიმინალური შემოსავლის შემცირების პარალელურად, რაც არ უნდა გასაკვირი იყოს, თავდასხმების რიცხვი გაიზარადა.

კომპანიები, მთავრობები, სკოლები და საავადმყოფოებიც კი ჰაკერების მსხვეპლნი რეგულარულად არიან. ბანდები პერსონალს, გამოსასყიდის გადახმამდე, IT სისტემებიდან ბლოკავენ ან მოპარული მონაცემების გამოქვეყნებით ემუქრებიან.

ბოლო პერიოდში, გახმაურებულ მსხვერპლთა შორის გაზეთი The Guardian, მიწოდების კომპანია Royal Mail და კანადის ბავშვთა საავადმყოფო Sick Kids არიან.

ბანდების უმრავლესობა რუსეთშია დაფუძნებული, თუმცა ქვეყნის ოფიციალური პირები ფაქტს, რომ რუსეთი ჰაკერების თავშესაფარია, უარყოფენ.

ანალიტიკოსები თვალყურს ადევნებენ იმ ფულს, რომელიც Bitcoin-ის საფულეებში ტრიალებს. მათი დიდი ნაწილი სწორედ ჰაკერებს ეკუთვნით. 

მკვლევრები ამბობენ, რომ კრიმინალური შემოსავალი გაცილებით მეტი იქნება, რადგან ჰაკერები, უდიდესი ალბათობით, სხვა საფულეებსაც იყენებენ.

ბილ სიგელი, რომელიც კრიმინალურ ბანდებთან მოლაპარაკებაშია სპეციალიზირებული, ამბობს, რომ მისი კლიენტები, წინა წლებთან შედარებით, ჰაკერებთან აღარ თანამშრომლობენ და დიდი თანხების გადახდაზეც უარს ამბობენ.

მისი თქმით, გამოსასყიდი 2022 წელს კლიენტების 41%-მა გადაიხადა, ხოლო, მაგალითად, 2020 წელს — 70%-მა.

კიბერუსაფრთხოების კომპანიის, Emsisoft-ის საფრთხეების მკვლევარმა, ბრეტ კალოუმ, ტენდენცია ორგანიზაციებში ცნობიერების ამაღლებასა და კიბერუსაფრთხოების გაუმჯობესებას დაუკავშირა.

«ჰაკერებს თავდასხმებით ფულის მიღება ნამდვილად უჭირთ. თითქმის ყველა წარმატებულ ორგანიზაციაში კიბერუსაფრთხოება მაღალ დონეზეა განვითარებული. ამასთან ერთად, თავდასხმები იმდენად ჩვეულებრივი ამბავი გახდა, რომ ისინი კომპანიებისთვის პიარ კატასტროფა უკვე ნაკლებადაა» — განაცხადა კალოუმ.

როგორც ჩანს, ჰაკერებმა ტაქტიკა შეცვალეს და უფრო მეტ მცირე თავდასხმას ანხორციელებენ, ნაცვლად იმისა, რომ დიდ კომპანიებზე ინადირონ. 

«მიუხედავად იმისა, რომ დიდ კომპანიებზე ნადირობა გაცილებით რთულია, ის მაინც ყველაზე მომგებიანია» — თქვა კიბერ საფრთხის დაზვერვის ხელმძღვანელმა, ჯეკი ბერნს კოვენმა.

მისი თქმით, გამოსასყიდი პროგრამა ჰაკერებისთვის ჯერ კიდევ მომგებიანია, ამიტომ, ყველა, განსაკუთრებით მცირე ორგანიზაციები, ფრთხილად უნდა იყვნენ, რადგან ბანდები საკუთარ ქსელს უფრო ფართოდ ავრცელებენ.

8 კურსი კიბერუსაფრთხოებაზე Coursera-სგან
8 კურსი კიბერუსაფრთხოებაზე Coursera-სგან
თემის მიხედვით
8 კურსი კიბერუსაფრთხოებაზე Coursera-სგან
2022 წლის ყველაზე მსხვილი კიბერდანაშაულები
2022 წლის ყველაზე მსხვილი კიბერდანაშაულები
თემის მიხედვით
2022 წლის ყველაზე მსხვილი კიბერდანაშაულები


ასევე წაიკითხეთ
კიბერუსაფრთხოების 7 წესი, რომლებსაც 2023 წელს ყურადღება უნდა მივაქციოთ
კიბერუსაფრთხოების 7 წესი, რომლებსაც 2023 წელს ყურადღება უნდა მივაქციოთ
კიბერუსაფრთხოების 7 წესი, რომლებსაც 2023 წელს ყურადღება უნდა მივაქციოთ
dev media-ს პროექტმა bubble შეაგროვა კიბერუსაფრთხოების 7 მარტივი ჩვევა, რომელთა გამომუშავებაც 2023 წელს უნდა დავიწყოთ. 
ვინ არიან სინამდვილეში ჰაკერები?
ვინ არიან სინამდვილეში ჰაკერები?
ვინ არიან სინამდვილეში ჰაკერები?
დიდი ბრიტანეთის საინჟინრო კომპანია Vesuvius კიბერ შეტევის მსხვერპლია
დიდი ბრიტანეთის საინჟინრო კომპანია Vesuvius კიბერ შეტევის მსხვერპლია
დიდი ბრიტანეთის საინჟინრო კომპანია Vesuvius კიბერ შეტევის მსხვერპლია
შსს რუსულ და ბელარუსულ პროგრამებს და საექსპერტო ტექნოლოგიას იყენებს
შსს რუსულ და ბელარუსულ პროგრამებს და საექსპერტო ტექნოლოგიას იყენებს
შსს რუსულ და ბელარუსულ პროგრამებს და საექსპერტო ტექნოლოგიას იყენებს
განხილვა
კომენტარები ჯერ არაა.