თიბისის ტექ გუნდიდან ერთ-ერთი, ვინც 9-10 სექტემბერს, ტესტერთა დღის ღონისძიებაზე სიტყვით გამოვა, თათია სებისკვერაძეა — ტესტირების ავტომატიზაციის ინჟინერი. მისი საქმიანობა მობილური აპლიკაციის ხარისხის ავტომატური ტესტირებით უზრუნველყოფაა. თავისი საქმიანობა თათიას ძალიან მოსწონს და ტესტერთა დღეზე შეკრებილ აუდიტორიასაც მის ნიუანსებს გაუზიარებს.
თიბისის ტექ გუნდიდან ერთ-ერთი, ვინც 9-10 სექტემბერს, ტესტერთა დღის ღონისძიებაზე სიტყვით გამოვა, თათია სებისკვერაძეა — ტესტირების ავტომატიზაციის ინჟინერი. მისი საქმიანობა მობილური აპლიკაციის ხარისხის ავტომატური ტესტირებით უზრუნველყოფაა. თავისი საქმიანობა თათიას ძალიან მოსწონს და ტესტერთა დღეზე შეკრებილ აუდიტორიასაც მის ნიუანსებს გაუზიარებს.
თიბისის მხარდაჭერით GeoSTQB ტესტერთა დღესთან დაკავშირებით 2-დღიან ღონისძიებას ატარებს — იქნება პანელური დისკუსიები, ვორქშოფები, აუდიტორიის წინაშე წარდგებიან სპიკერები როგორც საქართველოდან, ისე მსოფლიოს არაერთი ქვეყნიდან.
ტესტერთა დღეზე თიბისის სახელით გამოსვლა თათიასთვის დიდი პასუხისმგებლობაა. ამასთან, როგორც გვეუბნება, ასეთი მასშტაბის აუდიტორიის წინაშე სპიკერი არასდროს ყოფილა. თუმცა, დარწმუნებულია რომ კომპანიის საქმიანობასა და მიზნებს ყველასთვის გასაგებად ახსნის.
«ვფიქრობ, ძალიან საინტერესო და მნიშვნელოვანი გამოცდილება იქნება. მსურს, რომ ყველას ნათლად დავანახო, რას ვაკეთებთ კომპანიაში და რამდენად არის განვითარებული ტექნოლოგიები».
თათიას სჯერა, რომ დამსწრე საზოგადოებასა და დაინტერესებულ.პროფესიონალს მის მიერ თიბისის გამოცდილების შესახებ გაზიარებული ინფორმაციის გამოყენება შეეძლება.
«ვეცდები, რომ აუდიტორიას საკუთარი და კომპანიის გამოცდილება წარმატებით გავუზიარო — ის, რაზეც ვისაუბრებ, შეუძლიათ, საკუთარი აპლიკაციების დასატესტად გამოიყენონ».
თათია თიბისიში თიბისის აკადემიიდან მოვიდა, აკადემიაში კი — კომპიუტერული მეცნიერებების ფაკულტეტიდან. ტესტირების ავტომატიზაციის ინჟინრის პოზიცია აკადემიის დასრულების შემდეგ დაიკავა.
«თიბისის აკადემიაში 3 თვე ვისწავლე. კურსის დასრულების შემდეგ სხვადასხვა გუნდებში გადაგვანაწილეს. თავდაპირველად, დესკტოპ აპლიკაციას ვტესტავდი, 2 წლის შემდეგ გუნდი შევიცვალე და მობაილ აპლიკაციის ტესტირებაზე გადავედი».
ტესტირების ავტომატიზაციის ინჟინრის საქმიანობას, ცხადია, სირთულეებიც ახლავს. თათია გვეუბნება, რომ მათი გადალახვის საუკეთესო გზა დამატებითი ინფორმაციის მოძიებაა.
«როდესაც მუდმივად განახლებად სფეროში მუშაობ, დამატებითი ინფორმაციის მოძიება სასიცოცხლოდ მნიშვნელოვანია. ყველაზე დიდი სირთულე, ალბათ, სიახლეებთან დაწევაა».
9 სექტემბერი ტესტერთა საერთაშორისო დღეა. GeoSTQB, თიბისის მხარდაჭერით, ამასთან დაკავშირებით მასშტაბურ, 2-დღიან ღონისძიებას ატარებს. ღონისძიება 9-10 სექტემბერს შერატონ მეტეხი პალასში გაიმართება. იქნება პანელური დისკუსიები, ვორქშოფები, აუდიტორიის წინაშე წარდგებიან სპიკერები როგორც საქართველოდან, ისე მსოფლიოს არაერთი ქვეყნიდან. განიხილება მრავალი საინტერესო საკითხი.
