საქართველოს ეკონომიკის მინისტრმა, ლევან დავითაშვილმა მსოფლიოს უმსხვილეს ონლაინსავაჭრო პლატფორმას, Amazon-ს საქართველოში კომპანიის ვებსერვისების (AWS) რეგიონული მონაცემთა ცენტრის მოწყობა შესთავაზა.
საქართველოს ეკონომიკის მინისტრმა, ლევან დავითაშვილმა მსოფლიოს უმსხვილეს ონლაინსავაჭრო პლატფორმას, Amazon-ს საქართველოში კომპანიის ვებსერვისების (AWS) რეგიონული მონაცემთა ცენტრის მოწყობა შესთავაზა.
ამის შესახებ ეკონომიკის მინისტრმა, Amazon-ის ვიცე-პრეზიდენტთან, მაიკლ ფუნკემთან შეხვედრის დასრულების შემდეგ განაცხადა.
შეხვედრა დავოსში, ეკონომიკურ ფორუმზე საქართველოს დელეგაციის ვიზიტის ფარგლებში შედგა.
ლევან დავითაშვილის ინფორმაციით, იმ მნიშვნელოვან საკითხებს შორის, რაზეც «ამაზონის» ვიცე-პრეზიდენტთან ისაუბრა, არის საქართველოში ციფრული ეკონომიკის განვითარების მიმართულებით განხორციელებული და მიმდინარე რეფორმები, ელექტრონული კომუნიკაციების ბაზარზე არსებული მდგომარეობა, ციფრული ტრანსფორმაციის, ციფრული ეკონომიკისა და საინფორმაციო საზოგადოების განვითარება.
«ჩვენი შეთავაზებაა, რომ „ამაზონმა“ საქართველო განიხილოს, როგორც მონაცემთა გაცვლის ერთ-ერთი ჰაბი და შეისწავლოს საქართველოში data ცენტრის შექმნის შესაძლებლობა. ასევე, ვისაუბრეთ თანამშრომლობის სხვა მიმართულებებზე, მათ შორის ციფრულ ტრანსფორმაციაში „ამაზონის“ დახმარებაზე საქართველოს ხელისუფლების მიმართ, კადრების მომზადებისა და სხვა მნიშვნელოვან საკითხებზე» — აღნიშნა ეკონომიკის მინისტრმა
მისივე თქმით, ხელსაყრელი სავაჭრო რეჟიმები, თავისუფალი ინდუსტრიული ზონები და იაფი ელექტროენერგია საქართველოს ტექნოლოგიური გიგანტების მონაცემთა გაცვლის ცენტრების შესაქმნელად მიმზიდველ ადგილად აქცევს.
