კრიპტოვალუტის ბირჟის, FTX-ის ყოფილი უფროსი, სემ ბანკმენ-ფრიდი ბაჰამის კუნძულებიდან ნიუ-იორკში ჩაიყვანეს, რათა ბრალი წაუყენონ. 30 წლის კაცი ამერიკის ისტორიაში ერთ-ერთი უდიდესი ფინანსური თაღლითობის ჩადენაშია ბრალდებული.
კრიპტოვალუტის ბირჟის, FTX-ის ყოფილი უფროსი, სემ ბანკმენ-ფრიდი ბაჰამის კუნძულებიდან ნიუ-იორკში ჩაიყვანეს, რათა ბრალი წაუყენონ. 30 წლის კაცი ამერიკის ისტორიაში ერთ-ერთი უდიდესი ფინანსური თაღლითობის ჩადენაშია ბრალდებული.
კრიპტოვალუტის ჩამოშლილი ბირჟის, FTX-ის დამფუძნებელი, სემ ბანკმენ-ფრაიდი ბაჰამის კუნძულებზე დააკავეს. მას ბრალად ფინანსური დანაშაულები ედება. სასამართლოს თანახმად, FTX-ის ფინანსური ვალდებულება 50 უმსხვილესი კრედიტორის თითქმის $3.1 მილიარდს შეადგენს, რომლის გადახდასაც ვერ ახერხებენ.
ბენკმენ-ფრიდის წინააღმდეგ ყველაზე სერიოზულ ბრალდებებს შორის არის ის, რომ მან კრიპტოვალუტის სავაჭრო ფირმის, Alameda-ის გასაძლიერებლად კლიენტების მილიარდობით დოლარის ოდენობის ფული გამოიყენა.
თავად ბენკმენ-ფრიდი ბრალდებას უარყოფს და სასამართლოს წინაშე, სავარაუდოდ, 22 დეკემბერს წარდგება.
გარდა ამისა, გასულ კვირას FTX-ის ყოფილ უფროსს ბრალი წაუყენეს ინვესტორების მოტყუების სქემის ორგანიზებაშიც. უსაფრთხოებისა და გაცვლის კომისიამ (SEC) თქვა, რომ კაცმა, რომელსაც ადრე მეტსახელად «კრიპტოს მეფეს» ეძახდნენ, «სასახლე სხვების მოტყუების ხარჯზე ააშენა».
«როგორც ამბობდნენ, ბენკმენ-ფრიდი, ელისონი და ვანგი FTX-ის ინვესტორებისგან მატერიალური ინფორმაციის დამალვის სქემაში აქტიურად მონაწილეობდნენ» — ამბობს სანჯაი ვადჰვა, SEC-ის აღსრულების განყოფილების დირექტორის მოადგილე.
გარი ვანგი და კეროლაინ ელისონი ბენკმენის თანამოაზრეები არიან, რომლებმაც ბრალი უკვე აღიარეს. ვანგი FTX-ის თანადამფუძნებელია, ხოლო ელისონი Alameda Research-ის ყოფილი ხელმძღვანელი. ორივე მათგანს ბრალი თაღლითობაში წაუყენეს, რამაც ხელი შეუწყო FTX-ის დაშლას.
ვანგის ადვოკატის განცხადებით, მისი კლიენტი საკუთარ ქმედებებზე ყველანაირ პასუხისმგებლობას იღებს და მოწმის მოვალეობასაც სერიოზულად ეკიდება.
FTX-ს დაახლოებით 1,2 მილიონი დარეგისტრირებული მომხმარებელი ჰყავდა. მათგან ბევრს აინტერესებს, FTX-ის ციფრულ საფულეებში ჩარჩენილ ფულს ოდესმე დაიბრუნებენ თუ არა.
სემ ბენკმენ-ფრიდს ოდესღაც განიხილავდნენ, როგორც ლეგენდარული ამერიკელი ინვესტორის, უორენ ბაფეტის ახალგაზრდა ვერსიას. მისი ქონება ოქტომბრის ბოლოს 15 მილიარდ დოლარზე მეტი იყო.
